ငလျင်ကြောင့် ဘန်ကောက်အဆောက်အအုံပြိုကျမှုမှာ MOU စနစ်နဲ့ မြန်မာနိုင်ငံသား ၂၄ ဦး ပျောက်ဆုံးနေ
…………………………………………
ခမ်းသားငေါဝ်း
ဧပြီ ၂၊ ၂၀၂၅
https://www.facebook.com/share/p/1DeKcA3hM2/
ထိုင်းနိုင်ငံ ဘန်ကောက်မြို့မှာ ငလျင်လှုပ်ခတ်ပြီး အဆောက်အအုံပြိုကျတဲ့ထဲ မြန်မာနိုင်ငံသားအလုပ်သမား ၂၄ ဦး အခုထိပျောက်ဆုံးနေတယ်လို့ ထိုင်းအလုပ်သမားဝန်ကြီးဌာနက ဧပြီလ ၁ ရက်နေ့မှာ ထုတ်ပြန်ထားပါတယ်။
မတ်လ ၂၈ ရက်နေ့က ၇ ဒသမ ၇ ပြင်းအားရှိတဲ့ ငလျင်လှုပ်ခတ်တာကြောင့် ဆောက်လုပ်ဆဲ ဘန်ကောက်မြို့မှာရှိတဲ့ နိုင်ငံတော်စာရင်းစစ်ရုံးအဆောက်အအုံပြိုကျသွားတာပဲ ဖြစ်ပါတယ်။
အခုလက်ရှိပျောက်ဆုံးနေဆဲ လူ ၈၃ ဦးထဲမှာ ထိုင်းအလုပ်သမား ၅၅ ဦး၊ မြန်မာအလုပ်သမား ၂၄ ဦး၊ ကမ္ဘာဒီးယားအလုပ်သမား ၃ ဦး နဲ့ လာအို အလုပ်သမား ၁ ဦး တို့ပါဝင်ကြောင်းထုတ်ပြန်ထားပါတယ်။
ဗုဒ္ဓဟူးနေ့ နံနက်ပိုင်းအထိ သေဆုံးသူ ၁၅ ဦး အထိမြင့်တက်လာပြီး အမျိုးသား ၈ ဦးနှင့် အမျိုးသမီး ၇ ဦးသေဆုံးခဲ့ပါတယ်။ ၉ ဦး က ဒဏ်ရာရရှိခဲ့ပြီး ၇၂ ဦးက ပျောက်ဆုံးဆဲလို့ The Nation Thailand ကဖော်ပြထားပါတယ်။
လက်ရှိမှာ အပျက်အစီများအောက်ကို စကင်နာစက်ဖြင့် ရှာဖွေမှုများ ဆက်လုပ်နေကြောင်းသိရပါတယ်။
PPV0010
ပုံ-အွန်လိုင်း
#သဘာဝဘေး
#ထိုင်းနိုင်ငံ
#ဘန်ကောက်မြို့
#ငလျင်လှုပ်ခတ်ပြီးအဆောက်အအုံပြိုကျ
#မြန်မာနိုင်ငံသားအလုပ်သမား
#ထိုင်းအလုပ်သမားဝန်ကြီးဌာန
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7