စစ်ကောင်စီက တိုက်ပွဲဖြစ်ပွါးမှုမရှိသည့် ဖရူဆိုမြို့ရှိ လူနေအိမ်ကို အကြောင်းမဲ့ မီးရှို့ဖျက်ဆီးနေ

စစ်ကောင်စီက တိုက်ပွဲဖြစ်ပွါးမှုမရှိသည့် ဖရူဆိုမြို့ရှိ လူနေအိမ်ကို အကြောင်းမဲ့ မီးရှို့ဖျက်ဆီးနေ
………………………………………..

ခမ်းသားငေါဝ်း
ဧပြီ ၃၊ ၂၀၂၅

https://www.facebook.com/share/p/1C43uh5v1d/

စစ်ကောင်စီသည် မတ်လ (၃၁) ရက်နေ့၌ ကရင်နီပြည်နယ်၊ ဖရူဆိုမြို့တွင်းရှိ နေအိမ်များအား တိုက်ပွဲဖြစ်ပွားမှုမရှိဘဲ အကြောင်းမဲ့ မီးရှို့ဖျက်ဆီးခြင်းများ လုပ်ဆောင်ခဲ့ကြောင်း ကရင်နီအမျိုးသားများကာကွယ်ရေးတပ် (KNDF) မှ ယနေ့ ဧပြီလ ၃ ရက်နေ့၌ ထုတ်ပြန်ထားသည်။

စစ်ကောင်စီသည် တပ်စွဲထားသော ဖရူဆိုမြို့ ၊မြို့မရဲစခန်းမှ ညောင်ဇင်ရပ်ကွက်နှင့် ရွှေပြည်သာရပ်ကွက်များရှိ ပြည်သူ့များ၏ နေအိမ်များအား မတ်လ (၃၁)ရက်နေ့၌ အကြောင်းမဲ့ မီးရှို့ခဲ့ပြီး ၎င်းမီးသည် ဧပြီလ (၁) ရက်နေ့ ညပိုင်းအထိ လောင်ကျွမ်းနေခဲ့ကြောင်း ဖော်ပြထားသည်။

၎င်း အကြောင်းမဲ့ မီးရှို့ခဲ့မှုကြောင့် ပြည်သူများ၏ နေအိမ် (၆) လုံးထက်မနည်း မီးလောင်ပျက်ဆီးခဲ့ကြောင်း ထုတ်ပြန်ထားသည်။

ကယားပြည်နယ် ၊ ဒီးမော့ဆိုခရိုင်ရှိ ဖရူဆိုမြို့သည် တိုက်ပွဲဖြစ်ပွာခြင်း မရှိသည်မှာ ကြာမြင့်ပြီး ဖြစ်၍ မြို့တွင်းထဲတွင် ဒေသခံလူထုများ နေထိုင်မှုမရှိဘဲ စစ်ကောင်စီတပ်ဖွဲ့များနှင့် ၎င်းတို့၏ နောက်လိုက်များသာ နေထိုင်ကြောင်းသိရသည်။

ထို့ပြင် ၎င်းတို့သည် ပြည်သူများ၏ နေအိမ်များရှိ ပစ္စည်းများဖောက်ထွင်းယူဆောင်ခြင်း ၊ မီးရှို့ဖျက်ဆီးနေခြင်း များကို ဥပဒေမဲ့ပြုလုပ်ကာ လူ့အခွင့်ရေးချိုးဖောက်သည့် လုပ်ငန်းများကို လုပ်ဆောင်လျှက်ရှိကြောင်းရေးသားထားသည်။

PPV0013
ပုံ-အွန်လိုင်း
#စစ်ရေး
#ကရင်နီပြည်နယ်
#ဖရူဆိုမြို့
#တိုက်ပွဲဖြစ်ပွားမှုမရှိ
#အကြောင်းမဲ့မီးရှို့ဖျက်ဆီး
#ကရင်နီအမျိုးသားများကာကွယ်ရေးတပ်
#KNDF
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7