ငလျင် ဘေးသင့်နေချိန် စစ်ကောင်စီက အရပ်သားအပေါ် လေကြောင်းနှင့် လက်နက်ကြီးဖြင့် ၆၃ ကြိမ်တိုက်ခိုက်၊ ၆၈ ဦးသေဆုံး
…………………..
ခမ်းသားငေါဝ်း
ဧပြီလ ၅၊ ၂၀၂၅
https://www.facebook.com/share/p/1A6nZCFgYS/
အင်အားပြင်း ငလျင်လှုပ်ခတ်ပြီး တစ်ပါတ်ကျော် အတွင်း နိုင်ငံတစ်၀န်းတွင် စစ်ကောင်စီက အရပ်သားပြည်သူများအပေါ် လေကြောင်း နှင့် လက်နက်ကြီး ဖြင့် ၆၃ ကြိမ်တိုက်ခိုက်ခဲ့ ပြီး ၆၈ ဦးသေဆုံးကာ ၆၆ ဦးထိခိုက်ဒဏ်ရာရခဲ့ ကြောင်း အမျိုးသားညီညွတ်ရေးအစိုးရ NUG ကထုတ်ပြန်ထားသည်။
စစ်ကောင်စီ ၏ လေကြောင်း နှင့် လက်နက်ကြီး ပစ်ခတ် တိုက်ခိုက်မှုများတွင် ငလျင်ဘေးဒဏ် ကိုအဆိုးဝါးဆုံးခံစားနေရသည့် စစ်ကိုင်းတိုင်းတွင် ၁၃ ကြိမ် နှင့် မန္တလေးတိုင်းတွင် ၈ ကြိမ်တိုက်ခိုက်ခဲ့ ကြောင်းသိရသည်။
အဆိုပါတိုက်ခိုက်မှုများ ကြောင့် စစ်ကိုင်းတွင် သေဆုံးသူ ၂ ဦး နှင့် ဒဏ်ရာရရှိသူ ၁ ဦးရှိခဲ့ကာ မန္တလေးတိုင်း တွင်လည်း သေဆုံးသူ ၄ ဦး နှင့် ထိခိုက်ဒဏ်ရာရသူ ၂ ဦးရှိခဲ့ ကြောင်းသိရသည်။
ထို့အပြင် ရှမ်း-ကရင်နီနယ်စပ် မိုးဗြဲ မြို့အနီးရှိ ပီကင်းကောခူ ကျေးရွာတွင် စစ်ကောင်စီ ၏ လေကြောင်း နှင့် လက်နက်ကြီးဖြင့် ပစ်ခတ်တိုက်ခိုက်မှု ကြောင့် ဧပြီလ ၄ ရက်နေ့ တစ်ရက်တည်းအတွင်း အရပ်သား ၅ ဦးထိခိုက်သေဆုံးခဲ့ ကြောင်းသိရသည်။
ရှမ်းပြည်နယ်မြောက်ပိုင်း TNLA ထိန်းချုပ်သည့် နောင်ချို မြို့တွင် လည်း လက်နက်ကြီးနှင့် လေယာဥ် ဗုံးကြဲမှုပြုလုပ်ခဲ့သည်။
ဧပြီ ၅ ရက်နေ့တွင် TNLA ထိန်းချုပ်သည့် မန္တလေး တိုင်းမိုးကုန်မြို့တွင် စစ်ကောင်စီက လေကြောင်းဖြင့် ဗုံး ၂ လုံးကြဲချတိုက်ခိုက်ခဲ့ကြောင်း သိရသည်။
စစ်ကောင်စီ သည် ဧပြီ ၂ ရက်နေ့မှ ၂၂ ရက်ထိ အပစ်ခတ်ရပ်စဲကြောင်းကြေငြာထားသည်။
#PPV 003
#Humanright
#စစ်ကောင်စီ
#လေကြောင်းတိုက်ခိုက်
ခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။