ဆီဆိုင်မြို့တောင်ဘက်ကျေးရွာရှိ လူငယ်ပရဟိတအဖွဲ့မှ ငလျင်ဘေးအတွက် အလှူခံရာ PNO ပြည်သူ့စစ်ပိတ်ပင်
…………………………………
ခမ်းသားငေါဝ်း
ဧပြီ ၂ ၊ ၂၀၂၅
https://www.facebook.com/share/p/15ewSHWchU/
ဆီဆိုင်မြို့ တောင်ဘက်ကျေးရွာများမှ ပရဟိတလုပ်ဆောင်သည့်လူငယ်များ ငလျင်ကြောင့် ဒုက္ခရောက်နေသူများအား ကူညီနိုင်ရန်အတွက် အလှူခံခြင်းအား PNO ပြည်သူ့စစ်က ခွင့်မပြုခဲ့ကြောင်း ပရဟိလုပ်ဆောင်သည့် လူငယ်ထံမှသိရသည်။
ရှမ်းပြည်နယ်တောင်ပိုင်း ဆီဆိုင်မြို့နယ် ဆီဆိုင်မြို့တောင်ဘက်ရှိ ပရဟိတလုပ်ဆောင်သည့် လူငယ်များ ငလျင်ကြောင့် ဒုက္ခရောက်သူများအား ကူညီရန် အလှူခံသည့်အခါ PNO ပြည်သူ့စစ် ဖြားလယ်နှင့် အဖွဲ့သားများက ခွင့်မပြုချက်မတင်သည့်အတွက် ခွင့်မပြုဘဲပိတ်ပင်ထားသည်။
“လိုင်းပေါ်မှာ သူများလုပ်ဆောင်တာကြည့်ပြီး ငလျင်ဘေးကြောင့်ဒုက္ခရောက်သူတွေအတွက် ကူညီချင်ပေမယ့် လုပ်ခွင့်မရတော့ အရမ်းပဲဝမ်းနည်းရတယ် ကိုယ့်ဒေသမှာ ငလျင်ဒဏ်မခံရဘူးဆိုပေမယ့် ထပ်တူဝမ်းနည်းတယ် မကူညီနိုင်တဲ့ကျွန်တော်တို့ ဆီဆိုင်တောင်ဘက်က ပရဟိလူနားလည်ပေးဖို့ တောင်းပန်ချင်ပါတယ်” ဟု ပရဟိတလုပ်ဆောင်သည့် လူငယ်တစ်ဦးက ခမ်းသားငေါဝ်းကိုပြောသည်။
PNO ပြည်သူ့စစ် ဖြားလယ်နှင့်အဖွဲ့သည် ပရဟိတလူငယ်များ ငလျင်အတွက်အလှူခံခြင်းအား ပိတ်ပင်ခြင်းမကဘဲ ဆီဆိုင်တောင်ဘက်တကြောရှိကျေးရွာများမှ ရွာသားများ ထင်းခုတ်သည့်အခါတွင်လည်း ၎င်းတို့ထံခွင့်ပြုချက်တောင်းခံရကြောင်း ၎င်းကဆက်ပြောသည်။
နောက်ဒေသခံတစ်ဦးကလည်း “အရင်တုန်းက သူတို့အဖွဲ့က ပွန်ချောင်းဘက်မှာနေတာ ခုနောက်ပိုင်း ဘယ်လိုဖြစ်လဲမသိယူး ကောင်ထိုရွာမှာလာနေပြီး ရွာတိုင်းလိုလိုသူတို့ချုပ်ကိုင်ထားတယ် သစ်လုပ်တဲ့သူတွေဆိုလည်း သူတို့နဲ့တည့်အောင်ပေါင်းကြတယ် သူ့ကားထဲမှာဆိုလည်း ယာမတွေအမြဲရှိတယ်” ဟု ပြောသည်။
PNO ပြည်သူ့စစ်ဖြားလယ်နှင့်အဖွဲ့သည် ယခင်က ကျေးရွာတွင် ပရဟိလုပ်ရှားသည့် နောင်ရင်းရွာသူကြီး ခွန်ဇာခွန်နှင့်အစ်ကိုဖြစ်သူအား PNLA/PNLO နှင့်အဆက်အသွယ်ရှိသည်ဟု စွပ်စွဲကာ ဖမ်းဆီးနိစ္စက်ပြီး သတ်ပစ်ခဲ့ခြင်းလည်းရှိခဲ့ကြောင်း သိရသည်။
PPV001
ပုံ-အွန်လိုင်း
#လူ့အခွင့်အရေး
#ဆီဆိုင်မြို့တောင်ဘက်ကျေးရွာများ
#ပရဟိတလုပ်ဆောင်သည့်လူငယ်များ
#ငလျင်ကြောင့်ဒုက္ခရောက်နေသူ
#အလှူခံခြင်း
#ပရဟိလုပ်ဆောင်သည့်လူငယ်
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7