စံကားဒေသတွင် စစ်ကောင်စီနှင့် PNOပြည်သူ့စစ်က ထမင်းထုပ်တိုးကောက်သဖြင့် ဒေသခံများအခက်အခဲများကြုံနေရ
…………………………………………..
ခမ်းသားငေါဝ်း
ဧပြီ ၁၊ ၂၀၂၅
https://www.facebook.com/share/p/1AHD6HbVXP/
စံကားဒေသတွင် စစ်ကောင်စီနှင့် PNO ပြည်သူ့စစ်က ထမင်းထုပ်ထပ်မံတိုးကောက်သဖြင့် ဒေသခံများက အခက်အခဲများဖြစ်နေကြကြောင်း ဧပြီလ(၁)ရက်နေ့တွင် ဒေသခံထံမှသိရသည်။
ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ စံကားဒေသတွင် ဒေသခံများက စစ်ကောင်စီနှင့် PNO ပြည်သူ့စစ်အတွက် တစ်အိမ်ကို ထမင်းထုပ်(၉)ထုပ် ပို့ပေးခဲ့ရာမှ ယခုချိန်တွင်တစ်အိမ်ကို (၁၃)ထုပ်အထိ ထပ်မံတိုးကောက်သဖြင့် ဒေသခံများက အဆင်မပြေမှုများဖြစ်စေကြောင်း သိရသည်။
“အစကတစ်အိမ်ကို (၉)ထုပ်ပဲပို့ပေးရတာ အခုကတစ်အိမ်ကို (၁၃)ထုပ်စီထပ်ပို့ခိုင်းထားတယ်၊ ထမင်းထုပ်က (၃)ရက်တစ်ခါပုံမှန်ပို့ပေးနေရတော့ အဆင်မပြေလာတော့ဘူးလူတွေက တစ်ခါပို့ပေးရင် ဆန်တစ်ပြည်လောက်က အေးဆေးကုန်တယ် အခုချိန်က ကုန်ဈေးနှုန်းတွေကတက်တာတစ်ဖက်နဲ့ဆိုတော့ ဘယ်လိုမှအဆင်မပြေတော့ဘူး အခုကသဘာဝဘေးဒဏ်လည်းထပ်လာတော့ ဖြစ်နိုင်ရင် စစ်ပွဲတွေတကယ်ပြီးချင်နေပြီ” ဟုစံကားဒေသ အမျိုးသမီးတစ်ဦးက ခမ်းသားငေါဝ်းကိုပြောသည်။
မြန်မာနိုင်ငံနေရာအနှံ့အပြားတွင် ငလျင်ဒဏ်အလူးအလဲခံနေရချိန် စံကားဒေသတောင်ဘက်၌ တိုက်ပွဲဖြစ်ပွားခြင်းမရှိပဲ စစ်ကောင်စီက နေ့စဥ်လက်နက်ကြီးပစ်ခတ်မှုများပြုလုပ်နေဆဲ ဖြစ်ကြောင်း ၎င်းကပြောသည်။
“အခုဆိုထမင်းထုပ်လည်းပို့ပေးရတယ် ရွာကစစ်သင်တန်းတက်ပြီးတဲ့လူတွေလည်း သူတို့ခေါ်တာလိုက်ပေးရတယ် တစ်ချို့ပိုက်ဆံတတ်နိုင်တဲ့လူဆို တစ်ရက်ကို(၅)သောင်းနှုန်းနဲ့ ကြေးစားငှါးပြီးသွားခိုင်းတာရှိတယ် တစ်ချို့က မသွားချင်ပေမဲ့ ငွေရေးကြေးရေးကအဆင်မပြေတော့ သွားပေးရတာပါပဲ၊ အခုကတိုက်ပွဲတော့မဖြစ်သေးဘူး လက်နက်ကြီးသံတော့ နေ့တိုင်းလိုလိုကြားနေရတယ်” ဟု၎င်းကဆက်ပြောသည်။
စံကားဒေသတောင်ဘက် ထီရီးကျေးရွာဘက်တွင် စစ်ကောင်စီနှင့် PNOပြည်သူ့စစ်က ယခုထိတိုင် တပ်စွဲနေရာယူထားဆဲဖြစ်ပြီး အခြေခံစစ်သင်တန်းတက်ပြီးသည့်ဒေသခံများကိုလည်း အလှည့်ကျ ကင်းစောင့်ခိုင်းကာ အင်အားဖြည့်တင်းမှုများရှိနေဆဲဖြစ်ကြောင်း သိရသည်။
#PPV007
#လူ့အခွသ့်အရေး
#ညောင်ရွှေမြို့နယ်
#စံကားဒေသ
#စစ်ကောင်စီ
#PNOပြည်သူ့စစ်
#ထမင်းထုပ်ပို့ပေးရ
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7