အိုဘိုးအကျဉ်းထောင်တွင် ငလျင် ကြောင့် သေဆုံးသူ ၁၂ ဦးရှိကြောင်း PPNM ထုတ်ပြန်
……………………………………….
ခမ်းသားငေါဝ်း
ဧပြီ ၁၊ ၂၀၂၅
https://www.facebook.com/share/p/1Aq4v4dfht/
မန္တလေးတိုင်း အိုဘိုးအကျဉ်းထောင်တွင် ငလျင်လှုပ်ခတ်မှုကြောင့် သေဆုံးသူ ၁၂ ဦးရှိသည်ဟု ကနဦးသိရှိထားကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် PPNM ကထုတ်ပြန်ထားသည်။
ငလျင်လှုပ်ခတ်မှုကြောင့် အိုဘိုးထောင်အတွင်းရှိ အမျိုးသားအဆောင်အလုပ်ရုံနှင့် အမျိုးသမီးအဆောင် ၁ နှင့် ၂ ပြိုကျခဲ့ကာ အမျိုးသား ၁ ဦးနှင့်အမျိုးသမီးအနည်းဆုံး ၂ ဦးသေဆုံးခဲ့ကာ ထိခိုက်ဒဏ်ရာရသူ ၁၀ ဦးခန့် ရှိခဲ့သည်ဟု အတည်ပြုသိရှိရ ကြောင်း PPNM ကဆိုသည်။
PPNM မှ လက်ရှိအတည်ပြုထားသော သေဆုံးသူများသည် အကျဉ်းသား သို့မဟုတ် ၀န်ထမ်းဖြစ်ခြင်းကို ခွဲခြားကောက်ယူ နိုင်ခြင်းမရှိသေးကြောင်းဆိုထားသည်။
ငလျင်ဒဏ် ကြောင့် ထပ်မံအတည်ပြုနေဆဲ သေဆုံးသူ ၈ ဦးအပါအ၀င် စုစုပေါင်း သေဆုံးသူ ၁၂ ဦးထိ ရှိသည်ဟုကနဦးသိရှိထားကြောင်း PPNM ကဖော်ပြထားသည်။
စစ်ကောင်စီ ထုတ်ပြန်ထားသော ငလျင်ကြောင့်သေဆုံးထိခိုက်သူများစာရင်းတွင် အကျဉ်းထောင်မှ သေဆုံးထိခိုက်မှုစရင်းများ ထည့်ပေါင်းထားခြင်းမရှိသည့်အပေါ် မေးခွန်းထုတ်ရန်လိုအပ် ကြောင်း PPNM ကထုတ်ပြန်ထားသည်။
PPV 003
ပုံ-မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် PPNM
#သဘာဝဘေး
#မန္တလေးတိုင်း
#အိုဘိုးအကျဉ်းထောင်
#ငလျင်လှုပ်ခတ်မှု
#မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်
#PPNM
“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal – https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7