ခမ်းသားငေါဝ်း
မေ ၁၁၊ ၂၀၂၅
https://www.facebook.com/share/p/15exp9gf8y/
စစ်ကောင်စီတပ်က မေလ ၆ ရက်နေ့မှ ၃၁ ရက်နေ့ထိ အပစ်ခတ်ရပ်စဲရေး သက်တမ်း (၁)လ ထပ်တိုးသော်လည်း မြေပြင်တွင် ထိုးစစ်ဆင်ခြင်း၊ လက်နက်ကြီးပစ်ခတ်ခြင်း၊ ဒရုန်းနှင့် လေကြောင်းဖြင့် နေ့စဉ်အသုံးပြုတိုက်ခိုက်လျက်ရှိကြောင်း TNLA ကဆိုသည်။
တအာင်းဒေသ နောင်ချိုမြို့နယ်တွင် မေလ (၁၀)ရက် နံနက် (၆း၅၀) နာရီအချိန်တွင် စစ်ကောင်စီတပ်မှ တအာင်းတပ်မတော် PSLF/TNLA ရှိရာ သရက်ချိုရွာအနီးတဝိုက်တွင် ထိုးစစ်ဆင်လာသောကြောင့် တိုက်ပွဲဖြစ်ပွားခဲ့သည်။
နောင်ချိုမြို့နယ်တွင် မေလ (၁၀) ရက် ညနေ (၄း၅၀)အချိနန်၌ စစ်ကောင်စီတပ်နှင့် တအာင်းတပ်မတော် PSLF/TNLA တပ်တို့ ယာပြင်ကျေးရွာအနီးတဝိုက်တွင် တိုက်ပွဲဖြစ်ပွဲခဲ့ကြောင်း ထုတ်ပြန်ထားသည်။
နောင်ချိုမြို့ ဘူတာရပ်ကွက်၊ ဆမ္မဆယ်ရွာနှင့် အုမ္မတီးရွာတွင် စစ်ကောင်စီတပ်မှ ဂျက်ဖိုက်တာဖြင့် မေလ ၁၀ ရက် ညနေ (၄း၀၅)နာရီအချိန်တွင် ဗုံး (၇)လုံး လာရောက်ကြဲချ ပစ်ခတ်တိုက်ခိုက်ခဲ့ကြောင်းဆိုသည်။
စစ်ကောင်စီတပ်မှ ပစ်ခတ်လိုက်သော လက်နက်ကြီးကြောင့် နေအိမ် (၃)လုံးနှင့် ကား (၁)စီး ဗုံးစထိမှန် ပျက်စီးခဲ့ပြီး စစ်ကောင်စီတပ်မှ တဲခေါ်ရွာမှနေ၍ နံနက် (၉း၃၂)နာရီအချိန်တွင် ဒရုန်းဖြင့် ဗုံး(၉)လုံးနှင့် အဆိပ်ငွေ့ဗုံး (၃)လုံးဖြင့် အုမ္မတီးကျေးရွာတွင် လာရောက်ကြဲချခဲ့ကြောင်းဆိုထားသည်။
စစ်ကောင်စီတပ်မှ ဒရုန်းဖြင့် ဗုံး (၁၈)လုံးနှင့် လက်နက်ကြီးဖြင့် (၁၄)ကြိမ် တအာင်းတပ်မတော် PSLF/TNLA တည်ရှိရာ နောင်ချိုမြို့နယ် (၇)မိုင်နှင့် မတ်မန်းတောရွာတွင် ပစ်ခတ်တိုက်ခိုက်ခဲ့သည်။
အလားတူ စစ်ကောင်စီတပ်သည် မိုးကုတ်မြို့နယ်နှင့် ဆက်စပ်သည့် သပိတ်ကျင်းမြို့နယ်တွင်လည်း (၇)မိုင်တွင် မေလ(၁၀)ရက် ညနေ(၃း၁၁)နာရီအချိန်တွင် ဂျက်ဖိုက်တာဖြင့် (၂)ကြိမ် လာရောက်ပစ်ခတ်တိုက်ခိုက်ခဲ့ကြောင်းဆိုထားသည်။
ညီနောင်မဟာမိတ် (၃)ဖွဲ့မှ ငလျင်ဒဏ်သင့်ပြည်သူများနှင့် လူသားချင်းစာနာထောက်ထားရေး လုပ်ငန်းများ ဆက်လက်ဆောင်ရွက်နိုင်ရေးအတွက် တိုက်ပွဲဖြစ်ပွားလျက်ရှိသောနေရာများတွင် ထိုးစစ်များကို ပြုလုပ်မည်မဟုတ်ဘဲ တစ်ဖက်သတ် အပစ်ရပ်ကာလအား နောက်ထပ် (၁)လ သက်တမ်းထပ်တိုးကြောင်း မေလ ၁ ရက်နေ့တွင် ထုတ်ပြန်ကြေညာခဲ့သည်။
မိဘပြည်သူများအနေဖြင့် စစ်ကောင်စီတပ်မှ အပစ်ရပ်သက်တမ်း (၁)လတိုးထားသော်လည်း နေ့စဉ်ဗုံးကြဲတိုက်ခိုက်မှုများရှိသောကြောင့် စစ်ကောင်စီတပ်၏ လေကြောင်း၊ ဒရုန်း၊ လက်နက်ကြီး ပစ်ခတ်တိုက်ခိုက်မှုရန်မှ ရှောင်ရှားနိုင်ရန် စစ်ရေးသတိအမြဲရှိရန်လိုအပ်ကြောင်း သတိပေးထားသည်။
PPV001
ပုံ – TNLA
#တအာင်းဒေသ
#နောင်ချိုမြို့နယ်
#တအာင်းတပ်မတော်
#PSLF/TNLA
#သရက်ချိုရွာအနီးတဝိုက်
#ထိုးစစ်ဆင်လာသော
#တိုက်ပွဲဖြစ်ပွား
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7