ခမ်းသားငေါဝ်း
ဇူလိူင် ၁၀၊ ၂၀၂၅
https://www.facebook.com/share/p/1CMMQkc2UQ/
ကဗျာဆရာ၊ စာရေးဆရာ မောင်သာချိုသည် ဇူလိုင်လ (၁၀)ရက် နံနက် (၈)နာရီအချိန်တွင် ရန်ကုန်မြို့၊ပင်လုံဆေးရုံးကြီး၌ ကွယ်လွန်သွားကြာင်းသိရပါသည်။
စာရေးဆရာမောင်သာချိုကို ရန်ကုန်တိုင်းဒေသကြီး၊ကွမ်းခြံကုန်းမြို့၊သုံးခွကျေးရွာတွင် အဖ ဦးဝင်းသိန်း၊ အမိဒေါ်တင် မှ ၁၉၅၈ခုနှစ် မတ်လ (၁၁) ရက်နေ့တွင် မွေးဖွားခဲ့ပြီး ယခုနှစ်၂၀၂၅ အသက်(၆၇)ရှိပြီးဖြစ်သည့် နိုင်ငံကျော်စာရေးဆရာ မောင်သာချို သည် ယနေ့ ဇူလိုင်(၁၀)ရက်နေ့တွင်ပင်လုံဆေးရုံ၌ ကွန်လွယ်သွားကြာင်းသိရပါသည်။
“စာရေးဆရာမောင်သာချို ယနေ့နံက်(၈)နာရီတွင် ပင်လုံဆေးရုံမှာ ကွယ်လွန်သွားပါပြီ”ဟု ကာတွန်းဆရာအော်ပီကျယ် မှ လူမှုကွန်ရက်စာမျက်နှာတွင်ရေး သားထားသည်။
စာရေးဆရာ၏အမည်ရင်းသည် ဦးညွန့်သောင်းကွမ်းခြံကုန်းဆိုသည့်ကလောင်နာမည်ဖြင့် သရော်စာကိုရေးသားခဲ့သူဖြစ်ပြီး စာပေလောကကို ၁၉၇၃ခုနှစ် ဒီဇင်ဘာလတွင်စတင်ဝင် ရောက်ခဲ့သူဖြစ်သည်။
ထို့ပြင် ကဗျာဆရာ စံငြိမ်းဦးမှလည်း”အစ်ကို မောင်သာချို ကွယ်လွန်တယ်။တယောက်ပြီးတယောက်ထွက်သွားနေခဲ့ကြလိုက်တာလို့ပဲ ရေရွတ်မိတယ်စိတ်ထဲမကောင်း၊ မောင်သာချို၊ ကိုခင်လွန်း၊ ယမုံ၊ နေစိမ့် ဆိုတာ၊ ကျနော်တို့ ရှေ့က မွှေးမြသော အစ်ကိုကြီးတွေ”ဟု ဆိုကာ ၎င်း၏ လူမှုကွန်ရက်တွင် ရေးသားထားပါသည်။
“ဒီနေ့July (၁၀)ရက်နေ့မှာဆရာတော်ရွှေညဝါ ဘဝနတ်ထံပျံလွန်တော်မူသွားတယ်။ဆရာမောင်သာချိုကွယ်လွန်သွားတယ်။ရိိုသေလေးစားပြီးရင်းနှီးခင်မင်ရတဲ့သူတွေဖြစ်တဲ့အပြင်အချိန်တစ်ခုမှာအတူတူနေခဲ့ရတဲ့သူတွေဖြစ်တော့တော်တော်လေးကိုစိတ်ထိခိုက်မိပါတယ်။မွေးဖွားတယ်၊သေဆုံးတယ်၊မထူးဆန်းပါဘူး။ဒါပေမယ့်မွေးဖွားခြင်းနဲ့သေဆုံးခြင်းကြားမှာဘာတွေလုပ်ခဲ့တယ်၊ဘယ်လိုရပ်တည်ခဲ့တယ်ဆိုတာကိုမှတ်ကျောက်အတင်ခံနိုင်တဲ့ပုဂ္ဂိုလ်တွေဖြစ်ကြောင်းငြင်းချက်ထုတ်စရာမရှိပါဘူး။လူကောင်းတွေလေ”ဟု ၈၈ မျိုးဆက် ကျောင်းသားခေါင်းဆောင် ကိုမြအေးက သူ့၏လူမှုကွန်ယက်တွင်ဖော်ပြထားသည်။
စာရေးဆရာမောင်သာချိုသည် စစ်တပ်အာဏာသိမ်း ချိန်၂၀၂၁ ခုနှစ်၊ ဖေဖော်ဝါရီ ၁ ရက်နေ့တွင်ပင် ဖမ်းဆီးထိန်းသိမ်းခံထားရပြီး ပုဒ်မ ၅၀၅(က) ဖြင့် ထောင်(၂) နှစ် ချမှတ်ခံခဲ့ရကာ ၂၀၂၂ နိုဝင်ဘာ ၁၇ ရက်နေ့မွန်းလွဲပိုင်းတွင်လွတ်ငြိမ်းဖြင့် အင်းစိန်အကျဉ်းထောင်မှပြန်လည်လွတ်မြောက်ခဲ့သည်။
စာရေးဆရာ မောင်သာချိုနှင့်အတူ ထောင်မှ ပြန်လွတ်လာခဲ့သည့် ရွှေညဝါဆရာတော် သည်လည်း မနေ့မနက် ၂ နာရီ ၄၅ မိနစ်မှာပဲ ပျံလွန်တော်မူခဲ့ကြောင်းသိရပါသည်။
#ppv013
#စာရေးဆရာ
#နာရေး
#မောင်သာချို
ခမ်းသားငေါဝ်း Telegram ကြည့်ရန်
https://t.me/thepeoplevoicePaO
youtube channel ကြည့်ရန်
www.youtube.com/@khamsarngor7295
website ကြည့်ရန်