ခမ်းသားငေါဝ်း
ဇန်နဝါရီ ၃၀၊၂၀၂၅
ရှမ်းပြည်နယ်တောင်ပိုင်း တောင်ကြီးမြို့ ၊ လောကချမ်းသာ စူဠာမုနိ စေတီတော် အများသုံးသန့်စင်ခန်းသည် ASEAN Public Toilet Award ဆုရရှိကြောင်းသိရသည်။
၂၀၂၅ ခုနှစ် မလေးရှားနိုင်ငံ ၊ ဂျိုဟိုး မြို့၌ ကျင်းပပြုလုပ်မည့် အာဆီယံ ခရီးသွားလုပ်ငန်း ဖိုရမ်တွင် အာဆီယံ လူထုအခြေပြု ခရီးသွားလုပ်ငန်းဆု Public CBT Award ၊ အာဆီယံ အမျိုးသုံး သန့်စင်ခန်းဆု Asean Public Toilet Award စသော ဆုနှစ်ခုကို ရရှိခဲ့ခြင်း ဖြစ်ကြောင်း သိရသည်။
“အာဆီယံ ဆယ်နိုင်ငံမှာ စူဠာမုနိ ဘုရား ဆုရပါတယ်၊ မနက်ဖြန် မှာ ဆုယူဖို့ ဘုရား ဂေါပက ဥက္ကဌနေပြည်တော်ကို သွားနေပါပြီ ၊ ဘုရားမှာ အမျိုး သမီး ဂေါပကတွေရှိပါတယ်၊ ၊ သန့် စင်ခန်းတွေကိုလည်းနေ့စဉ် သန့်ရှင်းရေးလုပ်တယ်၊ အရင် က သန့်စင်ခန်း အဟောင်းကိုတော့ လုံး၀ဖျက်လိုက်ပါပြီ၊ အခုက တစ်ဖက်မှာ သန့်ရှင်းစွာနဲ့ ဆောင်ရွက် ထားပါတယ်၊ ဘုရားဖူးဧည့်သည်တိုင်းကသန့် ရှင်း တဲ့ အတွက် ကျေနပ်ကြပါတယ်၊”ဟု ဘုရား ဂေါပက အဖွဲ့ ဝင် တစ်ဦးက ဆိုသည်။
စူဠာမုနိ စေတီတော် အများသုံးသန့်စင်ခန်းကို သန့်ရှင်းရေး လုပ်သား ၄ ဦးထားပြီး ဘုရားပရဝုန် အတွင်း အပြင် သန့်ရှင်းရေးလုပ်ထားကြောင်း ၊ ကြမ်းခင်းများကိုလည်း ဆပ်ပြာနှင့် ဆေးသလို ဂြိုဟ်တိုင်များကိုလည်း သန့် ရှင်း ရေး လုပ်ထားကြောင်းသိရသည်။
အာဆီယံ လူထုအခြေပြု ခရီးသွားလုပ်ငန်းဆု Public CBT Award ၊ ကို ပင်းတယမြို့နယ် ဆီးကျအင်း ကျေးရွာ CBT မှ လည်းကောင်း၊ အာဆီယံ အမျိုးသုံး သန့်စင်ခန်းဆု Asean Public Toilet Award ဆုကို တောင်ကြီးမြို့ လောကချမ်းသာ စူဠာမုနိ စေတီတော်ရှိ အများသုံး သန့်စင်ခန်းမှ လည်းကောင်း ဆု ရရှိကြောင်းသိရသည်။
ရှမ်းပြည်နယ်၏ ခရီးသွားလုပ်ငန်း တိုးတက်ဖွံ့ဖြိုးရေး အတွက် လည်းကောင်း ၊ ခရီးသွားလုပ်ငန်း အဆင့်အတန်း မြင့်မားမှု စသောအကျိုးကျေးဇူး များကို ရရှိခံစားမည် ဖြစ်ကြောင်း မျှော်မှန်းထားကြသည်။
တောင်ကြီးမြို့သည် ၂၀၂၀ ခုနှစ် အရှေ့ပိုင်း နှစ်များတွင် ASEAN Clean Tourist City Standard Award အာဆီယံ အသန့်ရှင်းဆုံးမြို့တော် ဆု များ ကိုလည်း ရရှိထားဖူးကြောင်း သိရသည်။
ထို့ပြင် တောင်ကြီးမြို့ရှိ လောကချမ်းသာ စူဠာမုနိ စေတီတော် သည် ဆေးလိပ်ငွေ့ ကင်းစင်ဇုန် အဖြစ် လည်း အရပ်သား အစိုးရ လက်ထက်က သတ်မှတ်ထားကြောင်း သိရသည်။
#PPV-006
#ခရီးသွား
#Asean Public Toilet Award
#စူဠာမုနိဘုရား
#တောင်ကြီး
ခမ်းသားငေါဝ်း Telegram
https://t.me/thepeoplevoicePaO
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။