ခမ်းသားငေါဝ်း ဧပြီ၂၉၊ ၂၀၂၄ ရှမ်းပြည်နယ်တောင်ပိုင်းတွင် တိုက်ပွဲအခြေအနေယခင်ထက်ငြိမ်နေသော်လည်း စစ်ရှောင်အရေ အတွက်များနေဆဲဖြစ်ကြောင်း ဧပြီလ(၂၉)ရက်နေ့ ပအိုဝ်းလူငယ်အစည်းအရုံ PYO တွင်ထုတ်ပြန်ချက်အရ သိရသည်။ တိုက်ပွဲကြောင့် ဆီဆိုင်၊ညောင်ရွှေ၊ဟိုပုံး၊ပင်လောင်းတွင် ၂၀၂၄ ခုနှစ် ဇန်နဝါရီ၂၁ ရက်နေ့မှ ဧပြီ ၂၇ရက်နေ့အထိ စုစုပေါင်း(၉၈)ရက်တာအတွင်း စစ်ရှောင်စုစုပေါင်း ၇၁၃၄၀ဦးအထိရှိလာသည်ဟု ထုတ်ပြန်ချက်တွင်ဖော်ပြထားသည်။
ခမ်းသားငေါဝ်း ဧပြီ ၂၉၊၂၀၂၄ ထမ်းယမ် ထီတမ်(အပေါ်ရွာ)ကျေးရွာတို့အတွင်း PNO ပြည်သူ့စစ်တပ်ဖွဲ့များက ကျေးရွာအတွင်းနေထိုင်နေသည့်အပြင် ရွာသားများကိုလည်းခြိမ်းခြောက်ပြောဆိုနေကြောင်းဒေသခံတစ်ဦးထံမှသိရသည်။
ခမ်းသားငေါဝ်း ဧပြီ ၂၅၊ ၂၀၂၄ ဖယ်ခုံမြို့ အနောက်ဖက်ခြမ်း တစ်နေရာတွင် စစ်ရှောင်နေရင်း ၊တောင်ယာလုပ်နေသည့် လင်မယားနှစ်ဦးအား စစ်ကောင်စီကဖမ်းဆီး နှိပ်စက်ပြီး ပစ်သတ်ခဲ့ကြောင်း ဒေသခံထံက သိရသည်။ ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ အနောက်ဖက်ခြမ်းတွင် ဧပြီလ၂၃ ရက်နေ့က တောင်ယာလုပ်နေသည့် စစ်ရှောင်လင်မယားကို စစ်ကောင်စီတပ်သားများက ပစ်သတ်ခဲ့သည်၊၊ “စစ်ရှောင်ရင်းနဲ့ တောင်ယာလုပ်နေတာ သူတို့တောင်ယာလုပ်တဲ့ဘက် စစ်သားတွေက စစ်ကြောင်းထိုးလာတာဖြစ်ပါတယ်။ သူတို့လင်မယားကို…
ခမ်းသားငေါဝ်း ဧပြီ ၂၅၊၂၀၂၄ ဆီဆိုင်မြို့နယ် နောင်တဗင်ကျေးရွာတွင် စစ်မှုထမ်းဆင့်ခေါ်ရန် PNOပြည်သူ့စစ်က မဲနှိုက်စနစ်ပြုလုပ်သော်လည်းအများစုက ပေါက်မဲသာဖြစ်နေကြောင်း ဒေသခံတစ်ဦးထံမှသိရသည်။ ရှမ်းပြည်နယ်တောင်ပိုင်း ဆီဆိုင်မြို့နယ် နောင်တဗင်ကျေးရွာတွင် ဧပြီလ ၂၄ ရက်နေ့၌ PNOပြည် သူ့စစ်အဖွဲ့မှလာရောက်ပြီး စစ်မှုထမ်းရန် မဲစနစ်ဖြင့် ၁၇၀ မဲပြုလုပ်ရာ သုံးပုံတွင် နှစ်ပုံကျော်က ပေါက်မဲများဖြစ်နေကြောင်းဆိုသည်။ “မဲ ၁၇၀ ကို အကုန်ပေါက်အောင်လုပ်တာဗျ အများစုပေါက်တယ်…
