ခမ်းသားငေါဝ်း
နိုဝင်ဘာ ၁၅၊၂၀၂၄
ဖယ်ခုံ-ပင်လောင်းလမ်းကို စစ်ကောင်စီက ပိတ်ထားလိုက်ခြင်းကြောင့် ဖယ်ခုံခြမ်းဖက်ရှိတောင်သူများ ပြောင်းရောင်းရန်အခက်အခက်ဖြစ်နေကြောင်း ပြောင်းစိုက်ပျိုးသူ ဒေသခံတစ်ဦးထံမှ သိရသည်။
ရှမ်းပြည်နယ်တောင်ပိုင်း ပင်လောင်း-ဖယ်ခုံ နယ်စပ်တွင် တိုက်ပွဲများဖြစ်ပွားနေပြီး စစ်ကောင်စီနှင့် PNO ပြည်သူ့စစ်က ဖယ်ခုံ- ပင်လောင်းလမ်းပိုင်းကို ထိန်းချုပ်ပိတ်ဆို့ထားသောကြောင့် ဖယ်ခုံဖက်မှ ပြောင်းစိုက်တောင်သူများ ပြောင်းရောင်းရန်အခက်အခဲဖြစ်နေသည်။
” အရင်တုန်းက ပြောင်းကို ပင်လောင်းဖက်က လာဝယ်ကြတာပေါ့လေ၊ အခုကပြောင်းရောင်းဝယ်ကာလပဲလေ၊ ဒီနားက ပြောင်းကုန်သည်တွေလည်း သူတို့ပင်လောင်းဖက်တက်လို့မရတော့ ပြောင်းတွေအများကြီးမဝယ်ရဲ ကြတော့ဘူး၊ အကြာကြီးထားရင်လည်း မှိုတက်ပြီးပျက်သွားမှာစိုးတယ်” ဟု ပြောင်းစိုက်ပျိုးသူ ဒေသခံတစ်ဦးကခမ်းသားငေါဝ်းကိုပြောသည်။
အဆိုပါ ပင်လောင်း-ဖယ်ခုံ လမ်းပိုင်းကို စစ်ကောင်စီ နှင့် PNO ပြည်သူ့စစ်ကထိန်းချုပ်ထားပြီး ဖယ်ခုံဖက်ကို စစ်အင်အားများထပ်မံ ဖြည့်တင်းနေကြောင်းသိရသည်။
ရှမ်းကယားနယ်စပ် ပင်လောင်းတောင်ဘက်တွင် စစ်ကောင်စီ နှင့်တော်လှန်ရေးအင်အားစုတို့ တိုက်ပွဲ ဖြစ်ပွားသည်မှာ တစ်လကျော်ကြာပြီဖြစ်ကြောင်းသိရသည်။
#PPV003
#Humanright
#ဖယ်ခုံ
#လမ်းပိတ်
#WhatHappenInMyanmar
VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people’s voice – ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။