ငလျင်ဒဏ်ထိ ဒေသများကို အီလွန်မက်မှ Wifi Free ပေးတယ်ဆိုတဲ့ သတင်းအမှား
( Fact-check) DNA, The Red Flag
မတ်လ၊၃၁ရက်။
မုံရွာ၊ မန္တလေး၊ စစ်ကိုင်း ငလျင်ဒဏ်သင့်ဒေသတွေမှာ အမေရိကန် အီလွန်မက်က ဝိုင်ဖိုင်ဖရီး
ဆိုတဲ့ သတင်းမှားတခု လူမှုကွန်ရက်စာမျက်နှာတွေမှာ ပျံ့နှံ့နေပါတယ်။
အဲ့ဒီ သတင်းမှားကို Win Naing Naing ဆိုသည့် လူမှုကွန်ယက် စာမျက်နှာကနေ ၃၀ မတ် ၂၀၂၅၊ ၇ နာရီခွဲ ဝန်းကျင်မှာ စတင်ဖြန့်ဝေခဲ့ပြီး တခြား လူမှုမီဒီယာတွေမှာလည်း ပျံ့နှံ့လျှက်ရှိနေပါတယ်။ ဆိုပါပို့စ်ကို ပြန်လည်မျှဝေသူ ၇၁၃ ဦးနှင့် ရီအက်ရှင်ပြုလုပ်သူ ၂၁၅ ဦးရှိပါသည်။
https://archive.ph/8td8O
https://archive.ph/7nnJM
https://archive.ph/3Pgc6
အဲ့ဒီပျံ့နှံ့လာတဲ့သတင်းမှားကို MFCN အဖွဲ့ဝင်ဖြစ်တဲ့ DNA Fact Check အဖွဲ့နဲ့ The Red Flag အဖွဲ့တို့ ပူးပေါင်းစစ်ဆေးကြည့်တဲ့အခါမှာ Starlink ဂြိုလ်တုကနေ တိုက်ရိုက်ဖုန်းကို အင်တာနက်ရတဲ့ Direct to Cell နည်းလမ်းက မိုဘိုင်းဖုန်းနဲ့ စတားလင့်တို့ကြား တိုက်ရိုက်ချိတ်ဆက်ဖို့အတွက် phased array ၊ custom silicon chip နဲ့ software algorithm တွေကို မိုဘိုင်းဖုန်းမှာ ထည့်သွင်းဖို့လိုအပ်တာဖြစ်လို့ လက်ရှိ ဖုန်းနဲ့ စတားလင့်တိုက်ရိုက်ချိတ်ဆက်လို့ရတယ်ဆိုတဲ့အ ကြောင်းအရာက သတင်းမှားဖြစ်ကြောင်း အတည်ပြုနိုင်ခဲ့ပါတယ်။
သတင်းစိစစ်ချက် ☑️
လက်ရှိT-Mobile (အမေရိကန်) နှင့် OneNZ (နယူးဇီလန်)မှာသာ Direct to Cellလို့ခေါ်တဲ့ ဖုန်းနဲ့တိုက်ရိုက်ချိတ်ဆက်လို့ရတဲ့ ဖုန်းအမျိုးစားတွေကိုထုတ်လုပ်ဖို့စီစဥ်ထားပြီး ဒီနိုင်ငံနှစ်ခုမှာ စတားလင့်တိုက်ရိုက်ချိတ်ဆက်လို့ရတဲ့ ဖုန်းအမျိုးအစားကို ၂၀၂၅ ဇူလိုင်လမှသာ စတင်သုံးစွဲနိုင်မှာဖြစ်တယ်လို့ Via Satellite ဝဘ်မှာဖော်ပြထားပါတယ်။
Via Satellite – https://rb.gy/55b968
Myanmar Internet Project က ကိုဘရတ်က “စတားလင့်သုံးစွဲဖို့က dish လိုသေးတယ်လေ၊ Satellite ဗန်းရှိတယ် အဲ့တာက အပေါ်မှာရှိတဲ့ အင်တာနက် connectionကို ဖမ်းယူပြီးတော့သုံးတာပေါ့နော်၊ အဲ့တာမပါဘဲနဲ့တော့ အခုလက်ရှိအခြေနေအရသုံးလို့မရသေးဘူး”လို့ MFCN ကိုပြောပါတယ်။
၂၀၂၅ မှာ Starlink အနေနဲ့ ဩစတြေးလျ၊ ယူကရိန်း၊ ကနေဒါ၊ ဆွစ်ဇာလန်၊ ချီလီ၊ ပီရူးနဲ့ ဂျပန် နိုင်ငံတို့နဲ့ ပူးပေါင်းပြီး Starlink နဲ့ မိုဘိုင်းဖုန်းတိုက်ရိုက်သုံးစွဲနိုင်ဖို့အတွက် မိုဘိုင်းဖုန်းထုတ်လုပ်သူတွေနဲ့ ပူပေါင်းသွားမယ်လို့ Starlinkက ထုတ်တဲ့ Direct to cell feb -25 pdf ဖိုင်မှာရေးသားထားတာကိုတွေ့ရပြီး လက်ရှိအချိန်ထိ ဘယ်နိုင်ငံမှာမှ Direct to cell နည်းပညာကို သုံးစွဲလို့ရနေခြင်းမရှိသေးဘူးဆိုတာကိုလည်း တွေ့ရပါတယ်။
DIRECT_TO_CELL_SERVICE_FEB_25.pdf – https://rb.gy/8l8345
