တောင်ကြီးမြို့တွင် သင်္ကြန်မကျင်းပဖြစ်တော့ ကြောင်းသိရ

တောင်ကြီးမြို့တွင် သင်္ကြန်မကျင်းပဖြစ်တော့ ကြောင်းသိရ
……………………
ခမ်းသားငေါဝ်း
ဧပြီ ၄၊ ၂၀၂၅

https://www.facebook.com/share/p/1Wy5Hpj9Mz/

ရှမ်းပြည်နယ်တောင်ပိုင်း၊ တောင်ကြီးမြို့တွင် မူလက ကျင်းပရန် စီစဉ်ထားသည့် သင်္ကြန် မကျင်းပဖြစ်တော့ကြောင်း ကြားသိရသည်။

လမ်းလျှောက်သင်္ကြန် နှင့် ဖျော်ဖြေရေး ဗဟိုမဏ္ဍပ် တို့ တည်ဆောက်ပြီးစီးကာ ပြန်လည်ဖြုတ်သိမ်းမှု များလည်း ရှိကြောင်း ၊ သင်္ကြန်ယိမ်း ဝတ်စုံများကို ဆက်မချုပ်တော့ဘဲ ရပ်လိုက်ပြီ ဖြစ်ကြောင်း သတင်း ရင်းမြစ် ထံမှ ကြား သိရသည်။

“ ဒီတစ်နှစ် မလုပ်တော့ဘူး၊ ရေပက်လို့တော့ ရချင် ရမယ်။ ဒါပေမယ့် သင်္ကြန် သီချင်းတွေ နဲ့ ပျော်ပွဲရွှင်ပွဲ၊ အတီးအမှုတ်များ ပါဝင်မှု မရှိတော့ဘူးလို့ သိရပါတယ်။ သင်္ကြန်ဝတ်စုံကိုလည်း ၂ စုံစီ ချုပ်ထားဖို့ မှာထားတာ ဆက်မချုပ်ဘဲ ရပ်လိုက်ဖို့လည်း ပြောလိုက်ပါပြီ။ ဌာနဆိုင်ရာ ဝန်ထမ်းတွေ ဝတ်ဖို့ အတွက် ချုပ်ထားတာပါ။” ဟု ဌာနဆိုင်ရာ နှင့်နီးစပ်သည့် သတင်းရင်းမြစ် တစ်ဦးကခမ်းသားငေါဝ်းကိုပြောသည်။

မူလက ရှမ်းပြည်နယ် လွှတ်တော်ရှေ့လမ်း၊ ကိုယ်ပွား သတင်းစာတိုက် လမ်းရှေ့ ၊ စည်ပင်သာယာရေး ရုံးနှင့် ထွေအုပ်ရုံးရှေ့ လမ်းတစ်လျှောက် ဘာဂါဟောက်စ်ဆိုင်အထိ လမ်းလျှောက်သင်္ကြန် ပြုလုပ်ရန် စတန်းများပြုလုပ်ထားသော်လည်း ဧပြီလ ၄ ရက်တွင် လုပ်ငန်းများ ရပ်နားထားပြီး ပြန်လည် ဖြုတ်သိမ်းမှု များလည်း ရှိကြောင်း သိရသည်။

တောင်ကြီးမြို့ ၊ ယခင်အစိုးရ ရုံးဟောင်းရှေ့ ၊ သမိုင်းဝင် အဆောက်အအုံ ရှေ့နားတွင် ဗဟို မဏ္ဍပ် ကို ပြင်ဆင်ထားပြီး လုပ်ငန်း ဆက်မလုပ်ဘဲ ပြန်လည် ဖြုတ်သိမ်းရန် ပြင်ဆင်နေသည်ကို မွန်းလွဲပိုင်း အချိန်တွင် မြင်တွေ့ ရပါသည်။

မြို့ခံ တစ်ဦးက လည်း“ ဒီတစ်နှစ်တော့ တောင်ကြီး သင်္ကြန် မလုပ်ဖြစ်တော့ပါဘူး။ အများပြည်သူ စိတ်ပူပန် သောက ရောက်နေချိန် မလုပ်တော့ဘူးလို့ ဆုံးဖြတ်လိုက်တာ သိပ်ကောင်းပါတယ်။ မဟုတ်ရင် တောင်ကြီးပဲ အပြောခံရမှာပါ။ မဏ္ဍပ်တွေ ပြန်လည် ဖြုတ်သိမ်းနေကြပါပြီ။ ”ဟု ဆိုသည်။

မတ်လ ၂၈ ရက်နေ့က လှုပ်ခတ်သွားသော ငလျင် ဘေးဒဏ်ကြောင့်မြန်မာနိုင်ငံတဝန်း ထိခိုက်မှုများစွာ ရှိခဲ့ပြီး ၊ အင်းလေးကန်တွင် လူ ၉၀ ဦးခန့် အသက်ဆုံးပါးခဲ့ရကြောင်း သိရသည်။

မြန်မာ့ရိုးရာ သင်္ကြန်ပွဲတော်သည် ယူနက်စကို၏ လူသားမျိုးနွယ်ဆိုင်ရာ ဒြပ်မဲ့ယဉ်ကျေးမှု အမွေ အနှစ်စာရင်းအဖြစ် သတ်မှတ်ခဲ့ခြင်းခံရသည်။

ပါရာဂွေးနိုင်ငံ အာဆွန်စီယွန်မြို့၌ ဒီဇင်ဘာ ၂ ရက်မှ ၇ ရက်အထိ ကျင်းပသည့် (၁၉) ကြိမ်မြောက် ဒြပ်မဲ့ယဉ်ကျေးမှုအမွေအနှစ် ညီလာခံတွင် တရားဝင်ဆုံးဖြတ်ခဲ့ရာ ဒီဇင်ဘာ ၅ ရက်တွင် မြန်မာ့သင်္ကြန်မှာ ကမ္ဘာ့ဒြပ်မဲ့ယဉ် ကျေးမှုအမွေအနှစ်စာရင်းတွင် ပထမဆုံးတရားဝင်ပါဝင်နိုင်ခဲ့ခြင်းဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ထံမှ သိရသည်။

#PPV-006
#ရိုးရာပွဲ
#သင်္ကြန်
#တောင်ကြီး
#မလုပ်ဖြစ်

ခမ်းသားငေါဝ်း Telegram
https://t.me/thepeoplevoicePaO

youtube channel
www.youtube.com/@khamsarngor7295

ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။