ငလျင်ဒဏ်ကြောင့် အင်းလေးတွင် လူဦးရေ တစ်သောင်းကျော်အကူအညီများလို့အပ်နေဆဲ

ငလျင်ဒဏ်ကြောင့် အင်းလေးတွင် လူဦးရေ တစ်သောင်းကျော်အကူအညီများလို့အပ်နေဆဲ
……………………
ခမ်းသားငေါဝ်း
ဧပြီ ၃၊ ၂၀၂၅

https://www.facebook.com/share/p/1EoJRp7KnY/

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးကန် ရှိ ငလျင်ဘေးဒဏ်သင့် ကျေးရွာအုပ်စုပေါင်း ၁၀ ခု ရှိ လူဦးရေတစ်သောင်းကျော် အကူ အညီများ လိုအပ်နေဆဲဖြစ်ကြောင်း ဒေသခံများထံမှ သိရသည်။

အင်းလေးကန် ရှိ မိုင်းသောက်ကျေးရွာအုပ်စု၊ သလဲဦး ကျေးရွာအုပ်စု၊ ဟဲယာရွာမ ကျေးရွာအုပ်စု အင်းခြံကေလာ ကျေးရွာအုပ်စု၊ နန်းသဲ ကျေးရွာအုပ်စု ၊ မင်းချောင်း ကျေးရွာအုပ်စု ၊ ငါးဖယ်ချောင်း ကျေးရွာအုပ်စု ၊ တိလော ကျေးရွာအုပ်စု၊ အင်းတန်း ကျေးရွာအုပ်စု၊ ကျွန်းကြီး ကျေးရွာ အုပ်စု တို့တွင် ငလျင် ဘေးဒဏ် ခံရခြင်း ဖြစ်သည်။

“ကျွန်တော်တို့ ကောက်တဲ့စာရင်း အရတော့ ၂၂ ရွာ ရှိတယ်။ လူဦးရေက တာဝန်ရှိသူတွေကောက်တဲ့ စာရင်းအရ အိမ်ထောင်စုနှစ်ထောင်ကျော်နဲ့ လူဦးရေ ၉၇၀၀ ကျော်တယ်လို့ သိရတယ်။ ဒီနေ့ဆိုရင် တစ်သောင်းကျော်လောက်ရှိသွားပြီ။ လူဦးရေကပိုများနိုင်တယ်။ အချက်လက်တွေက အဖွဲ့တွေလာကောက်သွားကြပြီးအကြောင်း မပြန်လာကြဘူး။ ထုတ်ပြန်တာလည်းနည်းတယ်။ လူဦးရေ အတိ အကျ သိဖို့ကခက်တယ်။ တစ်သောင်းကျော် လို့ ပြောနိုင်တယ်။ အလှူရှင်တွေ လာပေမယ့် လိုအပ်ချက်တွေများနေတုန်းပါပဲ။”ဟု ကူညီကယ်ဆယ်ရေး လိုက်ပါဆောင်ရွက်ပေးသူ တစ်ဦးက ဆိုသည်။

အဆိုပါ ကျေးရွာအုပ်စုများအတွင်းရှိ အနည်းဆုံး ကျေးရွာပေါင်း ၂၀ ကျော် ထိခိုက် ပျက်စီးခဲ့ခြင်း ဖြစ်ကာ အိမ်ခြေပေါင်း ၂၃၀၀ ကျော် ပျက်စီးခဲ့ခြင်း ဖြစ်သည်။

အင်းလေးကန်ရှိ ငလျင်ဘေးသင့် ကျေးရွာများတွင် ယာယီ အလှူခံဌာန စခန်းများဖွင့်လှစ်ပြီး ပြည်သူလူ ထု လာရောက် လှူဒါန်းသော ပစ္စည်းများကို စုပုံ၍ ကျေးရွာရှိ အိမ်ထောင်စု အလိုက် ပြန်လည် ခွဲဝေခြင်း များကို ကျေးရွာ အလိုက် ဆောင်ရွက်ပေးနေခြင်း ဖြစ်ကြောင်း မြင်တွေ့ရသည်။

အင်းလေးကန်ရှိ ကူညီကယ်ဆယ်ရေး လုပ်ငန်းများ ဆောင်ရွက်နေကြသူများထံမှ သိရသော စာရင်းအရ ကေလာအုပ်စု အိမ်ထောင်စုပေါင်း ၁၅၉၁ စု၊ အိမ်ခြေ (၁၀၅၇) အိမ်ရှိရာ ၊ ပျက်စီးအိမ် (၈၅၃) အိမ် ၊ သေဆုံးသူ ၄၁ ဦး ရှိကြောင်း သိရသည်။

