တောင်ကြီးမြို့ပေါ် ၌ သင်္ကြန်အတွက် အကတိုက်နေဟုသိရ

တောင်ကြီးမြို့ပေါ် ၌ သင်္ကြန်အတွက် အကတိုက်နေဟုသိရ
……………………………………………

ခမ်းသားငေါဝ်း
ဧပြီ ၂၊ ၂၀၂၅

https://www.facebook.com/share/p/1RRC4DoLWu/

ငလျင်ဒဏ်ကြောင့် ရှမ်းတောင်ဒသရှိ ပင်လောင်းနှင့် အင်းလေးဒေသ ၌ ပြည်သူများ အသက်အိုးအိမ် ဆုံးရှုံးနေရချိန် တောင်ကြီးမြို့ပေါ်တွင် သင်္ကြန် အတွက်အက တိုက်နေကြောင်း ဒေသခံထံက သိရသည်။

ရှမ်းပြည်နယ်တောင်ပိုင်း တောင်ကြီးမြို့ပေါ်တွင် အရင်နှစ်သင်္ကြန်မဏ္ဍန်၌ ကပြဖျော်ဖြေခဲ့သည် အစိုးရကျောင်းမှာ အကကခဲ့သူများကို အကတိုက်ရန် ခေါ်ယူနေကြောင်း သိရသည်။

“ထ(၄)မှတော့ အကခေါ်တယ် ၊ Buger house နားမှာ စင်ဆောက်နေတာ အဲ့မှာကမှာတဲ့ ထ(၄)ကတော့ အရင်နှစ်ကတဲ့သူကို ခေါ်နေတယ် ၊ပညာရေးဝန်ကြီးက အကတိုက်ဖို့ ပြောထားတာ” ဟု မြို့ခံတစ်ဦးမှ ပြောသည်။

ပြီးခဲ့သည့်နှစ်၌ သင်္ကြန်ပွဲကို တောင်ကြီးမြို့ မြို့တော်ခန်းမနား လမ်းလျှောက် သင်္ကြန် အပါအဝင် ကျင်းပခဲ့ကြောင်းသိရသည်။

“အခုက စင်တွေဘာတွေတောင် ထိုးပြီးနေပြီ တိုင်ရိုက်ပြီးနေ ကျွန်မထင်တော့လုပ်ဖြစ်မယ်ထင်တယ် တောင်ကြီးက အဲ့လို့မျိုးဘဲ၊ စစ်တပ်ကွင်းကမဏ္ဍပ်မှာ အကကဖို့တိုက်နေပြီ ၊ လမ်းလျှောက်သင်္ကြန်လည်းရှိတယ်၊ အရင်နှစ်လုပ်တဲ့ မြို့တော်ခန်းမနားဘဲ တိုးတိုးတိတ်တိတ် သင်္ကြန်ဆိုလာဘဲ ”ဟု မြို့ခံတစ်ဦးက ပြောသည်။

မြေငလျင်ဘေးဒုက္ခနှင့် ကြုံနေရသော်လည်း စီစဉ်ထားသည့် သင်္ကြန်ပွဲကို ဖျက်သိမ်းမည်မဟုတ်ဘဲ ဆက်လက်ကျင်းပမည်ဟု စစ်ကောင်စီက ယမန်နေ့ည(ဧပြီ ၁) ကကြေညာခဲ့ပြီး ထုတ်ပြန်ချက်တွင် တစ်နိုင်ငံလုံး ဝမ်းနည်းကြေကွဲနေရသောကာလဖြစ်သောကြောင့် သင်္ကြန်ပွဲကို အပျော်အပါးမပါသည့် ရိုးရာပွဲအဖြစ် ကျင်းပမည်ဟု ဆိုထားသည်။

PPV0013
ပုံ-အွန်လိုင်း
#တောင်ကြီး
#အကတိုက်
#သဘာဝဘေး
#တစ်နိုင်ငံလုံး၀မ်းနည်းကြေကွဲရ
#ယခုနှစ်သင်္ကြန်
#အပျော်အပါးသီဆိုကခုန်မှုများ
#ရိုးရာယဉ်ကျေးမှုနှင့်အညီကျင်းပသွားမည်
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7