ဆီဆိုင် စစ်ရှောင်များအတွက် အလှူရှင်မရှိသဖြင့်စားနပ်ရိက္ခာများ အရေးပေါ်လိုအပ်နေ
ခမ်းသားငေါဝ်း ဇန်နဝါရီ ၁၆၊၂၀၂၄ ရှမ်းပြည်နယ်တောင်ပိုင်း ဆီဆိုင်မြို့နယ်ရှိ စစ်ရှောင်များအတွက် အလှူရှင်များမရှိသဖြင့် စားနပ်ရိက္ခာများ အရေးပေါ်လိုအပ်နေကြောင်း စစ်ရှောင်ကူညီသူတစ်ဦးထံမှ သိရသည်။ စစ်ရှောင်များသည် ဆီဆိုင်မြို့ရှိစစ်ရှောင်စခန်းများနှင့်ဆွေမျိုးအိမ်များသို့ လာရောက်ခိုလှုံနေကြပြီး အလှူရှင်မရှိသည့်အတွက် စစ်ဘေးရှောင်များ စားဝတ်နေရေးအခက်ခဲကြုံတွေ့နေရကြောင်း ယနေ့တွင် ပြောဆိုသည်။ “အဓိက သူတို့အလုပ်အကိုင်မရှိတော့ ဝင်ငွေကမရှိဘူး။အရင်လက ပြောင်းချိုးတာနဲ့ငရုတ်သီးခူးတဲ့အချိန်ခနဘဲ အလုပ်ရှိတယ်။ စစ်ရှောင်အရမ်းများတော့ အလှည့်ကျနဲ့သွားရသေးတယ်။အဲလိုအခြေအနေကြောင့် အလှူရှင်တွေ အပေါ်ဘဲအဓိကမှီခိုနေရတယ်”ဟု စစ်ရှောင်ကူညီသူတစ်ဦးက ပြောသည်။…