နန်းပန်အုပ်စုတွင် အိမ်ထောင်စု ၇၄၂ စု၊ အိမ်ခြေ ၆၃၆ အိမ် ရှိရာ ပျက်စီးသော အိမ် ၃၆၃ အိမ် ၊ ရှိကြောင်း၊ နန်းပန်ပေါက်ပါး မှ အိမ်ခြေ ၁၀၀ ကျော် ၊ နန်းပန်ကြာတောမှာ ၂၂၀ ဖြစ်ကာ သေဆုံးသူ ၄ ယောက် ရှိကြောင်း၊ နန်းသဲအုပ်စုတွင် အိမ်ထောင်စုပေါင်း ၆၀၃ စု၊ အိမ်ခြေပေါင်း ၆၀၃ အိမ် ၊ တွင် ပျက်စီး အိမ်ပေါင်း ၄၀၄ အိမ် ၊ ရှိကာ (အိုင်ထောင်ကြီးရွာ တွင် အိမ်ခြေ ၂၀၀ ကျော်)၊ တစ်ဦး သေဆုံးကြောင်း သိရသည်။

အင်းပေါခုံတွင် အိမ်ထောင်စုပေါင်း ၃၈၅ စု ၊ အိမ်ခြေပေါင်း ၃၁၄ အိမ် ရှိရာတွင် ပျက်စီး ၁၂၆ အိမ် ပျက်စီးကြောင်း၊ ဟဲယာရွာမတွင် အိမ်ထောင်စုပေါင်း ၁၀၇၇ စု အိမ်ခြေပေါင်း ၈၉၅ အိမ် ၊ ပျက်စီးမှု နည်းကာ ထိခိုက်သော နေအိမ်ပေါင်း ၃၂၀ အိမ် ၊ သေဆုံးသူ ၅ ဦး ရှိကြောင်း သိရသည်။

ကူညီကယ်ဆယ်ရေး လုပ်နေသော နန်းပန်ကျေးရွာ ဒေသခံ ကောက်ယူထားသော စာရင်းအရ (၁) ကေလာအုပ်စုရှိ ကေလာ ၊စိတ္တ ၊အုန်းပင်၊ ရွှေပြည်သာ၊ ဇရပ်ကြီး ကျေးရွာများတွင် အိမ်ခြေပေါင်း၈၅၀ အိမ် ၊ (၂) နန်းပန် ကြာတောရွာ အိမ်ခြေပေါင်း ၂၂၀ အိမ် ၊ (၃) နန်းပန်ရေလယ် တွင် အိမ်ခြေပေါင်း ၆၁ အိမ် ၊ (၄) နန်းပန်ပေါက်ပါး အိမ်ခြေပေါင်း ၂၀၂ အိမ် (၅) အိုင်ထောင့်ကြီး အိမ်ခြေပေါင်း ၂၅၀ အိမ် ၊ (၆) ရှေ့ဝကြီး အိမ်ခြေပေါင်း ၁၁၅ အိမ် (၇) မြောင်းဝကြီး အိမ်ခြေပေါင်း ၈၅ အိမ် ၊ (၈) အင်းခြံ ၂၅ အိမ်၊ (၉) သလဲဦးအင်းရွာ =၁၅၅ အိမ်၊ (၁၀) ညောင်ဝန်း =၁၅၈ အိမ် ၊ (၁၁) ကြေးစား ၃ ရွာပေါင်း =၈၅ အိမ်၊ (၁၂) ရွာမ ၁၄ ရပ်ကွက်=၃၂၅ အိမ်၊ (၁၃) ကန်ခေါင်း =၁၅ အိမ် (၁၄) အင်းပေါခုံ = ၂၀ အိမ် ၊ စုစုပေါင်း အိမ်ခြေပေါင်း၂၅၆၆ အိမ် ထိခိုက်ပျက်စီးမှု ရှိကြောင်း သိရသည်။

#PPV-006
#အင်းလေး
#သဘာဝဘေး
#အကူညီလိုအပ်
#ငလျင်

ခမ်းသားငေါဝ်း Telegram
https://t.me/thepeoplevoicePaO

ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။