ငလျင်ဒဏ်ကြုံရသည့် အိမ်ခြေနည်း အင်းလေးကန်ရှိ ကုန့်ကယ်ရွာနှင့် ဟန်ချို့ရွာ အကူညီမရသေး
…………………
ခမ်းသားငေါဝ်း
ဧပြီ ၄၊ ၂၀၂၅
https://www.facebook.com/share/p/12DGxcEZVvS/
ညောင်ရွှေမြို့နယ်၊ အင်းလေးဒေသရှိ ငလျင်ဒဏ်များကြောင့် လူနေအိမ်များထိခိုက်ပျက်စီးမှုများထဲမှ အိမ်ခြေနည်းသည့် ကုန့်ကယ်ရွာနှင့် ဟန်ချို့ရွာ၌ အကူညီများ မရရှိသေးကြောင်းသိရသည်။
ရှမ်းပြည်နယ်တောင်ပိုင်း၊ ညောင်ရွှေမြို့နယ်၌ မတ်လ ၂၈ ရက်နေ့၌ လှုပ်ခတ်ခဲ့သည့် ငလျင်ဒဏ်ကြောင့် အင်းလေးဒေသ ကုန့်ကယ်ရွာနှင့် ဟန်ချို့ ရွာတို့တွင်လည်းနေအိမ်ထိခိုက်ပျက်စီးပြီး အကူအညီများ လိုအပ်နေကြောင်းသိရသည်။
“ရှေ့ကနေကြည့်ရင်လည်းအိမ်ကြီးအိမ်ကောင်းတွေ က ကာနေတယ်လေး အဲ့ကြတော့မြောက်ဘက်မှာလည်း အဆင်မပြေတဲ့အိမ်တွေရှိပါတယ် ပြိုလဲပြီးနေမရတော့အိမ်တွေ အထဲမှာရှိတယ်၊ အော်ရွာကလည်းသေးသေးလေဆိုတော့ မဖြစ်လောက်ဘူးထင်ကြတယ်၊ ရွာကသေးသေးလေဘဲဆိုတော့ ဆွေမျိုးမောင်နှမနားချင်းတောင်းပြီးဘဲနေကြတာပေါ့”ဟု ကုန့်ကယ်ဒေသခံတစ်ဦးမှ ခမ်းသားငေါဝ်း ကို ပြောသည်။
နန်းပန်ကျေးရွာအုပ်စု၌ ကြာတော၊ ရေလယ်၊ ပေါက်ပါး ကျေးရွာတို့ကိုအများဆုံးသိကြပြီး ကုန့်ကယ်ရွာသည် အလိုတော်ပေါက်ဘုရား၏ အရှေ့ရွာဖြစ်ပြီး အိမ်ခြေ ၅၈ အိမ်တွင် ၁အိမ်ပျက်စီး၊ ၁၃ အိမ်လူမနေ၊ ကျန်အိမ် ယိုင်စောင်း၍ နေမရ၊ အိမ်ထောင်စု (၇၃) စုရှိကြောင်းသိရသည်။
ထို့ပြင်အိမ်ခြေ ၄၁ အိမ် သာရှိသည့် အင်းပေါခုံကျေးရွာအုပ်စု၏ ဟန်ချို့ရွာသည် အိမ်ခြေ ၂၀ ပျက်စီး၊ ၁၅အိမ် ယိုင်စောင်းသွားကြောင်းနှင့် အိမ်ထောင်စု (၅၂)စု၊ လူဦးရေ (၁၇၉)ဦး ရှိကြောင်းသိရသည်။
ဟန်ချို့ ဒေသခံတစ်ဦးက“ရေဘေးကတည်းက ဟန်ချို့ဆိုပြီး မသိကြတော့ ကျွန်တော်တို့ရွာက အိမ်ခြေနည်းပြီး ဆည်ခေါင်းရွာပဲသိတဲ့ ဟန်ချို့ရွာဆိုပြီးမသိကြဘူးလေဗျ၊ ဟန်ချို့တော့မရောက်လာဘူးဗျ ၊ ကျွန်တော်တို့ရွာတော့ အိမ်တွေဖျက်ပြီး ယာယီတဲနဲ့နေနေပါတယ်၊ အကူညီ မရသေးဘူးဗျ၊ အဓ်ိကတော့ ရေနဲ့အစားအသောက်ပေါ့၊ အလှူရှင်တွေက ရေကြီးတုန်းကတည်းက ဒီဘက်မရောက်ဘူးဗျာ၊ မနေ့ကတော့ ရေသန့်အလှူသမားတော့ လာတယ်ဗျာ”ဟု ပြောသည်။
အင်အားပြင်း ငလျင်ကြောင့် ရှမ်းပြည်နယ်တောင်ပိုင်း၊ အင်းလေးဒေသအတွင်း နေအိမ်ထိခိုက်ပျက်စီးမှုအိမ်ခြေစုစုပေါင်း (၂၃၃၇) လုံးနှင့်အရပ်သားသေဆုံးသူ (၈၉)ဦးအထိ ရှိနေပြီး ပြန်လည်ထူထောင်ရေးအတွက် စက်ပစ္စည်းယန္တရားများ မရှိ၍ သေဆုံးသူအလောင်းအချို့ ထုတ်ဖော် နိုင်ခြင်းမရှိသေးကြောင်းသိရပါသည်။
#ppv013
#ကုန့်ကယ်ရွာ
#ဟန်ချို့ရွာ
#humantarian
#ငလျင်ဒဏ်
#အကူညီလိုအပ်
ခမ်းသားငေါဝ်းခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။