ခမ်းသားငေါဝ်း
ဧပြီ ၇၊၂၀၂၄
ရှမ်းပြည်နယ်တောင်ပိုင်း အောင်ပန်းမြို့ ပထမပုဂ္ဂလိကဘဏ်အရှေ့လမ်းပေါ်တွင် ယာဥ်မတော်တဆမှုဖြစ်ပွားပြီး ဆိုင်ကယ်မောင်းသူအမျိုးသားတစ်ဦး ပွဲချင်းပြီးသေဆုံးကြောင်းသိရသည်။
ဖြစ်စဥ်မှာ ယမန်နေ့ ဧပြီလ ၆ရက်နေ့ နေ့လည်၂နာရီအချိန်တွင် အောင်ပန်းမြို့ ညောင်ပင်ထောင်ရပ်ကွက် ပထမပုဂ္ဂလိကဘဏ်ရှေ့အနီး မိုင်းလမ်းတွင် မောင်းနင်းလာသည့် Canterကားနှင့် လမ်းကြားမှထွက်လာသော ဆိုင်ကယ်တို့မတော်တဆဖြစ်ပွားခဲ့သည်။
“ဆိုင်ကယ်က ပထမပုဂ္ဂလိကလမ်းကြားကနေထွက်လာတာဗျ ထွက်တော့ ကားကလည်းမိုင်းအတိုင်းမောင်းနေတော့ ချိတ်ပါသွားတယ်လို့ကြားသိရပါတယ်ဗျ”ဟု အောင်ပန်း နာရေးကူညီမှုအသင်းမှ တာဝန်ရှိတစ်ဦးကခမ်းသားငေါဝ်းကိုပြောသည်။
ကားနှင့်ချိတ်ပါပြီး ပွဲချင်းပြီးသေဆုံးသူမှာ မည်သူမည်ဝါနှင့် ဘယ်နေရာနေကြောင်းစသည့်အသေးစိတ်ကို စုံစမ်းနေဆဲဖြစ်ကြောင်း ၎င်းကဆက်ပြောသည်။
တောင်ကြီး အောင်ပန်းမိုင်းလမ်းသည် လမ်းကောင်းတိုင်းအမြန်မမောင်းကြရန်လိုအပ်ကြောင်းဆိုသည်။
ယမန်နေ့ဖြစ်စဥ်အပါ ယင်းမိုင်းလမ်းပေါ်တွင် မတ်လနောက်ဆုံးပတ်နှင့် လက်ရှိ ဧပြီလ ပထမအတွင်း ယာဥ်မတော်တဆ ယာဥ်တိုက်မှု ၃ကြိမ်ဖြစ်ပွားခဲ့ပြီးဖြစ်ကြောင်းသိရသည်။
#PPV004