နေအိမ်ပျက်ကို ကြည့်ပြီး စိတ်ဓါတ်ကျဆင်းကာ အင်းလေးကန် ခရမ်းချဉ်သီးများ မခူးဆွတ်တော့ဘဲ ပစ်ထား
………………….
ခမ်းသားငေါဝ်း
ဧပြီ ၄၊ ၂၀၂၅
https://www.facebook.com/share/p/1ANjFWZWVQ/
နေအိမ်ပျက်ကို ကြည့်ပြီး စိတ်ဓါတ်ကျဆင်းကာ အင်းလေးကန် ရှိ ကျွန်းမျောစိုက်ခင်း ခရမ်းချဉ်သီးပင်များ အသီး မခူးဆွတ်တော့ဘဲ ပစ်ထားလိုက်ကြောင်း အင်းလေးကန် ဒေသခံများထံမှ သိရသည်။
ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဒေသတွင် ငလျင်ဒဏ် ကြောင့်ထိခိုက်မှုအလွန်များပြားပြီး စိတ်ဓာတ်ပါထိခိုက်မှုရှိနေကြောင်းသိ ရသည်။
“မင်းတို့တွေနေစရာ အိမ်တွေပျက်တာတော့ ပျက်သွားပြီ။ ဒါက အချိန်ယူပြီး ပြန်လည်ပြင်ဆင်ရမှာ ၊ သင်္ကြန် အချိန်အခါနဲ့လည်း နီးကပ်နေပြီ။ အခု လောလောဆယ် စားဖို့ သောက်ဖို့ အတွက် လုပ်ငန်း ခွင် ဝင်ဖို့ နီးကပ်နေပြီဆိုတာကိုတော့ မနေ့က အားပေးစကား ပြောခဲ့သေးတယ်။ အင်း လို့တော့ ပြောတာပါပဲ၊ သူတို့ အိမ်တွေကို ကြည့်ပြီးတော့ စိတ်ဓါတ်တွေ ကျပြီး ဘာမှ မလုပ်ဘဲ ပစ်ထားလိုက်တာပေါ့။”ဟု မိုင်းသောက် ကျေးရွာ ဒေသခံ တစ်ဦးက ဆိုသည်။
ထို့ပြင် အင်းလေးကန် ရှိ ငလျင်ဘေးဒဏ်သင့် ပြည်သူများအတွက် စိတ်ဓါတ်ခွန်အား မြင့်တင်ရေး ကူညီဆောင်ရွက်ပေးရန် လိုအပ်ချက် ရှိကြောင်းကိုလည်း သိရသည်။
မိမိတို့ နေအိမ်များ ပျက်စီးနေသည် ကို ကြည့်ကာ စိတ်ဓါတ်ကျပြီး လုပ်ငန်းခွင် မဝင်တော့ဘဲ ၊ စိုက်ခင်းသစ် များကို အပျက်ခံကာ ပစ်ထားလိုက်သဖြင့် တစ်ပူပေါ် နှစ်ပူဆင့် အပျက်အစီး များရကြောင်း မိုင်းသောက် ကျေးရွာရှိ ခရမ်းချဉ်သီး ကုန်စည်ဒိုင် တစ်ခုမှ ဆိုသည်။
လက်ရှိ အချိန်တွင် စိုက်ခင်းများ ပြန်လည်ပြုပြင်ရန် လုပ်အား ရှားပါးမှုများလည်း ရှိကာ အင်းလေးကန် တွင်း ပြန်လည် ပြုပြင်ရေး ၊ ကူညီကယ်ဆယ်ရေး လုပ်ငန်းစဉ် များကိုသာ အားထည့် ဆောင်ရွက်နေခြင်း ရှိကြောင်း သိရသည်။
လက်ရှိ အချိန်တွင် ငလျင်ဘေးဒဏ်များကြောင့် ခရမ်းချဉ်သီး စျေးနှုန်း တစ်ပိဿာ တစ်ထောင်ကျပ် ဖြစ်သော်လည်း အရောင်းအဝယ် မရှိသေးကြောင်း၊ ဧပြီလ ၂ ရက်တွင် ခရမ်းချဉ်သီး တစ်ပိဿာ တစ်ထောင် ကျပ် ဖြစ်လာသော်လည်း ၊ ဒေသ သီးများ ထွက်ရှိနေသေးသဖြင့် အင်းသီးများ အရောင်းအေး သွားကြောင်း သိရသည်။
ရေဘေး၊ ငလျင်ဘေး ကပ်ဘေးမျိုးစုံ ကျရောက်ခဲ့သော အင်းလေးကန် တွင် ပြန်လည် ထူထောင်ရေး လုပ်ငန်းစဉ်များ ကြာမြင့်ဦးမည် ဖြစ်ကြောင်း ဒေသခံများက ဆိုသည်။
#PPV-006
#social
#အင်းလေး
#ခရမ်းချဉ်သီး
#စိုက်ခင်းပစ်ထား
#ငလျင်ဒဏ်
ခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။