ခမ်းသားငေါဝ်း
မေ ၁၆ ၊ ၂၀၂၄
ဝဲကြီးထောင့်ကျေးရွာရှိ တိုက်နယ်ဆေးရုံအား စစ်ကောင်စီက ဗုံးကြဲခဲ့ရာ ဆေးရုံဝန်ထမ်း၊ လူနာနှင့် လူနာစောင့်အပါအဝင် ၂၀ ဦးထက်မနည်းဒဏ်ရာရရှိသွားပြီး သေဆုံးမှုအချို့ရှိနေကြောင်း ရခိုင်တပ်တော် AA ကထုတ်ပြန်ထားပါသည်။
ရခိုင်ပြည်နယ်၊ကျောက်တော်မြို့နယ်၊ဝဲကြီးထောင့်ကျေး ရွာရှိ တိုက်နယ်ဆေးရုံကို စစ်ကောင်စီက မေလ ၁၅ ရက်နေ့တွင် ဗုံးကြဲခဲ့ပြီး ဆေးရုံတစ်ခုလုံးနီးပါး ပျက်စီးသွားသည်၊၊
ရခိုင်ဒေသအတွင်း စစ်ရှုံးနေသည့် စစ်ကောင်စီသည် တိုက်ပွဲနှင့် မသက်ဆိုင်သည့် ဆေးရုံ၊ စျေးများကိုဦးတည်ပစ်ခတ်တိုက်ခိုက်ကာ အရပ်သားပြည်သူများအား အစုလိုက်လိုက်အပြုံလိုက် သတ်ဖြတ်နေသည်ဟု AA ကပြောဆိုထားသည်။
ရခိုင်ပြည်နယ်တွင် တိုက်ပွဲ ၆ လသာအတွင်း နေရပ်စွန့်ခွာ တိမ်းရှောင်နေရသူ ၁၆၀,၀၀၀ ကျော်အထိ ရှိနေပြီး စားနပ်ရိက္ခာ၊အမိုးအကာ၊သောက်သုံးရေ၊ဆေးဝါး စသောအရေးပေါ်လိုအပ်ချက်များ မြင့်မားလျက်ရှိကြောင်းသိရသည်။
PPV003