မတ်လ ၃၁ ရက်နေ့ ညနေ ၆ နာရီ နောက်ဆုံးရ မြေငလျင်သတင်းအချက်အလက် စုစည်းမှုများ
၂၀၂၅ မတ်လ ၂၈ရက် ၁၂ နာရီ မိနစ် ၅၀ကျော်တွင် မြန်မာနိုင်ငံ အလယ်ပိုင်း စစ်ကိုင်းတိုင်းနှင့် မန္တလေးမြို့အနီးကို ဗဟိုပြု၍ လှုပ်ခတ်ခဲ့သော ၇.၇ ရစ်ချက်စတာစကေးရှိသော အင်အားပြင်းမြေငလျင်နှင့် နောက်ဆက်တွဲ မြေငလျင်ငယ်များကြောင့် လက်ရှိအချိန်ထိ ပြည်သူ ၃၀၀၀ကျော်သေဆုံးခဲ့ပြီး ၃၅၁၇ယောက်ဒဏ်ရာရရှိခဲ့ သည်။
ထိခိုက်ပျက်စီးမှုများပြားသဖြင့် ငလျင်ဒဏ်သင့်အဆောက်အအုံများအတွင်း ရှာဖွေကယ်တယ်ရေးများ ဆက်လက်လုပ်ဆောင်နေပြီး လူသေဆုံးမှု ထိခိုက်ဒဏ်ရာရရှိသူ အရေအတွက်မှာ ပိုမိုများပြားလာနိုင်သည်။
၃၁ မတ် ၂၀၂၅ ရက်နေ့ နေ့လည် ၆း၀၀ အထိ ယုံကြည်စိတ်ချရသည့် မြေငလျင်နှင့် ပတ်သက်သည့် သတင်းအချက်အလက်များ
လူထိခိုက်ဒဏ်ရာရရှိမှုနှင့် သေဆုံးမှုစာရင်း
မြန်မာနိုင်ငံ ငလျင်လှုပ်ခတ်မှုကြောင့် လက်ရှိနောက်ဆုံးရသတင်းတွေအရ သေဆုံးသူ (၃၁၁၁)ယောက်၊ ဒဏ်ရာရှိသူ (၃၅၁၇ )ယောက်ရှိနေပါတယ်။ သေဆုံးသူ (၁၃၇) ဦး တိုးလာပြီး ဒဏ်ရာရရှိသူ (၃၉၅) ဦး ထပ်တိုးတွေ့ရှိကြောင်း ယုံကြည်စိတ်ချရသည့် သတင်းမီဒီယာဖော်ပြမှုမှ သိရပါတယ်။
နောက်ဆုံးရ အချက်အလက်တွေကို အောက်ပါလင့်ခ်မှာ ဝင်ရောက်ဖတ်ရှုနိုင်ပါတယ်။
အင်အားပြင်းငလျင်ကြောင့် ပြိုကျခဲ့သည့် အောင်ပန်းဟိုတယ်အတွင်း ဝန်ထမ်း ၆ ဦးအပါ ဧည့်သည်များ ပိတ်မိနေပါသည်။ ၎င်းဟိုတယ် ပြိုကျမှုမှ သေဆုံးသူ ၉ ဦးရှိပြီး ဆေးရုံသို့ ၂၅ ဦး ပို့ထားကာ လက်ရှိတွင် ရှာဖွေကယ်ဆယ်မှုများ ဆက်လက်လုပ်ဆောင်နေဆဲဖြစ်ကြောင်း
The Irrawaddy- https://www.facebook.com/share/p/1DzfPoUPGb/
ပဲခူးတိုင်း၊ တောင်ငူမြို့နယ်အတွင်းရှိ ရွှေတူးဖော်ရေး လုပ်ကွက်များ မတ်လ ၂၈ ရက်နေ့က လှုတ်ခတ်ခဲ့သည့် ငလျင်ကြောင့် ပြိုကျပျက်စီးပြီး ရွှေတွင်းလုပ်သား ၄၀ ထက်မနည်း သေဆုံးခဲ့ပါသည်။ မတ်လ ၃၁ ရက် နံနက်ပိုင်းအထိ မဇ္ဈိမမှ ပြုစုထားသည့် စာရင်းအရ ငလျင်ကြောင့် သေဆုံးသူ ၃,၁၁၁ ဦးနှင့် ဒဏ်ရာရသူ ၃,၂၉၄ ဦး ရှိသည်။
Mizzima – https://www.facebook.com/share/v/1BjoeDvUft/
မန္တလေးမြို့ ဦးလှသိန်းသာသနာ့ဗိမာန်အဆောက်အဦ ပြိုကျပျက်စီးမှုတွင် ကယ်ဆယ်ရှာဖွေရေး လုပ် ဆောင်နေရာ နှစ်ရက်အတွင်း သံဃာအပါး ၅၀ ခန့် ရုပ်ကလာပ်များ သယ်ယူပြီးဖြစ်ကာ အပျက်အစီးများ ကြားမှ အပုပ်နံ့များရနေကြောင်း ယနေ့ (မတ် ၃၁ ရက်) မွန်းတည့်ချိန်တွင် ဖော်ပြထားပါသည်။ မန္တလေးမြို့၊ မဟာအောင်မြေမြို့နယ်၊ ၈၅ လမ်း ( ၃၄ လမ်းနှင့် ၃၅ လမ်းကြား) စာဖြေ သံဃာတော် အပါး ၂၇၀ ခန့် စာမေးပွဲဖြေဆိုနေကြစဉ် ငလျင်ကြောင့်ပြိုကျခဲ့ပြီး အပါး ၇၀ ခန့်သာ လွတ်မြောက်ကာ အပါး ၂၀၀ ခန့် ပိတ်မိနေခြင်း ဖြစ်ကြောင်း ဖော်ပြထားပါသည်။
