ယခုနှစ်ရှမ်းတောင်တွင် ရေကြီးရေလျှံမှုကြောင့်စပါးအထွက်နူန်း အရင်နှစ်ထက်လျှော့နည်း
ခမ်းသားငေါဝ်း အောက်တိုဘာ ၃၀၊ ၂၀၂၄ တောင်ကြီးမြို့နယ်၊ ကုလာကုန်းကျေးရွာအရှေ့ဖက်ခြမ်းရှိစပါးခင်းများ ရေကြီးရေလျှံမှုကြောင့်အရင်နှစ်ထက်အထွက်နူန်း လျှော့နည်းနေကြောင်းဒေသခံထံမှ သိရသည်။ ရှမ်းပြည်နယ်တောင်ပိုင်း၊ တောင်ကြီးမြို့နယ် ကုလာကုန်းကျေးရွာအရှေ့ဖက်ခြမ်းရှိ စပါးစိုက်ခင်းများ မိုးကြီးမှုကြောင့်အပင်များလှဲပြီး ရေနစ်မြှပ်သွားသည့်အတွက် စပါးပင်များပျက်စီးသဖြင့် အရင်နှစ်ထက် အထွက်နူန်းလျှော့နည်းနသည်။ “ပြောရမယ်ဆို ဒီနှစ်ကမိုးများတော့လေ၊ အခုရိတ်သိမ်းတဲ့ချိန်တောင် တစ်ချိူ့နေရာကမကျသေးတော့ စပါးကမရတော့ဘူးလေ၊ အများကြီးတော့ဆုံးရှုံးတာပေါ့၊ အရင်နှစ်ထက်တစ်ဝက်နီးပါးဘဲပြန်ရတယ်လေ ခုကတစ်ချိူ့တွေဆိုလုံးလုံးပြန်မရတဲ့သူတွေလဲရှိတယ်”ဟုဒေသခံတစ်ဦးကခမ်းသားငေါဝ်းကိုပြောသည်။ ဆီဆိုင်မြို့နယ် ပုန်းအင်းဒေသ နောင်မွန်ရှမ်းဆန်အဓိကထွက်ရှိသည့်ဒေသတွင်လည်း စက်တင်ဘာလအတွင်း…