ခမ်းသားငေါဝ်း
နိုဝင်ဘာ ၁၅၊၂၀၂၄
မိုးဗြဲမြို့တွင် စစ်ကောင်စီက လက်နက်ကြီးများဆက်တိုက်ပစ်ခတ်နေသောကြောင့် စပါးရိတ်ရန်ကျန်ရှိနေသောပြည်သူများအခက်အခဲ ဖြစ်နေကြောင်း ဒေသခံတစ်ဦးထံမှသိရသည်။
ရှမ်းပြည်နယ်တောင်ပိုင်း မိုးဗြဲမြို့ ကို စစ်ကောင်စီကလက်နက်ကြီးဖြင့်အဆက်မပြတ်ပစ်ခတ်နေပြီး ဝါရီဆူးပလိုင် နှင့် ဝါရီကောခူကျေးရွာများအတွင်း လက်နက်ကြီးများ ကျရောက်ပေါက်ကွဲနေသောကြောင့် စပါးရိတ်ရန်ကျန်ရှိနေသည့်ပြည်သူများ အခက်အခဲ ဖြစ်နေသည်။
” လက်နက်ကြီးဆက်တိုက်ပစ်နေတာသုံးလေးရက်ရှိပြီ၊ ဒီမနက်လည်း လက်နက်ကြီးသံနဲ့ ဒရုန်းဗုံးကြဲတဲ့ အသံတွေကြားနေတုန်းပဲ၊ ဒီလိုဆို လယ်ထဲဘယ်လိုဆင်းရဲမလဲ၊ စပါးကရိတ်ရတော့မယ်လေ” ဟု ဒေသခံတစ်ဦးကခမ်းသားငေါဝ်းကိုပြောသည်။
လက်နက်ကြီးများ ရွာထဲကျရောက်ပေါက်ကွဲနေသောကြောင့် အချို့ဒေသခံများ ထွက်ပြေးတိမ်းရှောင်နေကြပြီဖြစ်ကြောင်းသိရသည်။
” စပါးရိတ်ပြီးတဲ့သူတွေကတော့ ပြေးကုန်ပြီ၊ ကိုယ်တွေက မရိတ်ရသေးဘူး၊ မရိတ်ပဲထားခဲ့လို့မဖြစ်ဘူးလေ၊ စားစရာဒါပဲရှိတာ ” ဟု ၎င်း ကဆက်ပြော သည်။
မိုးဗြဲမြို့တွင် စစ်ကောင်စီ၏ ကင်းထောက်လေယာဥ် များ နေ့စဥ် လာရောက် ကင်းထောက်ဝဲပျံနေကြောင်းသိရသည်။
#PPV 003
#Humanright
#မိုးဗွဲ
#လက်နက်ကြီး
#စစ်ကောင်စီ
VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people’s voice – ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။