ငလျင်ဘေးဒဏ်ခံရသော်လည်းလူသိနည်းပြီး အလှူရှင်သိပ်မရောက်သည့် ကမ်းပါးနီရွာ အကူအညီလိုအပ်နေ
………………..
ခမ်းသားငေါဝ်း
ဧပြီ ၄၊ ၂၀၂၅
https://www.facebook.com/share/p/196JJuFmAT/
အင်အားပြင်းငလျင်ကြောင့် နေအိမ်အဆောက်အဦးများစွာ ပြိုကျပျက်စီးခဲ့သည့် မန္တလေးတိုင်း သာစည်နယ်နှင့် ရှမ်းပြည်နယ် ကလောနယ်စပ်ကြားရှိ ကမ်းပါးနီရွာသည် ယခုအထိချိန် အလှူရှင်တွေ နည်းပါးပြီး ပြန်လည်ထူ ထောင်ရေးအတွက် အခက်အခဲ ရှိနေကြောင်း သိရသည်။
ကမ်းပါးနီရွာသည် အိမ်ခြေစုစုပေါင်း (၆၅)အိမ်ရှိပြီး ငလျင်ကြောင့် ပျက်စီးဆုံးရှုံးခဲ့သော အိမ်ခြေ(၁၈) အိမ် ရှိကြောင်း ငလျင်ဘေး ကူညီဆောင်ရွက်ပေးနေသူထံမှ သိရသည်။
“အစားအသောက်တော့ သိပ်မလိုတော့ဘူးဗျ၊ အဓိက ပြန်လည်ထူထောင်ဖို့အတွက် အိမ်ဆောက်ပစ္စည်းတွေ၊ ငွေသားတွေလိုပါတယ်။ ငလျင်လှုပ်တဲ့အချိန်မှာ လူထိခိုက်သေဆုံးတာမရှိပေမယ့်တချို့အိမ်က အကုန်ပြိုတာတွေ၊ တခြမ်းပြိုတာတွေကြောင့် အဲ့တာတွေလည်း နေလို့မရတော့လို့ အကုန်ပြန်ဖြိုရတာဆိုတော့ အဓိကတော့ အိမ်ဆောက်ပစ္စည်းတွေ လိုအပ်တယ်ဗျ”ဟု ကူညီပေးနေသူက ခမ်းသားငေါဝ်းကို ပြောသည်။
ကမ်းပါးနီရွာသည် ယခင်ရေဘေးက စိုက်ခင်း၊ တံတား၊ မြေ ပြိုမှုများ ရှိခဲ့ပြီး ရွာသည် ချောင်ကျသော ဒေသဖြစ်သောကြောင့် အလှူရှင်သိနည်းခြင်း အပြင် လမ်းပန်း ဆက်သွယ်ရေးလည်း အခက်ခဲရှိကြောင်း သိရသည်။
မတ်လ(၂၈)ရက်က အင်အားပြင်းသော ငလျင်လှုပ်ခတ်မှုကြောင့် ရှမ်းပြည်နယ်တောင်ပိုင်း အင်းလေးဒေသအတွင်း အိမ်ခြေပျက်စီးမှု စုစုပေါင်း (၂၃၃၇)အိမ် ရှိပြီး သေဆုံးသူ(၈၉)ဦးအထိ ရှိနေကြောင်း သိရသည်။
မြန်မာနိုင်ငံတွင် ငလျင်ကြောင့် ဧပြီလ(၃)ရက်နေ့ မနက်ပိုင်းအထိ သေဆုံးသူ စုစုပေါင်း (၃၀၈၅)ဦးရှိကြောင်း စစ်ကောင်စီက ဖော်ပြထားသည်။
#PPV0011
#humantarian
#ကမ်းပါးနီရွာ
#ငလျင်ဘေး
ခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။