ခမ်းသားငေါဝ်း
မေ ၁၅၊ ၂၀၂၄
ဟိုပုံးမြို့နယ် ကုန်းညောင်ရွာတွင် မိုးကြီး လေပြင်းတိုက်ခိုက်ခြင်းကြောင့် အိမ်နှစ်လုံး ပြိုကျပျက်စီးပြီး လူတစ်ဦးထိခိုက်ဒဏ်ရာရရှိခဲ့ကြောင်း ဒေသခံထံက သိရသည်။
ရှမ်းပြည်နယ်တောင်ပိုင်း ၊ဟိုပုံးမြို့နယ် ၊ လဲသက်ကျေးရွာအုပ်စု ကုန်းညောင်ရွာတွင် ယနေ့ည ၃ နာရီကျော်အချိန်တွင် မိုးကြီးလေပြင်းတိုက်ခိုင်ပြီး လူနေအိမ်ပျက်ဆီးခဲ့သည်။
“လူတစ်ဦးဒဏ်ရာရတယ်။အိမ်အပေါ်က သစ်သူ့ခေါင်းပေါ် ကျပြီး ဒဏ်ရာရသွားတယ်။ သွေးက များနေတော့ မိုင်းပျဥ်းဆေးရုံပြပြီး ဆေးထည့်လိုက်ရတယ်။”ဟု ဒေသခံတစ်ဦး ခမ်းသားငေါဝ်းကိုပြောသည်။
ဒဏ်ရာသည့်သူသည် သွေးထွက်များပြီး သွေးမတိတ်ခြင်းကြောင့် ဆေးရုံသို့ပို့ရပြီး ဆေးရုံမှဆေးထည့်ပေးပြီးနောက် သက်သာသွားပြီဖြစ်ကြောင်း ၄င်းကဆက်ပြောသည်၊၊
ယင်းကျေးရွာတွင် ယခုဖြစ်စဉ်မျိုး ဖြစ်ပွားဖူးခြင်းမရှိဘဲ ယခုတွင် ပထမဆုံးအကြိမ် ဖြစ်ပွားကြောင်း သိရသည်။
PPV005