မင်္ဂလာဆောင်အိမ်တွင် ငလျင်ကြောင့် အိမ်ပြိုကျစဥ်ကလေးငယ်ကိုကာပြီး ကယ်သည့်အမျိုးသမီးသေဆုံး
……………………………………………..
ခမ်းသားငေါဝ်း
ဧပြီ ၃၊ ၂၀၂၅
https://www.facebook.com/share/p/1Hg9rbgiR3/
မင်္ဂလာဆောင်အိမ်ရောက်စဉ် ငလျင်လှုပ်ပြီးအိမ်ပြိုကျမှုအတွင်း ကလေးငယ်ကိုကာပြီး ကယ်သည့် ဝါးရန်ရွာနေ အသက် ၄၉ နှစ်အရွယ် မွိုးစောသည် ဆေးကုသနေရင်း သေဆုံးသွားကြောင်းသိရသည်။
ရှမ်းပြည်နယ်တောင်ပိုင်း၊ပင်လောင်းမြို့နယ် မတ်လ၂၈ ရက်နေ့တွင် လှုပ်ခတ်သောငလျင်ကြောင့် အိမ်ပြိုကျမှုအတွင်း ကလေးငယ်ကို ကာရင်း ကယ်သည့် မွိုးစောသည် မတ်လ ၃၁ ရက်နေ့တွင် ဆေးကုသနေရင်း သေဆုံးခဲ့ရကြောင်းသိရသည်။
“အပြင်ပိုင်းတော့ဒဏ်ရာ နည်းနည်းဘဲရတယ်။အတွင်းပိုင်းကြေသွားတာ ။ဆောင်းပြောင်း ဆေးရုံတက်သေးတယ် မရတော့ တောင်ကြီးဆေးရုံပြောင်းတက်ပြီးမှ ဆုံးသွားတယ်။စိတ်လည်းမကောင်းဘူး”ဟု ရွာခံတစ်ဦးကခမ်းသားငေါဝ်းကိုပြောသည်။
သေဆုံးသွားသော မွိုးစောကို ဧပြီလ၂ ရက်နေ့တွင် ပအိုဝ်းဓလေ့အတိုင်း အလှူလုပ်၊တရားတော်နာ အမျှဝေပြီး ဝါးရန်ရွာသုဿာန်တွင် သဂြိုလ်ခဲ့ကြောင်းသိရသည်။
ထို့အပြင်မတ်လ၂၈ ရက်နေ့ လှုပ်ခတ်သောငလျင်ကြောင့် ပင်လောင်းမြို့နယ် နန်းပန်းရွာ မူကြိုကျောင်း ပြိုကျပြီး ကျောင်းပြိုကျမှုအတွင်း နန်းပန်မြှောက်ရွာ ကလေးငယ်တစ်ဦးနှင့် ဘူးဝါးရွာ ကလေးငယ်တစ်ဦးသေဆုံးခဲ့ရကြောင်းသိရသည်။
ထို့အပြင် နန်းပန်းရွာ လူနေအိမ် ၁၅၀ ဝန်းကျင်၊ပင်ခွန်၊ပင်ကာလ၊ရေအေးရွာလူနေအိမ် သုံးဆယ်ဝန်းကျင်နှင့် မြှောက်ထီဗွာကျေးရွာ လူနေအိမ် ၁၀၀ နီးပါးလည်း ပျက်စီးခဲ့ရကြောင်း ဒေသခံများထံမှသိရသည်။
#PPV005
ပုံ-အွန်လိုင်း
#သဘာဝဘေး
#မင်္ဂလာဆောင်အိမ်
#ငလျင်လှုပ်ပြီးအိမ်ပြိုကျ
#ကလေးငယ်ကိုကာပြီးကယ်သည့်အမျိုးသမီး
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7