အင်းလေးဒေသ ငလျင်ဒဏ်ကြောင့် သေဆုံးသူ (၈၉) ဦး အထိတိုးလာပြီး နေအိမ်ပျက်စီးမှု (၂၃၃၇)လုံးရှိ
……………………………………
ခမ်းသားငေါဝ်း
ဧပြီ ၁၊ ၂၀၂၅
https://www.facebook.com/share/p/14Sm7gPjdJ/
အင်အားပြင်းငလျင်ကြောင့် ရှမ်းပြည်နယ်တောင်ပိုင်း အင်းလေးဒေသမှာ မတ်လ(၃၀)ရက်နေ့အထိ သေဆုံးသူ (၈၉)ဦးအထိရှိပြီး နေအိမ်ပျက်စီးမှု (၂၃၃၇)လုံး ရှိကြောင်း အင်းလေးလူ့အခွင့်အရေး၏ ဖော်ပြချက်အရ သိရသည်။
အင်းလေးဒေသရှိ နမ့်ပန်ရေလယ်ကျေးရွာ၊ နမ့်ပန်ကြာတောကျေးရွာ၊ သလဲဦးအင်းရွာ၊ အုန်းပင်၊ စိတ္တ၊ နောက်မြောက်၊ နောက်တောင်၊ ရှေ့မြောက်၊ ရှေ့တောင်၊ ဇရပ်ကြီး၊ ရှေ့ဝကြီး၊ မြောက်ဝကြီး၊ အိုင်ထောင့်ကြီး၊ ရွှေပြည်သာ၊ ပေါက်ပါးရွာ၊ ဟန်ချို့ရွာ၊ ဟဲယာရွာမ၊ အင်းပေါ်ခုံ၊ နမ့်ပန်မြို့ စသည့်ရွာများမှ ငလျင်ကြောင့် သေဆုံး၊ နေအိမ်ပျက်စီးမှု စာရင်း ဖော်ပြထားသည်ကို တွေ့ရသည်။
မတ်လ(၂၈)ရက်မှာ ပြင်းအား(၇.၇)ရှိသော ငလျင်ကြောင့် အင်းလေးဒေသရှိရွာများစွာ ထိခိုက်သေဆုံးမှု ရှိခဲ့ပြီး ယခုချိန်ထိ အကူအညီလိုအပ်နေကြောင်း သိရသည်။
“လိုအပ်ချက်တော့ အများကြီးရှိတယ်ပေါ့။ ကူညီသူတွေလည်းရောက်တဲ့နေရာရှိသလို မရောက်တဲ့နေရာလည်း အများကြီးရှိတယ်လေနော်၊ အခုချိန်အဓိက လိုအပ်တာကတော့ အစားအသောက်၊ သောက်ရေ၊ အခြောက်အခြမ်း၊ မိုးကာတို့၊ ဓာတ်မီး၊ ဆိုလာမီး၊ အိမ်ဆောက်ပစ္စည်း၊ အိုးခွက်ပန်ကန်တို့ လိုအပ်တယ်။ မြေပြင်ဆင်းပြီး ကူညီပေးသူလည်း အများကြီး လိုအပ်တယ်။တချို့ဆို အခုထိ လှေပေါ်မှာပဲနေ့နေ့ညညကုန်ဆုံး နေရတဲ့ အခြေအနေလည်း ရှိတယ်”ဟုဒေသခံကို ကူညီပေးနေသူက ပြောသည်။
မတ်လ(၂၈)ရက် လှုပ်ခတ်သွားသော ငလျင်ကြောင့် မြန်မာနိုင်ငံ နေရာအတော်များများတွင် လူထိခိုက်သေဆုံး၊ နေအိမ် အဆောက်အဦး ပျက်စီးဆုံးရှုံးမှု အများအပြားရှိခဲ့သည်။
PPV0011
ပုံ-အွန်လိုင်း
#သဘာဝဘေး
#အင်းလေးဒေသ
#နမ့်ပန်ရေလယ်ကျေးရွာ
#နမ့်ပန်ကြာတောကျေးရွာ
#သလဲဦးအင်းရွာ
#အုန်းပင်
#စိတ်တ
#နောက်မြောက်
#နောက်တောင်
#ရှေ့မြောက်
#ရှေ့တောင်
#ဇရပ်ကြီး၊
#ရှေ့ဝကြီး
#မြောက်ဝကြီး
#အိုင်ထောင့်ကြီး
#ရွှေပြည်သာ
#ပေါက်ပါးရွာ
#ဟန်ချို့ရွာ
#ဟဲယာရှာမ
#အင်းပေါ်ခုံ
#နမ့်ပန်မြို့
#ငလျင်
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7