Myanmar Now – https://www.facebook.com/share/p/1BUcgC4sYH/
မတ်လ (၃၁) ရက်နေ့၊ မြန်မာစံတော်ချိန် နေ့လည် (၃) နာရီအထိ စုစုပေါင်း သေဆုံးသူ (၃,၀၃၄) ဦး၊ ထိခိုက်ဒဏ်ရာရရှိသူ (၃,၅၁၇) ဦး နှင့် ပျောက်ဆုံးနေသူ (၄၉၈) ဦးရှိကြောင်း DVB Data Team မှ ကောက်ယူစုဆောင်းထားသော စာရင်းတွေအရ သိရပါတယ်။
DVB- https://www.facebook.com/share/p/16ASP6aeDW/
ဘာသာရေး သာသနိက အဆောက်အဦးပျက်ဆီးမှု
မြေငလျင်လှုပ်ခတ်မှုကြောင့် မြန်မာနိုင်ငံရှိ သာသနိက အဆောက်အဦးများစွာ ထိခိုက်ပျက်ဆီးခဲ့ပါသည်။ ဘုရားပုထိုး၊ စေတီ နှင့် ဘုန်းကြီးကျောင်း (၁၃၅)လုံးခန့်, အစ္စလာမ် ဝတ်ပြုကျောင်း (ဗလီ) (၆၀) ခန့်နှင့် ခရစ်ယာန် ဘုရားကျောင်းကျောင်း (၂၀) ခန့်တို့ ပျက်ဆီးခဲ့သည်။ နောက်ဆုံးရသတင်းအချက်အလက်များ အောက်ပါလင့်ခ်တွင် ဝင်ရောက်ဖတ်ရှုနိုင်ပါသည်။
ရှေးဟောင်းသမိုင်း၊ ယဥ်ကျေးမှု၊ အနုပညာတွေကို သုတေသနပြုလုပ်နေတဲ့ ကိုဇင်မျိုးလင်းကလည်း ပြိုကျသွားတဲ့ ရှေးဟောင်းအဆောက်အဦး အကြောင်း ကို ထပ်မံဖြည့်စွပ်ပြီး ရှေးဟောင်းအမွေအနှစ်အဆောက်အဦ အရွယ်အစုံ ပြိုကျပျက်ဆီးမှု၊ ၁၃၅လုံး
ဘုရားဘွဲ့၊ ဘုရားအမှတ်မရှိလို့ စရင်းမသွင်းနိုင်တဲ့အဆောက်အဦ ၁၅၀နီးပါးထိရှိနေ လို့ သူ့ရဲ့ လူမှုစာမျက်နှာမှာ ဖော်ပြထား – https://shorturl.at/ntIxv
ရုပ်ပိုင်း စိတ်ပိုင်းဆိုင် ကျန်းမာရေးစောင့်ရှောက်မှု
မြေငလျင်လှုပ်ပြီးချိန်တွင် အများပြည်သူများအနေဖြင့် ရုပ်ပိုင်းဆိုင်ရာ စိတ်ပိုင်းဆိုင်ရာ ကျန်းမာရေး စောင့်ရှောက်မှုများစွာလိုအပ်လျက်ရှိသည်။ ထိုအခြေအနေတွင် ကျန်းမာရေးအဖွဲ့အစည်းများနှင့် ကျွမ်းကျင်ပညာရှင်များညွှန်ကြားသည့် ကျန်းမာရေးစောင့်ရှောက်မှုနည်းလမ်းကို လိုက်နာသင့်ပါသည်။ Myanmar Fact-checking Network အနေဖြင့် ကျန်းမာရေးစောင့်ရှောက်မှု၊ အခြားသူတွေကို ကူညီသည့်နည်းလမ်းနှင့် ရုပ်ပိုင်းဆိုင်ရာ၊ စိတ်ပိုင်းဆိုင်ရာရော အဆင်မပြေမှု အကူအညီတွေကို တွေကိုလည်း ရှာဖွေစုဆောင်းထားပေးပါသည်။
အသေးစိတ်တွေကို အောက်က လင့်ခ်တွေ ဝင်ရောက်ကြည့်ရှု့နိုင်ပါသည်။
ကမ္ဘာကျန်းမာရေးအဖွဲ့ (မြန်မာ) World Health Organization Myanmar’s က ထုတ်ပြန်ထားသည့် ကျန်းမာရေးစောင့်ရှောက်မှုနနည်းလမ်းများ ကို ဝင်ရောက်ဖတ်ရှုနိုင်ပါသည်။ Post –
https://www.facebook.com/share/p/1BKVsSYBCP/
[ စိတ်ပိုင်းဆိုင်ရာ ရှေးဦးသူနာ ပြုစုခြင်းနည်းလမ်း]