ခမ်းသားငေါဝ်း ဧပြီ ၂၅၊ ၂၀၂၄ စစ်ကောင်စီလေကြောင်းနှင့် လက်နက်ကြီးပစ်ခတ်မှုကြောင့် ပြည်သူ(၂)ဦးသေဆုံးပြီး ကလေးငယ်အပါအဝင်(၉)ဦးထိခိုက်ဒဏ်ရာရကြောင်း ကရင်အမျိုးသားအစည်းအရုံး (KNU)ထုတ်ပြန်ချက်အရသိရသည်။ ကရင်ပြည်နယ် လယ်ဒိုမြို့နယ်အတွင်း ဧပြီလ(၂၂) ရက်နေ့တွင် စစ်ကောင်စီတပ်က လေကြောင်းနှင့် လက်နက်ကြီးပစ်ခတ်မှုကြောင့် ပြည်သူ(၂)ဦးသေဆုံးပြီး ၁၈ နှစ်အောက်ကလေး ၃ ဦးအပါအဝင် (၉)ဦးဒဏ်ရာရရှိခဲ့ကြောင်း ဧပြီလ(၂၄)ရက်နေ့တွင် KNU ကထုတ်ပြန်ထားသည်။ စစ်ကောင်စီတပ်သည် Jet Fighter ဖြင့်…
ခမ်းသားငေါဝ်း ဧပြီ ၂၅၊ ၂၀၂၄ အာဏာသိမ်းပြီး ၃ နှစ်ကျော်အတွင်း သေဒဏ်ချမှတ်ခံရသူ စုစုပေါင်း ၁၆၆ ဦးထိရှိလာသည်ဟု ဧပြီ ၂၄ ရက်နေ့တွင် နိုင်ငံရေးအကျဥ်းသားများကူညီစောင့်ရှောက်ရေးအစင်း AAPP က ထုတ်ပြန်ထားသည်။ စစ်တပ်အာဏာသိမ်းပြီး သုံးနှစ်ကျော်အတွင်း တော်လှန်ရေးနှင့်ဆက်စပ်၍ သေဒဏ်ချမှတ်ခံထားရပြီး အကျဥ်းထောင်များတွင် ထိန်းသိမ်းခံနေရသူ စုစုပေါင်း (၁၂၃)ဦးရှိလာကာ မျက်ကွယ်သေဒဏ်ချမှတ်ခံ ထားရသူ(၄၃)ဦး အပါအဝင် (၁၉၉)ဦးမှာ…
ခမ်းသားငေါဝ်း ဧပြီ ၂၄ ၊ ၂၀၂၄ အောင်ပန်းမြို့တွင် အမည်မသိပိုင်ရှင်မဲ့ အမျိုးသားတစ်ဦး၏ရုပ်အလောင်းကိုထပ်မံ တွေ့ရှိခဲ့ကြောင်း အောင်ပန်းနာရေးကူညီမှုအသင်းထံမှသိရသည်။ ရှမ်းပြည်နယ်တောင်ပိုင်း၊အောင်ပန်းမြို့ အနီး ကမ်းပါးနီးရွာနှင့် ညောင်ကုန်းရွာ ချောင်းအစပ်၌ ဧပြီလ ၂၄ ရက်နေ့ မနက် ၁၀ နာရီခွဲဝန်းကျင်ခန့်တွင် ပိုင်ရှင်မဲ့ အမျိုးသားတစ်ဦး၏အလောင်းကိုတွေ့ရှိခဲ့ခြင်းဖြစ်သည်။ ” သက်ဆိုင်ရာရဲ့ ညွန်ကြားချက်ကြောင့် အလောင်းကို ဆေးရုံရောက်မှတွေ့ခွင့်ရတယ်၊ အလောင်းကရုပ်ပျက်ဆင်းပျက်ဖြစ်နေပြီ၊ မျက်နှာတွေမှာ…
