ပြည်သူများငလျင်ဒဏ်သင့်နေချိန်တောင်ကြီးတွင် သင်္ကြန်အတွက်ဟိုတယ်လုပ်ငန်းရှင်များအလူငွေထည့်ရန် အစည်းဝေးခေါ်
………………….
ခမ်းသားငေါဝ်း
ဧပြီ ၃၊ ၂၀၂၅
https://www.facebook.com/share/p/1Tobmjt57G/
ပြည်သူများငလျင်ဒဏ်သင့် ဒက္ခရောက်နေချိန်တောင်ကြီးတွင် သင်္ကြန်အတွက်ဟိုတယ်လုပ်ငန်းရှင်များမတက်မနေရ အစည်းဝေးခေါ်ပြီးအလှူငွေကောက်ရန်ပြင်ဆင်နေကြောင်းစုံစမ်းသိရှိရသည်။
ရှမ်းပြည်နယ် တောင်ပိုင်းတောင်ကြီးမြို့တွင် သင်္ကြန် ကျင်းပရန်အတွက် ဧပြီ ၃ ရက်နေ့တွင် ဟိုတယ်လုပ်ငန်း ရှင်များကို အစည်းဝေးမတက်မနေရ ခေါ်ယူနေကြောင်းသိရသည်။
“သင်္ကြန်အတွက် အလှူခံဖို့ ဒီလိုစာပို့လာတာပါမပျက်မကွက် တက်ရောက်ရန်တဲ့၊အဲ့လိုခေါ်စာပို့ပြီး ရင် ငွေမထည့်မနေရ တောင်းပါတယ်၊ ငလျင်မလှုပ်ခင်က ဟိုတယ်နှင့်ခရီးရုံးမှာ မထည့်မနေရ( ၁ )သိန်း ကောက်ထားပြီးပါပြီ”ဟု ကြုံတွေ့နေရ သူကာယကံရှင်တဦးကခမ်းသားငေါဝ်းကိုပြောသည်။
တောင်ကြီးမြို့တွင် ငလျင်လှုပ်ပြီး ဟိုတယ်များထိခိုက်မှုရှိသလို ပြန်လည်ပြင်ဆင်ရန်အတွက် ဟိုတယ်များပိတ်ထားရခြင်းလည်းရှိကြောင်းသိရသည်။
“အခုငလျင်လှုပ်ပီးတော့ ဟိုတယ်အတွင်းထိခိုက်မှုအနည်းငယ်ရှိတာ ပြန်ပြင်ရင် တော်တော်ကုန်ကျတာကို အားနာဘဲ အလှူငွေကောက်ဖို့လုပ်နေတာ အံ့သြလွန်းပါတယ်၊ ဝန်ထမ်းစရိတ် ကုန်ကျစရိတ် မီးမလာလို့ ဒီဇယ်ဖိုးအတွက် လုံလောက်အောင် မနည်းလည်ပတ်နေရတာကို၊ တချို့ဟိုတယ်ဆို ငလျင်ဒဏ်တော်တော်ထိလို့ ပိတ်ထားရတဲ့အခြေအနေပါ၊ဒုက္ခရောက်နေကြတဲ့သူအတွက်ဆိုရင် လှူချင်တာပေါ့ အခုက ပြည်သူ့ပိုက်ဆံနဲ့ အပိုလုပ် အပိုဖြုန်းနေတာကိုး”ဟု သူကဆက်ပြောသည်။
တောင်ကြီးမြို့တွင် စစ်ကောင်စီ၏ရှမ်းပြည်နယ်အစိုးရက လမ်းလျောက် သင်္ကြန် ပြုလုပ်ရန်ညပိုင်း ပြင်ဆင်နေကြောင်းလည်း ဒေသခံပြောပြချက်အရသိရသည်။
“လမ်းလျှောက်သင်္ကြန်နဲ့စတုဒီသာကျွေးဖို့ ဟိုတယ် ၁ လုံးကို ၁သိန်းကျပ် အလှူငွေထည့်ပေးရပါမယ် တဲ့” ဟုဟိုတယ်လုပ်ငန်းရှင်တဦးကပြောသည်။
ပြည်သူများ ငလျင်ဘေးသင့်သည့်အချိန် စစ်ခေါင်းဆောင်က အပျော်အပါးမပါတဲ့ရိုးရာသင်္ကြန်ဆက်လက်ကျင်းပရန်ပြောဆိုထားသည်။
ရှမ်းပြည်နယ် တောင်ပိုင်း ညောင်ရွှေမြို့နယ် အင်းလေးဒေသတွင် မတ်လ ၂၈ ရက်က ပြင်းထန်ငလျင်ကြောင့် သေဆုံးသူ (၁၀၀) ကျော် ရှိနေပြီဖြစ်ပြီး နေအိမ် ၂၅၀၀ ကျော်ပျက်စီးခဲ့ရကြောင်းသိရသည်။
#ppv002
#Humanright
#သင်္ကြန်
#တောင်ကြီး
#ဟိုတယ်
#အလူငွေ
ခမ်းသားငေါဝ်း Telegram
https://t.me/thepeoplevoicePaO
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။