အင်းလေးကန်ရှိ ကျေးရွာများတွင်ငလျင်ကြောင့် လျှပ်စစ်မီးဓါတ်တိုင်များ အတော်များများ ပျက်စီးသွား
………………..
ခမ်းသားငေါဝ်း
ဧပြီ ၃၊ ၂၀၂၅
https://www.facebook.com/share/p/15bAjSy8UT/
အင်အားပြင်းငလျင်ဒဏ်ကြောင့်ရှမ်းပြည်နယ်တောင်ပိုင်းညောင်ရွှေမြို့နယ် အင်းလေးကန် ရှိ ကျေးရွာများတွင် လျှပ်စစ်မီး ဓါတ်တိုင်များ အတော်များများ ပျက်စီးသွားသည်ကို မြင်တွေ့ခဲ့ရသည်။
ထို့ကြောင့် ကျေးရွာများတွင် လျှပ်စစ်မီး ပြန်လည် ရရှိရန် အချိန်ကြာမြင့်ဦးမည်ဟုအင်းလေး ဒေသခံများက သုံးသပ် ပြောဆိုကြသည်။
“ဓါတ်တိုင်တွေ အားလုံး ပြိုလဲပြီး စောင်းကုန်တယ်။ ရွာတိုင်း နီးပါးပဲ ဖြစ်တယ်။ ရေဘေးတုန်းက ရေကျပြီးပြီးချင်း ချက်ချင်း လာတယ်ဗျာ။ ”ဟု နန်းပန် ကျေးရွာသား တစ်ဦးက ဆိုသည်။
ငလျင်ကြောင့်အဓိကအားဖြင့် ကေလာအုပ်စုရှိ ကေလာ ၊စိတ္တ ၊အုန်းပင်၊ ရွှေပြည်သာ၊ ဇရပ်ကြီး ၊ နန်းပန် ရေလယ်၊ နန်းပန် ပေါက်ပါး ၊ ကြာတော၊ အိုင်ထောင့်ကြီး ၊ ရှေ့၀ကြီး ၊ မြောင်း၀ကြီး ၊ သလဲဦးအင်းရွာ၊ အင်းခြံ၊ ညောင်ဝန်း ၊ ကြေးစား (သုံး) ရွာ ၊ ဟဲယာရွာမ၊ ကန်ခေါင်း ၊ အင်းပေါခုံတို့ တွင် အိမ်ခြေပေါင်း ၂၅၆၆ အိမ် ပျက်စီးခဲ့ကြောင်း သိရသည်။
အဆိုပါ ကျေးရွာများရှိ လျှပ်စစ်မီး ဓါတ်တိုင်များ နှင့် ထရန်စဖော်မာ များ ပျက်စီးနေပြီး လျှပ်စစ်မီး ဓါတ်တိုင်များ ယိုင်နဲ့သွားခြင်း ၊ ပြိုလဲသွားခြင်း များ ကိုလည်း မြင်တွေ့ခဲ့ရသည်။
အင်းလေးကန်တွင် ကေလာ ကျေးရွာအုပ်စု ရှိ ကျေးရွာပေါင်း (၆) ရွာ မှာ အထိအနာဆုံး ဖြစ်ကာ အိမ်ခြေပေါင်း တစ်ထောင်ကျော် ရှိရာတွင် ၈၅၀ ကျော် ပျက်စီးခဲ့သဖြင့် ၈၅ ရာခိုင်နှုန်းကျော် ပျက်စီးခဲ့ခြင်း ဖြစ်ကြောင်း သိရသည်။
ဒေသခံများအနေဖြင့် သဘာ၀ ဘေးအန္တရာယ် ကြုံတွေ့ပြီးနောက် သောက်ရေသန့် ရရှိနိုင်ရေးသည် အဓိက အချက် ဖြစ်သောကြောင့် ကျေးရွာများအနေဖြင့် သောက်ရေသန့် ကို အဓိက လိုအပ်ချက် ရှိနေကြောင်း ငလျင်ဘေးဒဏ်သင့် ကျေးရွာ တာဝန်ခံ များက ပြောဆိုကြပါသည်။
အင်းလေးကန်တွင်းရှိ ငလျင်ဘေးဒဏ်သင့် ကျေးရွာများတွင် နေအိမ်များ ပြိုလဲခြင်း ၊ တိမ်းစောင်းခြင်းများကြောင့် နေအိမ်များအတွင်း နေထိုင်ရန် မဖြစ်နိုင်သဖြင့် မြေကြီးရှိသော နေရာတွင် ယာယီ တဲထိုးကာ စုပေါင်း နေထိုင်ခြင်း ရှိကြောင်း ဒေသခံ များက ရှင်းပြသည်။
#PPV-006
#အင်းလေး
#humantarian
#ငလျင်ဘေး
ခမ်းသားငေါဝ်း Telegram
https://t.me/thepeoplevoicePaO
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။