Starlink ပိုင်ရှင် အီလွန်မတ် အနေနဲ့ ငလျင်ဒဏ်ခံရတဲ့ နယ်မြေတွေမှာ စတားလင့်သုံးစွဲနိုင်ဖို့အတွက် စတားလင့်ကိရိယာတွေပံ့ပိုးနိုင်ဖို့ အစိုးရဆီမှာ ခွင့်ပြုချက်တောင်းခံထားတယ်လို့သာ Xမှာ မျှဝေထားပြီး direct to cell အသုံးပြုလို့ ရမယ်လို့ ပြောထားတာမျိုး မတွေ့ရပါဘူး။
X post – https://x.com/Starlink/status/1905777899204137068
သုံးသပ်ချက် ☑️
လက်ရှိ မြန်မာနိုင်ငံမှာသုံးစွဲလို့ရနေတဲ့ Starlink နည်းပညာအရ starlink ဂြိုလ်တုနဲ့ မိုဘိုင်းဖုန်းနဲ့တိုက်ရိုက်ချိတ်ဆက်ပြီး သုံးစွဲလို့မရနိုင်သေးပါဘူး။
မုံရွာ၊ မန္တလေးနဲ့ စစ်ကိုင်းတိုင်းတွေမှာ အီလွန်မက်က ဝိုင်ဖိုင်ဖရီးပေးတယ်ဆိုတဲ့သတင်းက သတင်းအမှားဖြစ်ပါတယ်။
ဒါ့အပြင် အများသူငှာအလွယ်တကူအသုံးပြုလို့ရနေတဲ့ wifiတွေကို သုံးစွဲခြင်းကနေ မိမိတို့မိုဘိုင်းဖုန်းမှာရှိနေတဲ့ ပုဂ္ဂလိက လူမှုရေးအချက်အလက်တွေခိုးယူခံရတာမျိုး၊ ဘဏ်အချက်လက်နဲ့ စုငွေတွေခိုးယူခံရတာမျိုးအပြင်၊ ဆိုရှယ်မီဒီယာအကောင့်များ ခိုးယူခံရတာမျိုးအထိ ဖြစ်နိုင်ပါတယ်။
Myanmar Internet ProJect က ကိုဘရတ်ကလည်း
၁။ “ စစဝင်ချင်း Login page တွေပေါ်လာရင် Link တွေကိုမနှိပ်မိစေဖို့ သတိပြုပါ။
၂။ VPN ဖွင့်ပြီးသုံးပါ။
၃။ Auto Connect မလုပ်ထားပါနှင့် သုံးပြီးလျင် Forget Network လုပ်ပစ်ပါ။
၄။ ဖြစ်နိုင်လျင် Banking App များမသုံးပါနှင့်၊ Online မှ ဝယ်ယူမှုများ အများသုံးကွန်ရက်ပေါ်တွင် မလုပ်မိပါစေနှင့်။”လို့လည်း ဆိုရှယ်မီဒီယာအသုံးပြုသူတွေကို ဒစ်ဂျစ်တယ်လုခြုံရေးနဲ့ ပတ်သက်ပြီး အကြံပေးထားပါတယ်။
ဒါကြောင့် ဒီကနေ့ခေတ်ဟာ ဆိုရှယ်မီဒီယာခေတ်ဖြစ်တဲ့အတွက် အဲဒီဆိုရှယ်မီဒီယာတွေပေါ်မှာ အကြောင်းအရာ တခုခုကို ပုံဖျက်ဖို့၊ ဝါဒဖြန့်ဖို့၊ ကိုယ်ကျိုးရှာဖို့ ရည်ရွယ်ပြီး သတင်းအတု၊ သတင်းအမှားတွေကို ရည်ရွယ် ချက်ရှိရှိ ဖြန့်ဝေနေကြတာကြောင့် အလွယ်တကူ မယုံကြည်ဖို့၊ ပြန်ပြီး မမျှဝေကြဖို့ အကြံပြုလိုပါတယ်။
စာဖတ်သူတွေအနေနဲ့ သတင်းတု/သတင်းမှား ဖြစ်တယ်လို့ သံသယရှိရင်ပဲဖြစ်ဖြစ်၊ မှန်ကန်တဲ့သတင်း ဟုတ်၊ မဟုတ်အတည်ပြု မေးမြန်းလိုရင်ပဲဖြစ်ဖြစ်၊ Fact Checking ပြုလုပ်ပေးတဲ့ သတင်းဌာန/အဖွဲ့ အစည်းတွေရဲ့ Chat Box ကနေ သွားရောက်မေးမြန်းကြဖို့ တိုက်တွန်းလိုပါတယ်။
Myanmar Fact-checking Network အဖွဲ့ဝင်ဖြစ်တဲ့ DNA Fact Check အဖွဲ့ကိုလည်း Facebook page ကနေဆက်သွယ်မေးမြန်းနိုင်သလို ဒီနေရာ (dnafactcheck @gmail.com)ကနေ လည်း ဆက်သွယ်မေးမြန်းပြီး အချက်အလက်စစ်ဆေးပေးဖို့ တောင်းဆိုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Web – https://myanmarfactcheckingnetwork.org/
Fb – https://www.facebook.com/myanmarfactcheckingnetwork