ခမ်သားငေါဝ်း
ဧပြီ ၅၊ ၂၀၂၄
ရပ်စောက်မြို့နယ်ရှိ ကျေးရွာများတွင် RCSS/SSA က မူးယစ်ဆေးဖြတ်ပေးမည်ဟုအကြောင်းပြပြီး လူငယ်များရာချီဖမ်းဆီးခေါ်ဆောင်သွားကြောင်း ဒေသခံထံက သိရသည်။
ရှမ်းပြည်နယ်တောင်ပိုင်း ရပ်စောက်မြို့နယ်ရှိ ပင်ဖစ်၊ လွယ်တင်း၊ ဒုံတသာ၊ ကောင်တန်၊ (ထီတဖြေ) ရေတပြေ ၊ (ချို့ထီ)ဆတ်သေ၊ (ဟမ်းဖြေင်း)မြေမဲ၊ စသည့်ကျေးရွာများရှိလူငယ်များအား RCSS/SSA ရှမ်းပြည်ပြန်လည် ထူထောင်ရေးကောင်စီက ညအပြင်ထွက်သည့်အခါ ဖမ်းဆီးခြင်းများရှိသလို မူးယစ်ဆေးဝါးအကြောင်းပြပြီး ဖမ်းဆီးခံရသူ တစ်ရာကျော်ရှိသည်။
“ငွေနဲ့ပြန်ရွေးလည်းမရဘူး မူးယစ်ဆေးစွဲတယ်ပဲစွပ်စွဲနေ ပြီးတော့ စစ်သင်တန်းတက်ရတယ် အိမ်ပြန်လည်လို့လည်းမရဘူး မိဘကသွားတွေ့ရင် တောင် တွေ့ခွင့်မရဘူး ငါးနှစ်စစ်မှုထမ်းရမယ်တဲ့” ဟု ဒေသခံတစ်ဦးက ခမ်းသားငေါဝ်းကိုပြောသည်။
ကျန်ရှိနေသည့် အသက်သုံးဆယ်ငါးနှစ်အောက် ဆယ့်ရှစ်နှစ်အထက်လူငယ်များအား PNO ပြည်သူ့ စစ်မှ စစ်မှုထမ်းရန် မဲနိုက်ချင်းများပြုလုပ်ပြီး မဲပေါက်သူအားစစ်သင်တန်းပေးနေခြင်းများလည်း ရှိနေကြောင်း ၎င်းကဆက်ပြောသည်။
ရပ်စောက်မြို့နယ်အတွင်းရှိ ကျေးရွာများတွင် RCSS/SSA ရှမ်းပြည်ပြန်လည်ထူထောင်ရေးကောင်စီအပြင် SSPP/SSA ရှမ်းပြည်တိုးတက်ရေးပါတီ၊PNO ပြည်သူ့စစ် စသည့် လက်နက်ကိုင်အဖွဲ့အစည်းပေါင်းစုံ၏ ဆက်ကြေး ကောက်ခံခြင်း၊ စစ်သားစုဆောင်းခြင်းများ ခံနေရကြောင်း သိရသည်။
PPV001