ခမ်းသားငေါဝ်း
နိုဝင်ဘာ ၂၊၂၀၂၄
ရှမ်းပြည်နယ်တောင်ပိုင်း၊ အောင်ပန်း – ဟဲဟိုးသွားလမ်း တွင် ရပ်ထားသော ကျောက်မီးသွေး တွဲကားကို ဟိုက်ဂျက် ဝင်တိုက်သဖြင့် အမျိုးသမီးတစ်ဦး သေဆုံးပြီး ၃ ဦး ဒဏ်ရာရခဲ့ကြောင်း အောင်ပန်း နာရေးကူညီမှု အသင်းထံမှ သိရသည်။
ဖြစ်စဉ်မှာ နိုဝင်ဘာလ(၁) ရက် ညနေ ၃း၃၀ နာရီအချိန်ခန့် တွင် အောင်ပန်း-ဟဲဟိုးသွားလမ်း
အင်းခေါင်းစျေးအနီး၌ ပျက်၍ရပ်ထားသည့် ကျောက်မီးသွေးတင်တွဲကား အား HiJet ကား မှ နောက်ကနေ ဝင်တိုက်မူဖြစ်ပွားခဲ့ခြင်းဖြစ်သည်။
အောင်ပန်းမြို့တွင် နေထိုင်သူ ယာဉ်ပေါ်ပါလာသော ဒေါ်ချမ်း ဖြစ်သူမှာ အခင်းဖြစ်ပွားရာ နေရာပင် ဆုံးပါးခဲ့ပြီး၊ အမျိုးသား တစ်ဦး၊ အမျိုးသမီး ၂ ဦး ထိခိုက်ဒဏ်ရာများ ရရှိခဲ့ကြောင်း သိရသည်။
ထိခိုက်ဒဏ်ရာရလူနာများ အား သီခေါင်လူမူကူညီရေးအသင်းမှ တောင်ကြီးစဝ်စံထွန်းဆေးရုံသို့ ပို့ဆောင်ပေးခဲ့ကြောင်း သိရသည်။
ဖြစ်စဉ်တွင် ဆုံးပါးခဲ့သော Dead Body ကို ဟဲဟိုးဆေးရုံ ရင်ခွဲရုံမှ အောင်ပန်းနေအိမ်သို အသင်းမှကူညီပို့ဆောင်ပေးခဲ့ပြီး (cool box)တပ်ဆင်ပေးခဲ့ကြောင်း အောင်ပန်း နာရေးကူညီမှု အသင်းထံမှ သိရသည်။
#PPV-006
#မှုခင်း
#အောင်ပန်း
#ယာဥ်တိုက်မှု
VPNအခက်အခဲကြောင့် သတင်းများကို Facebook မှာ ကြည့်ရှုရန် အဆင်မပြေပါက The people’s voice – ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်