Citta Consultany မှ ပြုစုထားသည့် စိတ်ပိုင်းဆိုင်ရာ ရှေးဦးသူနာပြုစုခြင်းနည်းလမ်းများကို ဝင်ရောက်ဖတ်ရှုနိုင်ပါသည်။
https://drive.google.com/drive/folders/1w5I5EH1ihMh4ns84F1_koSJSh2MgM8Ze?usp=sharing
Counselling Corner မှ စုစည်းထားသည့် ရုပ်ပိုင်းဆိုင်ရာ ရော စိတ်ပိုင်းဆိုင်ရာရော အကူအညီ အထောက်ပံ့အတွက် လေ့လာရမည့် အရင်းအမြစ်များကို အောက်ပါလင့်ခ်တွင် ဝင်ရောက်ရယူနိုင်ပါသသည်။
https://www.facebook.com/share/p/1F2LhQruJ8/
အောက်ပါပေးထားသည့် U-Report Myanmar Page တွင်လည်း နောက်ဆက်တွဲငလျှင်ကြောင့် သတိထားရမည့် ထိခိုက်မှုများ၊ မိမိအပါအဝင် ငလျှင်ကြားမှ ပြန်လည်လွတ်မြောက်လာသူများအား စိတ်ပိုင်းဆိုင်ရာ အားပေးနိုင်မည့်နည်းလမ်းများကို သွားရောက်လေ့လာနိုင်ပါသည်။
https://www.facebook.com/UReportMyanmar?mibextid=ZbWKwL
ထို့အပြင် Serenity Counseling & Mental Health Services က နေ့စဥ်တင်ဆက်ပေးနေသည့် အရေးပေါ်အခြေအနေကြား စိတ်ကျန်းမာရေး အထောက်အပံ့အစီအစဥ်မှတဆင့် အခမဲ့တိုင်ပင်ဆွေးနွေးမှုရယူ၍ မိမိစိတ်အတွက် ကုသမှုခံယူနိုင်မည်ဖြစ်သည်။
https://www.facebook.com/serenitymentalhealthservice?mibextid=ZbWKwL
အခမဲ့ဆေးခန်းများအနက် တစ်ဖွဲ့အပါအဝင်ဖြစ်သည့် အခမဲ့ပြည်သူ့ဆေးခန်း-FOC Teleclinic မှလည်း ထိခိုက်ဒဏ်ရာများဖြင့်ပတ်သက်ပြီး အွန်လိုင်းစနစ်ဖြင့် တိုင်ပင်ဆွေးနွေးနိုင်သလို ငလျှင်ဘေးအန္တရာယ်ကြား သတိထားရမည့် ပြင်ပအန္တရာယ်များကိုလည်း ၎င်း ပေ့ချ်မှတဆင့် လေ့လာနိုင်မည်။
https://www.facebook.com/focteleclinic?mibextid=ZbWKwL
Myanmar Fact-checking Network စာဖတ်ပရိတ်သတ်များအနေဖြင့် အွန်လိုင်းလူမှုပေါ်ရှိ သတင်းအချက်အလက် အကြောင်းအရာ များကို အလွယ်တကူမယုံကြည်ဘဲ လွတ်လပ်ပြီး အမှီခိုကင်းသည့် သတင်းမီဒီယာဌါန မှ သတင်းများကိုဝင်ရောက်ဖတ်ရှုရန် အကြံပြု တိုက်တွန်းလိုပါသည်။ ဒါအပြင် နောက်ပိုင်းတွင် မီဒီယာ အယောင်ဆောင်လာ ကြသည့် ဝါဒဖြန့်ချိသူများကိုလည်း သတိထားရန် ထပ်မံတိုက်တွန်းလိုပါသည်။
သတင်းအမှား အကြောင်းအရာဟု သံသယရှိပါက Myanmar Fact-checking Network (facebook page) ၏ မက်ဆေ့ဘောက်သို့ အချိန်မရွေး ပေးပို့မေးမြန်းနိုင်ပါသည်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Web – https://myanmarfactcheckingnetwork.org/
Fb – https://www.facebook.com/myanmarfactcheckingnetwork
နောက်ဆုံးရ အချက်အလက်တွေကို အောက်ပါလင့်ခ်မှာ ဝင်ရောက်ဖတ်ရှုနိုင်ပါတယ်။