အင်းလေး ဖောင်တော်ဦးဘုရား ရင်ပြင်တော် အက်ကွဲမှု ပိုမို ဆိုးရွားလာ
…………………..
ခမ်းသားငေါဝ်း
ဧပြီ ၂၊၂၀၂၅
https://www.facebook.com/share/p/18zdp2vLXi/
အင်းလေး ဖောင်တော်ဦးဘုရား ရင်ပြင်တော်ရှိ အက်ကွဲကြောင်းများမှာ ငလျင်ဒဏ်ကြောင့် တစ်နေ့တစ်ခြား အက်ကွဲကြောင်း ပိုမို ကြီးမားလာနေကြောင်း ဒေသခံများထံမှ သိရသည်။
ရှမ်းပြည်နယ် တောင်ပိုင်း ညောင်ရွှေမြို့နယ် အင်းလေးဖောင်တော်ဦးဘုရား ရင်ပြင်တော် တစ်ဝိုက်ရှိ အက်ကွဲကြောင်းများသည် လက်ရှိ အချိန်တွင် ပိုကြီးလာပြီး ပိုကျယ် လာနေကြောင်း သိရသည်။
‘အင်းလေးကန် ဘေးပတ်လည် နေရာတွေမှာလည်း ငလျင် လှုပ်ပြီးတော့ ရုတ်တရက် ရေခန်းခြောက် သွားတာကိုလည်း မြင်ရတယ်။ ” ဟု ဒေသခံက ဆိုသည်။
မတ်လ (၂၈) ရက်မှ ဧပြီလ (၁) ရက် အထိ ငလျင် လှိုင်းငယ်များ ထပ်မံ လှုပ်ခတ်ခြင်းကြောင့် အက်ကွဲကြောင်းများ ပိုမို ကျယ်လာခြင်း ဖြစ်နိုင်ကြောင်း ဘုရား အနီး နေထိုင်သူများက ဆိုသည်။
ငလျင်ဒဏ်ကြောင့် ပြန်လည် ပြုပြင်မှုများ ပြုလုပ်နိုင်ရန် အတွက် မတ်လ ၃၀ ရက်မှ စတင်၍ အင်းလေးကန် ဖောင်တော်ဦး မြတ်စွာဘုရားများကို ဘုရားဖူးခွင့် ယာယီပိတ်ထားကြောင်း ဘုရား ဂေါပက အဖွဲ့ က ကြော်ငြာထားသည်။
ထို့ကြောင့် အင်းလေးကန် ဖောင်တော်ဦး ဘုရားရှေ့ မျက်နှာစာ နှင့် ဘေးပတ်လည် နေရာများကို စက်ယန္တရား များဖြင့် ပြန်လည် တူးဖော်၍ ရေလမ်းကြောင်း ဖော်ခြင်း လုပ်ငန်းများကိုလည်း ဆောင်ရွက်နေသည်ကို မြင်တွေ့ သည်။
လက်ရှိ အချိန်တွင် အလှူရှင်များ အင်းလေးကန် သို့ လာရောက် လှူဒါန်းနေကြသော်လည်း လိုအပ်ချက် များပြားနေသေးကြောင်း အင်းလေးကန် ဒေသခံများထံမှ သိရသည်။
အင်အားပြင်းငလျင်ကြောင့် ရှမ်းပြည်နယ်တောင်ပိုင်း အင်းလေးဒေသမှာ မတ်လ(၃၀)ရက်နေ့အထိ သေဆုံးသူ (၈၉)ဦးအထိရှိပြီး နေအိမ်ပျက်စီးမှု (၂၃၃၇)လုံး ရှိကြောင်း အင်းလေးလူ့အခွင့်အရေး၏ ဖော်ပြချက်အရ သိရသည်။
#PPV-006
#အင်းလေးဖောင်တော်ဦးဘုရား
#ငလျင်ဒဏ်
#အက်ကွဲ
ခမ်းသားငေါဝ်း Telegram
https://t.me/thepeoplevoicePaO
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။