ခမ်းသားငေါဝ်း
ဇန်နဝါရီ ၁၀၊ ၂၀၂၅
ဘော်ဆိုင်းရှိ ဖောင်ဆိုင်းကျောင်းမှအခိုးခံရသည့် ဘုန်းကြီးကျောင်းကား ပြန်လည် ရရှိသော်လည်း ခိုးယူသူ လွတ်မြောက်သွားကြောင်း သိရသည်။
ဇန်နဝါရီလ ၉ ရက် မနက် ၅ နာရီခွဲ အချိန်တွင် သဲကုန်း – ဘော်ဆိုင်းသွားလမ်းရှိ ဖောင်ဆိုင်းကျောင်း ပိုင် မော်တော်ယာဉ်ကို ဦးဇင်းကြီး ဝတ်နေသူမှ ခိုးယူ ထွက်ပြေးခဲ့ပြီး ထိုနေ့ ညနေပိုင်း ၅ နာရီခွဲ အချိန်တွင်လယ်တောထဲ၌ ပြန်လည်ရှာဖွေတွေ့ရှိခဲ့ကြောင်း သိရသည်။
“အဲ့လူက ဘော်ဆိုင်းသားပဲ သဖန်းပင်ရပ်ကွက်မှာ နေတယ်၊ ဒုတိယအိမ်ထောင်ကျပြီးမှ ကိုရင်ကြီး ဝတ်တယ်၊ ချုပ်ချက်ကျောင်းကနေ ဒီဘက်ဖောင်ဆိုင်း ကျောင်းကို ပြောင်းလာတယ်၊ အခုကားကိုတော့ရပါပြီ၊ လူကတော့ ထွက်ပြေးလွတ်မြောက် သွားလို့ တွေ့ရင်ပြောဖို့ အသိပေးထားပါတယ်”ဟု ဒေသခံ တစ်ဦးကဆိုသည် ။
မိုင်းအင်သွားလမ်း ခုတိရွာရှိကွင်းပြင်လယ်တောထဲ တွင် မော်တော်ကား ရပ်ထားကာ ကားပေါ် ဘီယာ သောက်နေချိန် ကျေးရွာသားများ ဝိုင်းဝန်းရှာဖွေ ဖမ်းဆီးခဲ့သဖြင့် မော်တော်ကားကို ပြန် လည်ရရှိခဲ့ခြင်း ဖြစ်ကြောင်းသိရသည်၊။
ကားတွင်း သိမ်းဆည်းထားသော ငွေသား ၂၅ သိန်း နှင့် ကျူးလွန်သူ၏ ဖုန်းကိုရှာဖွေတွေ့ ရှိခဲ့ကြောင်း သိရသည်။
ယခင် ဒီဇင်ဘာလ ၃၁ ရက်တွင်လည်း ဘော်ဆိုင်း ကျေးရွာအတွင်း ပွဲဈေးရှိနေချိန်ရွာတွင်း နေအိမ်တစ်လုံးတွင် ငွေသား ၁၁ သိန်း ကျော် ဖောက်ထွင်း ခိုးယူခံရခြင်း ရှိကြောင်း ဘော်ဆိုင်း ဒေသခံ ထံမှ သိရသည် ။
#ppv006