နောက်ဆက်တွဲငလျင်လှုပ်ခတ်မှုများကြောင့် နန်းပန်းကျေးရွာတွင် ရွာသားများနေအိမ်ပေါ် ပြန်မအိပ်ရဲသေး
………………….
ခမ်းသားငေါဝ်း
ဧပြီ ၄၊ ၂၀၂၅
https://www.facebook.com/share/p/18vHeCT2z7/
ပင်လောင်းမြို့နယ်၊ နန်းပန်းကျေးရွာတွင် နောက် ဆက်တွဲငလျင်လှုပ်ခတ်မှုများကြောင့် ထိခိုက်ပျက်စီးထားသောနေအိမ်များ ပြိုကျမည်ကိုစိုးရိမ်၍ နေအိမ်ပေါ်ပြန်မအိပ်ရဲသေး ကြောင်း ဒေသခံတစ်ဦးထံမှသိရသည်။
ရှမ်းပြည်နယ်တောင်ပိုင်း၊ ပင်လောင်းမြို့နယ်၊ နန်းပန်းကျေးရွာတွင် မတ်လ ၂၈ ရက်နေ့ တွင်လှုပ်ခတ်ခဲ့သော အင်အားပြင်းငလျင်ကြောင့် နေအိမ်အချို့ ပြိုကျသွားခဲ့ကာ ထိခိုက်အက်ကွဲ သွားသော နေအိမ်အများအပြားရှိပြီး နောက်ဆက်တွဲငလျင်လှုပ်ခတ်မှုများ ကြောင့် နေအိမ်ထပ်မံပြိုကျမည်ကို စိုးရိမ်၍ နေအိမ်ပေါ်ပြန်မအိပ်ရဲသေး ကြောင်းသိရသည်။
” ငလျင်အသေးတွေက ထပ်လှုပ် နေသေးတော့ အက်ကွဲသွားတဲ့အိမ်တွေ ပိုပိုအက်ကွဲလာတာမျိုးဖြစ်တယ်ပေါ့နော်၊ ပြိုသွားမှာကြောက်လို့ အိမ်ပေါ်မအိပ်ရဲကြသေးဘူး၊ အပြင်မှာဘဲ တဲထိုး၊ မိုးကာ ကာပြီးအိပ်ရတယ်” ဟု ဒေသခံတစ်ဦးကခမ်းသားငေါဝ်းကိုပြောသည်။
ငလျင်ဘေးဒဏ်ကို ခံစားရခဲ့သောနန်းပန်းကျေး ရွာတွင် ရွာသားများအတွက် ဆန်၊ဆီ၊ဆား နှင့် မိုးကာများ၊ ဆေးဝါးများ လိုအပ်နေကြောင်း သိရသည်။
” အခုလောလောဆယ် ရွာသား တွေကအလုပ်လည်း မသွားရသေးဘူး၊ အကူအညီအများကြီးလို နေသေးတယ်၊ ကူပေးတဲ့အဖွဲ့အချို့လည်း ရှိတယ်၊ အဓိက လိုအပ်နေတာကတော့ ဆန်၊ဆီ ၊ ဆား စတဲ့စားနပ်ရိက္ခာတွေရယ် မိုးကာတော့ အရေးကြီး လိုနေပါတယ်ဟု” ၎င်းကဆက်ပြောသည်။
အင်အားပျင်းငလျင်လှုပ်ခတ်မှု ကြောင့် နန်းပန်း ကျေးရွာတွင် အိမ် ၄၀ ကျော်ခန့် နေထိုင်မရ တော့အောင် လုံး၀ ပျက်စီးသွားပြီး နေအိမ် ၁၀၀ ကျော်ခန့်ထိခိုက်မှု ရှိကာ ပြန်လည်ထူထောင်ရေးအတွက် အကူအညီများစွာလိုအပ်နေသေး ကြောင်းသိရသည်။
#PPV 003
#humantarian
#နန်းပန်းရွာ
#ပင်လောင်း
#ငလျင်ဘေး
ခမ်းသားငေါဝ်းခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။