တောင်ကြီးမြို့တွင် ငါးရက်နီးပါး ပြတ်တောက်ခဲ့သော လျှပ်စစ်မီး ပြန်လည် ရရှိ
………………….
ခမ်းသားငေါဝ်း
ဧပြီ ၂၊ ၂၀၂၅
https://www.facebook.com/share/p/156deE4yyY/
အင်အားပြင်းထန် ငလျင်လှုပ်ပြီးနောက် ပြတ်တောက်ခဲ့သော လျှပ်စစ်မီး ငါးရက်မြောက်နေ့ဧပြီလ ၁ ရက် ညပိုင်း (၈) နာရီ ခွဲ အချိန်တွင် တောင်ကြီးမြို့ စတင် လျှပ်စစ်မီး ပြန်လည် ဖြန့်ဖြူးပေးနိုင်ခြင်း ဖြစ်ကြောင်း သိရသည်။
ထိုသို့ လျှပ်စစ်မီး လွှတ်ပေးနိုင်ရန် အတွက် သပြေဝ – ရေပေါင်းဆုံ – ကလော – အေးသာယာ စသော ခွဲရုံ အဆင့်ဆင့် ထံသို့ ပို့လွှတ်ကာ ပြုပြင်ပေးခဲ့ရကြောင်း လျှပ်စစ်ဝန်ထမ်း တစ်ဦးက ဆိုသည်။
“လျှပ်စစ်မီး ပြန်ရပြီဆိုတော့ တောင်ကြီး ရေရှားပါးမှု အဆင်ပြေပြီလို့ ထင်ပါတယ်။ မီးပျက်တုန်းက ပါဝါဘန့်တစ်လုံးဆိုင်မှာသွားသွင်းရင် သုံးထောင် ပေးရပါတယ်။ အားသွင်းမီးလုံး နှစ်ထောင် ပေးရတယ်။ ဖုန်းတစ်လုံးတစ်ထောင်ပေးရတယ်။ လျှပ်စစ်ရုံးမှာလည်း မနက် ၈ နာရီကနေ ညနေ ၅ နာရီ အထိ သွားသွင်းလို့ရပါတယ်။ ဒါပေမယ့် ထိုင်စောင့်နေရတာပေါ့။ အချိန်ကုန်တာပေါ့။ တစ်ရက် ကို လူရာနဲ့ ချီပြီး အားလာသွင်းကြရတယ်။ ”ဟု မြို့ခံ တစ်ဦးက ဆိုသည်။
အပိုင်းအလိုက် တစ်ရက်လျှင် ၄ နာရီကြာ အလှည့်ကျစမ်းသပ်မီးပေးသွားမည်ဖြစ်ကြောင်း အန္တရာယ်မဖြစ်ရန် သုံးစွဲခြင်းပြုဖို့လည်း လျှပ်စစ်ဝန်ထမ်းတစ်ဦးက အကြံပြုထားသည်။
ဧပြီလ ၁ ရက် ညနေပိုင်း အချိန်တွင် ဓာတ်အားပြန်လည် ချိတ်ဆက်နိုင်ရန်အတွက် ကျောက်ဆည် အင်းကုန်းဓာတ်အားခွဲရုံမှတဆင့် ကလောရေပေါင်းဆုံ ဓာတ်အားခွဲရုံသို့ လည်းကောင်း၊ ထိုမှ အေးသာယာဓာတ်အားခွဲရုံသို့ ဓါတ်အား ပို့လွှတ်နိုင်ခဲ့သဖြင့် တောင်ကြီးမြို့နယ် လျှပ်စစ်မီး ပြန်လည် ဖြန့်ဖြူးနိုင်ခြင်း ဖြစ်ကြောင်း သိရသည်။
ထိုသို့ ငါးရက်ကြာ လျှပ်စစ်မီး ပြတ်တောက်ခြင်းကြောင့်တောင်ကြီးတွင် ရေရှားပါးမှု ကြုံတွေ့နေရသလို ဖုန်းလိုင်း အင်တာနက်လိုင်းအခက်ခဲဖြစ်စေခဲ့ကြောင်းသိရသည်။
#PPV-006
#social
#တောင်ကြီး
#လျှပ်စစ်မီး
ခမ်းသားငေါဝ်း Telegram
https://t.me/thepeoplevoicePaO
ခမ်းသားငေါဝ်း Tittok www.tiktok.com/@khamsarngor1
ကိုလည်းဝင်ရောက်ဖတ်ရှုနိုင်ပါသည်။
photo credit