ခမ်းသားငေါဝ်း
မေ ၂၆၊ ၂၀၂၄
ပင်လောင်းတောင်ဖက်တွင် ကျောင်းသားများကိုလည်း စစ်သင်တန်း အတင်းအဓမ္မတက်ခိုင်းနေကြောင်း ဒေသခံထံက သိရသည်။
ရှမ်းပြည်နယ်တောင်ပိုင်း၊ပင်လောင်းမြို့နယ်၊လိန်းညာကျေးအုပ်စုတွင် ဟိုပုံးကိုရင်လေးစစ်သားနှင့်PNO ပြည်သူ့စစ်တို့က ပူးပေါင်းပြီး စစ်သင်တန်းပေးရာတွင် ကျောင်းသားများကိုလည်း အတင်းအဓမ္မ စစ်သင်တန်းတက်ခိုင်းနေသည်။
“အသက် ၁၈ နှစ်နဲ့ ၄၀ ကြားအမျိုးသားအကုန် သွားတက်ရတယ်။ နောက်ပြီးဆယ်တန်းနဲ့ Grade11,12 ကျောင်း သားလည်း အများကြီးပါဝင်တယ်”ဟု ဒေသခံတစ်ဦးကခမ်းသားငေါဝ်းကိုပြောသည်။
ယင်းစစ်သင်တန်းကို ၃ ရက်ပြုလုပ်ပြီး ညောင်မွူးရွာမြှောက်ဖက် ကောင်ပလောင်နားတွင်ပြုလုပ်ကာ ထိဗိ၊လိန်းညာ၊တခါးယဥ်၊ဟံတနျား၊ညောင်မွူး၊တတောက်ရွာမှ ဒေသခံများက အကုန်ကတက်ရကြောင်း သိရသည်။
“သူတို့က ကျောင်းသားတွေကိုဘယ်လိုဆွဲခေါ်လည်းဆိုတော့မင်းတို့ဒီနှစ်မဝင်ရင်တဲ့ ဗမာစစ်ထဲဝင်ရမှာတဲ့ အဲ့လိုနဲ့ PNO တွေစာရင်းစစ်လို့ PNO ထဲမှာစာရင်းမရှိရင် ဗမာစစ်ထဲဝင်ရမှာဆိုပီး ပြောတော့အဲ့လိုနဲ့ကလေးတွေကအကုန် သူတို့ဆီဝင်တာပါရှင့်”ဟု ၄င်းကဆက်ပြောသည်။
စစ်သင်တန်းတက်ရသည့် ကာယကံရှင်ကျောင်းသားတစ်ဦးကလည်း” ကျွန်တော်က Grade ၁၂ စာမေးပွဲဖြေထားတာ အောင်စာရင်းတောင်မထွက်သေးဘူး။ ကိုဗစ်ဖြစ်တော့ကျောင်းနားရလို့အသက်က ၁၈ နှစ်ကျော်သွားတာ၊ ခုစာရင်းပေးရပြီ မသွားလို့လည်းမရဘူး”ဟု ခမ်းသားငေါဝ်း ကိုပြောသည်။
စစ်သင်တန်းပေးရာတွင် ဒုတိယအကြိမ်ပြီးပြီဖြစ်ပြီ စုစုပေါင်းလှုဦးရေ ၄၀၀ ကျော်ပြုလုပ်ခဲ့ပြီး နောက် တစ်ကြိမ် ထပ်မံပြုလုပ်ရန်လည်း လူစုနေပြီ ဖြစ်ကြောင်းသိရသည်။
ပင်လောင်းမြို့နယ်တွင် လှုဦးရေ ၁ သိန်း ၈ သောင်းရှိပြီး လှုဦးရေ ၈ သောင်းသည် အရွယ်မှန် လူငယ်၊လူလတ်ပိုင်းများဖြစ်သဖြင့် စစ်ကောင်စီက PNOမှတစ်ဆင့် ပြည်သူ့စစ်အဖြစ် စုဆောင်းထားကြောင်းသိရသည်။
PPV005