မြန်မာနိုင်ငံအတွက် အကူအညီပေးရန် အမေရိကန်ဒေါ်လာ ၉၉၄ သန်း လိုအပ်ကြောင်း UNOCHA ထုတ်ပြန်

ခမ်းသားငေါဝ်း
ဒီဇင်ဘာလ ၂၄၊၂၀၂၄

မြန်မာနိုင်ငံအတွက် အကူအညီပေးရန် အမေရိကန်ဒေါ်လာ ၉၉၄ သန်း လိုအပ်ကြောင်း ၂၀၂၄ ခုနှစ် ဒီဇင်ဘာလ အတွင်း လူသားချင်းစာနာမှု ပရိုဂရမ် စက်ဝိုင်း စာတမ်းလွှာ UNOCHA ထုတ်ပြန်ချက် အရ သိရသည်။

မြန်မာနိုင်ငံတွင် စစ်တပ်အာဏာသိမ်း ၄ နှစ်နီးပါး ကာလ အတွင်း လက်နက်ကိုင် တိုက်ပွဲများ နယ်မြေ ကျယ်ပြန့်မှု ရှိခဲ့ကာ စစ်ဘေးရှောင် ဦးရေလည်း တိုးပွားလာခြင်း ရှိကြောင်း သိရသည်။

ထိုသို့ တိုက်ပွဲများကြောင့် နေရပ်စွန့်ခွာ တိမ်းရှောင်သူ ဦးရေ ၅ ဆ ကျော် တိုးလာပြီး ကုလသမဂ္ဂ ခန့်မှန်းချက်အရ လက်နက်ကိုင်ပဋိပက္ခများကြောင့် မြန်မာနိုင်ငံတွင် ပြည်တွင်း နေရပ်စွန့်ခွာ ထွက်ပြေးနေရသူ ၃ ဒသမ ၅ သန်းခန့်ရှိနိုင်ကြောင်း ဆိုထားသည်။

အကူအညီ လိုအပ်နေသူများနှင့် လူသားချင်းစာနာထောက်ထားမှုဆိုင်ရာ အကူအညီများအတွက် ပစ်မှတ်ထားသူများသည် လိင်၊ အသက်အရွယ်နှင့် မသန်စွမ်းသူများဖြစ်သည်။ မြန်မာနိုင်ငံ လူဦးရေ စုစုပေါင်း ၅၆ ဒဿမ ၆ သန်း တွင် ၊ အကူအညီ လိုအပ်သူပေါင်း ၁၈ ဒဿမ ၆ သန်း၊ ကူညီပေးရန် လျာထားသူပေါင်း ၅ ဒဿမ ၃ သန်းရှိကြောင်း UNOCHA ထုတ်ပြန်ချက် အရ သိရသည်။

အဆိုပါ လူဦးရေ ကို အကူအညီများပေးအပ်နိုင်ရန် အတွက် အမေရိကန်ဒေါ်လာပေါင်း ၉၉၄ သန်း လိုအပ်နေကြောင်း ၊ အကူအညီ လိုအပ်သူပေါင်း ၁၈ ဒဿမ ၆ သန်း ရှိကာ၊ အမျိုးသမီးနှင့် မိန်းကလေး ၅၂ ရာခိုင်နှုန်း ၊ ကလေးသူငယ် ၃၂ ရာခိုင်နှုန်း ၊ သက်ကြီးရွယ်အို ၁၁ ရာခိုင်နှုန်း ၊ မသန်စွမ်းဦးရေ ၁၃ ရာခိုင်နှုန်း ရှိကြောင်း UNOCHA ထုတ်ပြန်ချက်အရ သိရသည်။

ကဏ္ဍအလိုက် လိုအပ်ချက်များမှာ ပညာရေးတွင် ၉၄ သန်း၊ အစားအစာ လုံခြုံရေးတွင် ၂၈၉ သန်း ၊ ကျန်းမာရေးတွင် ၁၃၀ သန်း၊ အာဟာရ တွင် ၅၈ သန်း၊ ကာကွယ်ရေးတွင် ၁၆၁ သန်း၊ Shelter/NFI/CCCM တွင် ၁၄၉ သန်း၊ သန့်ရှင်းရေး တွင် ၁၀၆ သန်း၊ ညှိနှိုင်းဆောင်ရွက်ခြင်း တွင် ၇ သန်း လိုအပ်ချက် ရှိနေကြောင်း သိရသည်။

#PPV-006
#Humanright
#UNOCHR
#အကူညီ

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people’s voice – ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။