ငလျင်ဒဏ်သင့်အင်းလေးဒေသတွင် အစားအသောက်ထက် အိမ်ဆောက်ပစ္စည်းများအကူညီ ပိုမိုလိုအပ်
…………………..
ခမ်းသားငေါဝ်း
ဧပြီ ၄၊ ၂၀၂၅
https://www.facebook.com/share/p/1AjxxTy4yU/
ရှမ်းပြည်နယ်တောင်ပိုင်း ၊ အင်းလေးကန်ရှိ ငလျင်ဒဏ်သင့် ပြည်သူများအတွက် အစားအသောက်ထက် အိမ်ဆောက်ပစ္စည်းများအကူညီ ပိုမိုလိုအပ်ချက်ရှိကြောင်း ဒေသခံများက ပြောသည်။
လက်ရှိ အချိန်တွင် အစားအသောက် ၊ သောက်ရေသန့် ၊ မိုးကာများကိုသာ အဓိက လာရောက်လှူဒါန်းကြသူများပြားပြီး အိမ်ဆောက်ပစ္စည်း လှူဒါန်းသူ နည်းပါးနေပြီး ကျေးရွာများအတွက် သန့်ရှင်းသော သောက်ရေသန့် အစဉ်အမြဲရရှိရေးသည်လည်း လိုအပ်ချက်တစ်ခုနှင့် ပြန်လည်ထူထောင်ရေး အတွက် နေအိမ်များပြင်ဆင်ရေး၊ တည်ဆောက်ရေးလုပ်ငန်းသည်လည်း မဖြစ်မနေ ဆောင်ရွက်ရမည့် လုပ်ငန်းစဉ်တစ်ခု ဖြစ်ကြောင်း သိရသည်။
“တကယ်တမ်း အစားအသောက် ဆိုတာထက် သွပ်တွေ ၊ ဝါးတွေ သံတွေက ပိုလိုမယ် ထင်ပါတယ်။ အကူအညီ ရွာတိုင်းဝင်တယ်။ စားဖို့သောက်ဖို့ တော့ လုံလောက်ပြီပေါ့နော်။ တစ်လုံးလောက်ပဲ ဖြစ်ဖြစ် အိမ်ဆောက် ပေးလိုက်တာက သူတို့အတွက် ပိုပြီး ထိရောက်မှု ရှိမယ်လို့ ထင်ပါတယ်ဗျ”ဟု လိုက်ပါကူညီဆောင်ရွက်ပေးသော လူမှုကူညီရေး အဖွဲ့ဝင် တစ်ဦးက ဆိုသည်။
ယခင်က ရေကြီး နစ်မြုပ်စဉ် က ဒေါက်တာသန်းမင်းထွဋ် နှင့် အလှူရှင်များမှ နေအိမ်များ တည် ဆောက်ရန် လာရောက် လှူဒါန်းပေးခြင်း ရှိကြောင်း သိရသည်။
လက်ရှိ အချိန်တွင် အင်းလေးကန်တွင် အပျက်စီး များပြားလွန်းသဖြင့် တဖြေးဖြေး ရှင်းလင်းနေကြရပြီး အချိန်ယူ ဖယ်ရှားရဦးမည် ဖြစ်ကြောင်း၊ အင်းလေးကန်တွင် ဟိုတယ်ပေါင်း ၁၀ လုံး ပျက်စီးမှု ရှိပြီး ရေပေါ် ဟိုတယ်များမှာလည်း ရက်အတန်ကြာသည်အထိ ရှင်းလင်းမပြီးသေးကြောင်း သိရသည်။
တချို့ ဟိုတယ် များသည် ပြန်လည် တည်ဆောက်ရန် ငွေကြေး အင်အား လုံလောက်မှု မရှိတော့သဖြင့် ပြန်လည် ပြုပြင်ရန် မစဉ်းစားနိုင်တော့ဘဲ မည်သို့ ဆက်လုပ်ရမည် ကို မသိရသေးကြောင်း ဟိုတယ်ပိုင်ရှင် တစ်ဦးက ဆိုသည်။
ငလျင်ဒဏ်သင့်ပြီးနောက်ပိုင်း ပျက်စီး အဆောက်အ အုံများကို ချက်ချင်းရှင်းလင်းဖယ်ရှားနေပြီး ကျေးရွာသား များကလည်း ဝိုင်းဝန်းကူညီဆောင်ရွက်ပေးမှု ရှိကြောင်း အိုင်ထောင့်ကြီး ကျေးရွာသား တစ်ဦးက ဆိုသည်။
အိုင်ထောင့်ကြီး ကျေးရွာရှိ အခြေခံပညာ အထက်တန်းစာသင်ကျောင်း (ခွဲ) ပြိုကျ ပျက်စီးခဲ့ခြင်းကြောင့် ကမ္ဘောဇအဖွဲ့မှ ထောက်ပံ့ပေးမည် ဖြစ်ကာ အစိုးရကလည်း အသစ်ပြန်လည် တည်ဆောက်သွားမည် ဖြစ်ကြောင်း ၊ ကျေးရွာသားများက ဧပြီလ ၄ ရက်တွင် ရှင်းလင်းရေး ဆောင်ရွက်သွားမည် ဖြစ်ကြောင်း သိရသည်။
ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးကန် တွင် ငလျင်ဘေးဒဏ်သင့် ကျေးရွာအုပ်စုပေါင်း ၁၀ ခု ၊ ကျေးရွာပေါင်း ၂၂ ရွာ ရှိ လူဦးရေ တစ်သောင်းကျော် တို့သည် လူသားချင်း စာနာမှု အကူအညီများ လိုအပ်နေဆဲဖြစ်ကြောင်း ဒေသခံများထံမှ သိရသည်။
#PPV-006
#humantarian
#အင်းလေး
#အကူညီလိုအပ်
ခမ်းသားငေါဝ်းခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။