ခမ်းသားငေါဝ်း
အောက်တိုဘာ ၂၇၊ ၂၀၂၄

အောင်ပန်းတွင် ရပ်ထားသည့်တွဲကားကို ရွာငံမှမောင်းလာသည့် (wish)ကားတိုက်မှုဖြစ်ပွားပြီး ယာဥ်မောင်းဒဏ်ရာရရှိခဲ့ကြောင်း အောက်တိုဘာလ၂၇ ရက်နေ့တွင် သိရသည်။

ရှမ်းပြည်နယ်တောင်ပိုင်း၊ အောင်ပန်း-တောင်ကြီးသွားလမ်း ကညနရုံးရှေ့အနီးလမ်းမတွင်ရပ်ထားသည့်တွဲကားကို မနေ့ည ၇ ခွဲအချိန်တွင် ရွာငံစုရပ်ကွက်နေဝပ်ရှော့လုပ်ကိုင်နေသည့်ဦးကုလား မောင်းလာသော(wish)ကားတိုက်မှုဖြစ်ပွားပြီး ဒဏ်ရာရသူ ဦးကုလားကိုဆေးရုံတင်ပေးထားသည်။

“ဒဏ်ရာကတော့ ဘယ်ဖက်မျက်ခုံးရိုးကျိုးတယ် နောက် ပြီးတော့ နဖူးကွဲတယ် လက်သန်းကျိုးတယ် ဘယ်ဖက်နားကလက်ဖျံနားမှာ ပွန်းပဲ့ဒဏ်ရာတွေနဲ့”ဟု အောင်ပန်းနာရေးကူညီမှုအသင်းက တာဝန်ရှိသူက ခမ်းသားငေါဝ်းကိုပြောသည်၊၊

ဒဏ်ရာရှိသည့်ဦးကုလားကို ကလောဆေးရုံတွင်တင်ထားကြောင်းသိရသည်။

အောက်တိုဘာ၂၄ ရက်နေ့တွင်လည်း အောင်ပန်းမြို့၊လက်မပင်ရပ်ကွက်နေ မနီလာထွေးနှင့်သား နှစ်ယောက်တို့အား ကလောမြို့အပြန် တောင်ရိုးစာပေနှင့်ယဥ်ကျေးမှုရုံးနံဘေး မယ်ခိုတောင်အတက်လမ်း၌အရိပ်ရအပင်တွင်ခေတ္တနားနေစဉ် လူနှစ်ဦး လာပြီး လုယှက်ရိုက်နှက်ကာ ဒဏ်ရာအပြင်းအထန်ꩻပြီး ဆေးရုံပို့စဉ်တွင်ပင် မိခင်ဖြစ်သူက ရရှိသောဒဏ်ရာဖြင့် သေဆုံးခဲ့ရကြောင်းသိရသည်။

PPV009
ဓာတ်ပုံ-နာရေးကူညီမှုအသင်းအောင်ပန်း
#မှုခင်း
#အောင်ပန်း
#တောင်ကြီးသွားလမ်း
#ကညနရုံးရှေ့အနီးလမ်းမတွင်
#ရပ်ထားသည့်တွဲကား
#ရွာငံစုရပ်ကွက်နေဝပ်ရှော့လုပ်ကိုင်နေသည့်ဦးကုလားအား
#ကားတိုက်မှုဖြစ်ပွား

“မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။