ငလျင်ကြောင့်နေအိမ်ပျက်စီးသွားသည့်မြောက်ထီဗွာရွာပြန်လည်ထူထောင်ရေးလုပ်နိုင်ရန် အကူညီများလိုအပ်နေ
………………………
ခမ်းသားငေါဝ်း
ဧပြီလ ၅၊ ၂၀၂၅
https://www.facebook.com/share/p/1QQNd6vbGN/
ပင်လောင်းမြို့နယ်၊ မြောက်ထီဗွာကျေးရွာတွင် ငလျင်ကြောင့် နေအိမ် များထိခိုက်ပျက်စီးသွားသည်များ ပြန်လည်ထူထောင်ရေးလုပ်နိုင်ရန် အကူအညီများလိုအပ်နေကြောင်း ဒေသခံတစ်ဦးထံမှသိရသည်။
ရှမ်းပြည်နယ်တောင်ပိုင်း၊ ပင်လောင်းမြို့နယ်၊ မြောက်ထီဗွာကျေးရွာ တွင် အင်အားပြင်းငလျင် လှုပ်ခတ်မှုကြောင့် နေအိမ်၊ ဘုန်းကြီးကျောင်း၊ စာသင်ကျောင်းများထိခိုက်ပျက်စီးသွားပြီး ပြန်လည်ထူထောင်ရေးအတွက် အကူအညီများလိုအပ် နေသည်။
” လုံး၀ပျက်စီးသွားပြီး နေလို့မရတဲ့အိမ် ၆ အိမ်ရှိတယ်၊ ပြီးတော့ ဘုန်းကြီးကျောင်း နဲ့ စာသင် ကျောင်းလည်း အက်သွားတယ်၊ အဓိကတော့ ငွေရေးကြေးရေး ရယ် အိမ်ပြန် ဆောက်ဖို့အတွက်ပစ္စည်းတွေ လိုအပ်နေတယ်” ဟုဒေသခံတစ်ဦးက ခမ်းသားငေါဝ်းကိုပြောသည်။
ဖုန်းလိုင်း၊ အင်တာနက်လိုင်း အခက်အခဲများ ကြောင့် လူသိနည်းပြီး အလှူရှင်များလည်း ရောက်မလာ သေးကြာင်းသိရသည်။
” ဖုန်း အင်တာနက်လိုင်းတွေ မရကြတော့ လူသိနည်းတယ်၊ လာလှူတဲ့အဖွဲ့တွေလည်းမရှိသေးဘူး၊ ဟိုနေ့ကတော့ အလှူရှင်တစ်ဖွဲ့ စာရင်းလာကောက်သေးတယ် ဒါမယ့် ခုထိ မရသေးဘူး၊ ကိုယ်ထူကိုထ ပဲ ပြန်လည်ထူထောင်ရေးတွေ လုပ်နေရပါတယ်” ဟု ၎င်းကဆက် ပြောသည်။
အဆိုပါ ပင်လောင်းဒေသ ကျေးရွာများတွင် နောက်ဆက်တွဲငလျင်ငယ်များ ထပ်မံလှုပ်ခတ် နေ သောကြောင့် ထိခိုက်ထားသော နေအိမ်များ ပေါ်တွင် ပြန်မအိပ်ရဲသေးဘဲ အပြင်မှာ တဲထိုးအိပ်ကြရ ကြောင်းသိရသည်။
မတ်လ ၂၈ ရက်နေ့တွင် လှုပ်ခတ်ခဲ့ သောအင်အားပြင်းငလျင် ကြောင့် ပင်လောင်းမြို့နယ် ရှိကျေးရွာများတွင် ထိခိုက်ပျက်စီး မှုများခဲ့သော်လည်း လူသိနည်းသောကြောင့် လာရောက်ကူညီကြသည့် အဖွဲ့များနည်းနေ ပြီး အကူအညီများလိုအပ် နေဆဲဖြစ်ကြောင်းသိရသည်။
#PPV 003
#ငလျင်ဘေး
#မြောက်ထီဗွာ
#ပင်လောင်း
ခမ်းသားငေါဝ်း Telegram
https://t.me/thepeoplevoicePaO
youtube channel
www.youtube.com/@khamsarngor7295
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။