ခမ်းသားငေါဝ်း ဧပြီ ၂၄၊ ၂၀၂၄ ရပ်စောက်မြို့နယ်ရှိ ကျေးရွာအချို့တွင် အိမ်တိုင်းလိုလို PNO ပြည်သူစစ် ကောက်ခံခြင်း ခံရသလို စစ်ကောင်စီမှလည်း စစ်ကောက်ခံခြင်း ခံနေရသည့်အတွက် အိမ်တိုင်းလိုလို စစ်ထဲဝင်နေရသည်ဟု ဒေသခံက ဆိုသည်။ ရှမ်းပြည်နယ်တောင်ပိုင်း တောင်ကြီးခရိုင် ရပ်စောက်မြို့နယ် (ချို့ထီ)ဆတ်သေရွာ၊ (ဟမ်းဖြေင်း)မြေမဲရွာ၊ (ထီတဖြေ)ရေသပြေရွာ၊ ကောင်ထိုရွာ၊ မုဲင်းတွိုင်တမွူးရွာ၊ လုဲင်းလောင်းရွာရှိ အမျိုးသားများသည် အိမ်တိုင်းလိုလို စစ်ထဲဝင်ပြီး…
ခမ်းသားငေါဝ်း ဧပြီ ၂၃၊ ၂၀၂၄ PNO ပြည်သူ့စစ် ပေါ်တာဆွဲဖမ်းဆီးသဖြင့် စင်းတောင်းရွာ လူလတ်ပိုင်း အမျိုးသားများ အိမ်တွင်မအိပ်ရဲကြဘဲ တောတောင်ထဲ သွားအိပ်နေရကြောင်း ဒေသခံကပြောသည်၊၊ ရှမ်းပြည်နယ်တောင်ပိုင်း၊ ပင်လောင်းမြို့နယ်၊ စင်းတောင်းကျေးရွာတွင် ဧပြီလအတွင်း PNO ပြည်သူ့ စစ်က ရွာသားများအား ပေါ်တာဆွဲဖမ်းဆီးပြီး အလှည့်ကျဖြင့် တိုက်ပွဲဖြစ်ပွားရာရှေ့တန်းသို့ သွားခိုင်းသည့်အတွက် အိမ်တွင်မအိပ်ရဲကြဘဲ တောတောင်ထဲအိပ်နေရသည်၊၊ “၁၅ ရက်…
ခမ်းသားငေါဝ်း ဧပြီ ၂၃၊၂၀၂၄ ရှမ်း- ကယားအစပ်ရှိ မိုးဗြဲမြို့အခြေစိုက်စစ်ကောင်စီတပ် ခလရ ၄၂၂ စခန်းသိမ်းတိုက်ပွဲတွင် တော်လှန်ရေးအင်အားစုတပ်မှ ရဲဘော် ၂၅ ဦးကျဆုံးခဲ့ရကြောင်း မြေပြင်သတင်းရင်းမြစ်ထံက သိရသည်။ စစ်ကောင်စီ၏ ၄၂၂ စခန်းကိုသိမ်းနိုင်ရန်ယနေ့အချိန်ထိ စစ်ဆင်ရေးပြုလုပ်လျက်ရှိပြီး ထိခိုက်ဒဏ်ရာရခြေထောက်ဆုံးရှုံးရသည့်ရဲဘော်များလည်း ၁၅ ဦးဝန်းကျင်ရှိကြောင်းဆိုသည်။ “တော်လှန်ရေးတပ်ဖွဲ့တော့ ထိခိုက်ဆုံးရှုံးမှုရှိတာကအမှန်ပါပဲဗျ စစ်ဆင်ရေးကလည်းမပြီးပြတ်သေးတဲ့အတွက် အသေးစိတ်အချက်အလက်ကိုတော့အတိ အကျမသိရသေးဘူး” KNDF ဗဟိုသတင်းနှင့်ပြန်ကြားရေးဌာနမှ ပြောဆိုခွင့်ရှိသူတစ်ဦးကခမ်းသားငေါဝ်းကိုပြောသည်။…
