ခမ်းသားငေါဝ်း
ဇူလိုင် ၂၈၊ ၂၀၂၄
ကျောက်မဲမြို့နှင့် မိုးမိတ်မြို့များ၌စစ်ကောင်စီနှင့် တိုက်ပွဲဆက်လက်ဖြစ်ပွားနေဆဲဖြစ်ကြောင်းတအာင်းအမျိုးသားလွတ်မြောက်ရေးတပ်မတော် TNLA က ဇူလိုင် ၂၇ ညတွင် ထုတ်ပြန်ထားသည်။
တအာင်းဒေသ၊ ကျောက်မဲမြို့ရှိ စစ်ကောင်စီတပ် စကခ (၁) ခမရ (၅၀၁၊ ၅၀၂) တပ်စွဲထားသည့် လွယ်ခွန်တောင်နှင့် တာဝါတိုင်စခန်းကုန်းတို့အား ဇူလိုင် (၂၇)ရက် နေ့လည် (၁၂း၀၀)နာရီအချိန်တွင် တအာင်းအမျိုးသားလွတ်မြောက်ရေးတပ်မတော် TNLA က လိုက်လံရှင်းလင်းရာ နှစ်ဖက်တိုက်ပွဲဖြစ်ပွားခဲ့သည်။
အလားတူ ဇူလိူင်လ၂၇ ရက် နံနက် (၆း၀၀)နာရီအချိန်တွင်လည်း မိုးမိတ်မြို့ ဒိုးပင်နှင့် ညောင်ပင်ဆောက်ရှိ စစ်ကောင်စီတပ် စကခ (၂၁) လက်အောက်ခံ ခလရ (၂၇၆) တပ်စခန်း၌ နှစ်ဖက် ထိတွေ့တိုက်ပွဲဖြစ်ပွားပြီး (၁၀း၀၀) နာရီအချိန်ခန့်တွင် ညောင်ပင်ဆောက်၌ ရှိသည့် စစ်ကောင်စီတပ်၏ စကခ(၂၁) လက်အောက်ခံ ခလရ (၂၂၃)နှင့်လည်းကောင်း၊ မိုးမိတ်ဗျူကာကုန်းရှိ စကခ (၂၁) လက်အောက်ခံ ခလရ (၃၄၈)နှင့်လည်းကောင်း ထိတွေ့တိုက်ပွဲဖြစ်ပွားခဲ့ကြောင်း ထုတ်ပြန်ချက်တွင်ဖော်ပြထားသည်။
ထို့ပြင် မိုးကုတ်မြို့အတွင်းရှိ ထွက်ပြေးသွားသည့် စစ်ကောင်စီတပ်သားအချို့အားTNLAက လိုက်လံရှင်းလင်းရာတွင် သေနတ်(၄)လက် နှင့် အခြားပစ္စည်းများလည်း သိမ်းဆည်းရမိခဲ့ကြောင်း ထုတ်ပြန်ချက်တွင်ပြောထားသည်။
#PPV005
#စစ်ပွဲ
#ကျောက်မဲ
#မိုးမိတ်
#တိုက်ပွဲဆက်လက်ဖြစ်ပွါး
#လွယ်ခွန်တောင်