ခမ်းသားငေါဝ်း
ဇွန်လ ၁၃၊ ၂၀၂၅
https://www.facebook.com/share/p/19954EHAUU/
အင်္ဂလိပ်စာဖြင့် ရေးထားသောတောင်ကြီးမြို့ရှိ ဆိုင်ခန်း ဆိုင်းဘုတ်များကို စစ်ကောင်စီက မြန်မာစာပြောင်းလဲတပ်ဆင် ခိုင်းထားဟု ဒေသခံများထံမှ ကြား သိရသည်။
ရှမ်ပြည်နယ်တောင်ပိုင်း တောင်ကြီးမြို့ရှိ မြို့လယ်ဓမ္မာရုံ ဘေးရှိ 7 eleven လက်ဖက်ရည်ဆိုင် ဆိုင်းဘုတ် ကို ၇-၁၁ ဟုဇွန်လ ၁၃ ရက်က ပြောင်းလဲ တပ်ဆင်ထားလိုက်ရကြောင်းသိရသည်။
“ရပ်ကွက်လူကြီးက လူပြောလို့သိရတယ်။ ဘာလို့လည်းတော့ အတိအကျ မသိရဘူး။ ကျွန်မတို့က လိုဂို နဲ့ ဒီဇိုင်းနဲ့ ဆိုင်နာမည်ကို သေချာစီစဉ်ထားတာပါ၊ အဲလို မြန်မာစာနဲ့ ပြောင်းရမယ်ဆိုတော့ အတော်လေး စိတ်ဆင်းရဲပါတယ်။ နောက်ပိုင်း လုပ်ငန်းတွေ အားလုံးကို အဲဒီလိုဂိုနဲ့ နာမည်နဲ့ ဆက်လုပ်သွားဖို့ ရည်ရွယ်ထားတာပါ။”ဟု လုပ်ငန်းရှင် တစ်ဦး ကဆိုသည်။
အဆိုပါ သတင်းကို မဟုတ်နိုင်ဟု ဝေဖန်နေကြသော်လည်း အမှန်တကယ်ပင် ဖြစ်ကြောင်း မြို့ခံများကလည်း ပြောဆိုနေကြသည်။
တောင်ကြီးမြို့ရှိ ဆိုင်ခန်း အတော်များများက အင်္ဂလိပ်စာဖြင့် ရေးသားထားသော ဆိုင်းဘုတ်များ ဖြစ်ကာ ၊ ဆိုင်နာမည် ဆိုင်းဘုတ်များကို ပြောင်းလဲ တပ်ဆင်သွားရန် အခက်အခဲများစွာ ရှိနိုင်ကြောင်း ဆိုင်ခန်းရှင်တစ်ဦးက ဆိုသည်။
ဒေသခံတစ်ဦးကလည်း “ဒါကတော့ အတော်လေး ထူးဆန်းပါတယ်။ ဗေဒင်လား ယတြာလား ၊ တောင်ကြီးမှာ တစ်ခါမှ မကြားဖူးပါဘူး။ မြန်မာတစ်နိုင်ငံလုံးမှာတောင် မကြားဖူးပါဘူး။ ဘာရည်ရွယ်ချက်နဲ့ လုပ်တာလဲ သေချာမသိပါဘူး။ ဆိုင်ခန်း တစ်ချို့တော့ ပြောင်းနေတာ တွေ့ရပါပြီ။ မနေ့က အင်္ဂလိပ် လို ရေးထားတဲ့ ဆိုင်ခန်းတွေကို ဓါတ်ပုံ လိုက်ရိုက်တာ မြင်လိုက်တယ်။.”ဟု ဆိုသည်။
#PPV-006
#social
#တောင်ကြီး
ခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295