လူထုကူညီကယ်ဆယ်ရေးနှင့် ပြန်လည်ထူထောင်ရေး အာရုံစိုက်ထားလို၍ အထူးဒေသ (၄)တွင် ကျင်းပရန် ပြင်ဆင်သည့် သင်္ကြန်ပွဲတော် ဖျက်သိမ်း

လူထုကူညီကယ်ဆယ်ရေးနှင့် ပြန်လည်ထူထောင်ရေး အာရုံစိုက်ထားလို၍ အထူးဒေသ (၄)တွင် ကျင်းပရန် ပြင်ဆင်သည့် သင်္ကြန်ပွဲတော် ဖျက်သိမ်း
………………..
ခမ်းသားငေါဝ်း
ဧပြီ ၁၊ ၂၀၂၅

https://www.facebook.com/share/p/15dCuCrJwG/

ပြင်းအားကြီး ငလျင်ကြောင့် ဘေးအန္တာရယ်ကြုံတွေ့နေရသော ပြည်သူများအား ကူညီကယ် ဆယ်ရေးနှင့် ပြန်လည်နေရာချထားရေး လုပ်ငန်း၌ အာစုံစိုက်ထားလို၍ အထူးဒေသ (၄)တွင် ကျင်းပရန် ပြင်ဆင်သည့် သင်္ကြန်ပွဲတော် ဖျက်သိမ်းကြောင်း NDAA က မတ်လ (၃၁) ရက်တွင် ထုတ်ပြန်သည်။

သွေးချင်းများဖြစ်သော ငလျင်ဘေးသင့်ပြည်သူများကို စာနာထောက်ထား၍ အထူးဒေသ(၄) တာဝန်ရှိသူများ၏ ဆွေးနွေးဆုံးဖြတ်ချက်အရ မူလသတ်မှတ်ထားသည့် ဧပြီလ(၁၁)ရက်မှ (၁၇)ရက်နေ့အထိ ကျင်းပ ပြုလုပ်မည့် သင်္ကြန်ပွဲတော်ကို ဖျက်သိမ်းလိုက်ခြင်း ဖြစ်ကြောင်း သိရသည်။

သင်္ကြန်ပွဲတော်သည် တိုင်းရင်းသား ပြည်သူများအတွက် အဓိပ္ပာယ်ပြည့်ဝသည့် ပွဲတော်တရပ်ဖြစ်ပြီး၊ ယဉ်ကျေးမှုအမွေအနှစ်များ၊ အမှတ်ရစရာများအမြောက်အမြား ကိန်းဝပ်နေသည်ကို နားလည်ပါ‌ကြောင်း ဖော်ပြထားသည်။

သဘာဝဘေးအန္တာရာယ်‌ရှေ့မှောက်တွင် မိမိတို့အားလုံးသည် စည်းလုံးညီညွတ်စွာဖြင့် အပြန် အလှန် ဖေးမကူညီကာ ဘေးဒဏ်သင့်ပြည်သူများနှင့် အခက်ခဲများကို အတူတကွ ကျော်ဖြတ်နိုင်ကြရန် ကူညီကယ်ဆယ်ရေး လုပ်ငန်းများနှင့် ပြန်လည် ထူထောင်ရေးလုပ်ငန်းများ၌သာ အာရုံစိုက်ထားလိုကြောင်း ဖော်ပြထားသည်။

မတ်လ(၂၈)ရက်မှာ မြန်မာနိုင်ငံအတွင်း၌ အင်အား(၇.၇)ရစ်ခ်ျတာစကေးရှိ ငလျင်ကြီးနှင့် နောက်ဆက်တွဲငလျင်များ လှုပ်ခတ်ခဲ့ပြီး လူပေါင်းများစွာ၏ အသက်အိုးအိမ် စည်းစိမ်ဥစ္စာများ ပျက်စီးဆုံးရှုံးခဲ့ရသည့်အတွက် အထူးဒေသ(၄) အနေဖြင့် ထပ်တူထပ်မျှ ဝမ်းနည်းခံစားရကြောင်း ဖော်ပြထားသည်။

မြန်မာနိုင်ငံတွင် လှုပ်ခတ်ခဲ့သော ငလျင်ကြောင့် နိုင်ငံတစ်ဝန်းမှာ သေဆုံးသူ (၂၀၅၆)ဦးအထိ ရှိလာပြီး ဒဏ်ရာရသူ (၃၉၀၀)ဦးနှင့် ပျောက်ဆုံးသူ (၁၇၀)ဦးရှိကြောင်း မတ်လ(၃၁)ရက် စစ်ကောင်စီထိန်းချုပ်ထားသည့် နိုင်ငံပိုင်ရုပ်သံမှ ကြေညာထားသည်။

#PPV0011
#သင်္ကြန်
#NDAA
#မိုင်းလား
#ငလျင်

ခမ်းသားငေါဝ်း Telegram
https://t.me/thepeoplevoicePaO

ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။