ခမ်းသားငေါဝ်း
ဇွန် ၁၀ ၊ ၂၀၂၄
ရွာငံPDF-(JPRF) Localအဖွဲ့မှ အပတ်စဥ်(၁) အခြေခံစစ်ပညာသင်တန်းဆင်းပွဲကို ဇွန်လ ၈ ရက်နေ့တွင် ကျင်းပပြုလုပ်နိုင်ခဲ့ကြောင်း ရွာငံPDFထုတ်ပြန်ချက်အရ သိရသည်။
ယင်းစစ်သင်တန်းကို၂ လကြာပြုလုပ်ပြီး သင်တန်းကာလတွင်ရဲဘော်များအား ခန္ဓာကိုယ် ကျန်းမာကြံ့ခိုင်စေရန်နှင့်ခက်ခဲ ၊ ကြမ်းတမ်း၊ ပြင်းထန်သည့် သင်တန်းအမျိုးအစားများ ပါဝင်သကဲ့သို့ စိတ်ဓာတ်ပိုင်း လိုအပ်ချက်ဖြစ်သည့် နိုင်ငံရေး အခြေခံအသိကိုလည်း ထည့်သွင်းသင်ကြားပေးခဲ့ကြောင်း သိရသည်။
သင်တန်းဆင်းပွဲတွင် တာဝန်ခံ၊ တပ်ရင်းတာဝန်ခံများမှ မိန့်ခွန်းပြောကြားခြင်း၊ ဖိတ်ကြားထားသည့်အခြားမဟာမိတ်အဖွဲ့ဝင်များမှ လက်နက်ကိုင်တော်လှန်ရေးလုပ်ဆောင်ရာတွင် လိုအပ်သည့်အရည်အသွေးများအား ပြောကြားခြင်းစသည့် အစီစဉ်များပါဝင်ကြောင်း သိရသည်။
ရွာငံPDF(JPRF)သည် အဏာရှင်စနစ်တိုက်ဖျက်ရေးနှင့် ဖက်ဒရယ်ဒီမိုကရေစီနိုင်ငံတော်သစ် တည်ဆောက်ရာတွင် အဓိကလမ်းစဥ်ဖြစ်သည့် လက်နက်ကိုင်တော်လှန်ရေးကို ဆင်နွှဲရာတွင် အခြားမဟာမိတ်များနှင့်အတူ ဆုံးခန်းတိုင်အောင် ပါဝင်သွားမည်ဖြစ်ကြောင်းလည်း ထုတ်ပြန်ချက်တွင်ပြောထားပါသည်။
#PPV005