ခမ်းသားငေါဝ်း
မေ ၁ ၊ ၂၀၂၄
အမျိုးသားညီညွတ်ရေးအစိုးရ NUG နှင့် တိုင်းရင်း သားတော်လှန်ရေးအင်အားစုများသည် နယ်စပ်ကုန်သွယ်ရေးမြို့ ၅ မြို့အပါအဝင် နိုင်ငံ၏ ၆၀ ရာခိုင်နှုန်းကျော်ကို ထိန်းချုပ်ထားနိုင်ပြီဖြစ် ကြောင်း NUG ပြောရေးဆိုခွင့်ရှိသူကပြောသည်၊၊
အမျိုးသားညီညွတ်ရေးအစိုးရ NUG တည်ထောင်ခြင်းသုံးနှစ်ပြည့် သတင်းစားရှင်းလင်းပွဲတွင် နယ်စပ်ကုန်သွယ်ရေးမြို့ ၅ မြို့အပါအဝင် နိုင်ငံ၏ ၆၀ ရာခိုင်နုန်းအား ထိန်းချုပ်ထားနိုင်သည့်အကြောင်းအား ပြောရေးဆိုခွင့်ရှိသူ ဦးနေဘုန်းလတ်က ပြောကြားခဲ့သည်။
” ၆၀ ရာခိုင်နှုန်းကျော် ဆိုတာကတော့ ကျွန်တော်တို့ရဲ့ စိုးမိုးနယ်မြေ၊ ထိန်းချုပ်နယ်မြေ၊ လွတ်မြောက်နယ်မြေ သုံးခုလုံးကို ခြုံငုံပြီးပြောခြင်းဖြစ်တယ်” ဟု ၎င်းကဆိုသည်။
ထို့အပြင်လက်ရှိတွင် NUG နှင့် တိုင်းရင်းသားလက်နက်ကိုင်တော်လှန်ရေးအင်အားစု ပူးပေါင်းတပ်ဖွဲ့များသည် မြို့နယ်ပေါင်း ၅၀ ထက်မနည်း သိမ်းပိုက်ရရှိထားပြီး အဓိက ကျသောစစ်ရေးပစ်မှတ်များဖြစ်သည့် နေပြည်တော်၊ ပြင်ဦးလွင်၊ ကပစ လက်နက်ထုတ်စက်ရုံများ ကိုလည်း ထိုးဖောက်တိုက်ခိုက်နိုင်ခဲ့ကြောင်း သိရသည်။
PPV 003