ခမ်းသားငေါဝ်း
မတ် ၉၊၂၀၂၄
ညောင်ရွှေမြို့ ရေဦးကျေးရွာအနီး ဆောက်လုပ်ဆဲတံတားနားတွင် အမျိုးသားတစ်ဦး ဆိုင်ကယ်မှောက်ပြီး သေဆုံးသွားခဲ့ကြောင်း မျက်မြင်တွေ့သူထံက သိရသည်။
ရှမ်းပြည်နယ်တောင်ပိုင်း ၊ညောင်ရွှေမြို့နယ် ရေဦးကျေးရွာ အနီး ဆောက်လုပ်ဆဲတံတားအနီး မတ်လ ၈ ရက်ညတွင် အမျိုးသားတစ်ဦး ဆိုင်ကယ်မတော်တဆဖြစ်ပြီး သေဆုံးခဲ့ကြောင်း သိရသည်။
“မနေ့ညကတည်းကမှောက်တာ။ ဒီမနက်မှ လမ်းသွား လမ်းလာသူတွေ့တာ။ သူများတွေတွေ့တဲ့ချိန် အသက်မရှိတော့ဘူး။ အဲနားမှာ တံတားက ဆောက်လုပ်နေဆဲ ဖြစ်တယ် “ဟု မျက်မြင်တစ်ဦးကခမ်းသားငေါဝ်းကိုပြောသည်။
သေဆုံးသွားသူသည် အင်းတိန်ကျေးရွာနေ ကိုဖိုးသား ဖြစ်ကြောင်း သိရသည်။
ရှမ်းပြည်နယ်တောင်ပိုင်းတွင် မတ်လပထမပတ် အတွင်း ကားနှင့်ဆိုင်ကယ်မတော်တဆဖြစ်မှု ကြောင့် သေဆုံးသူ ၁၀ ဦးထိရှိပြီဖြစ်ကြောင်း ကယ်ဆယ်ရေးအဖွဲ့ထံမှသိရသည်။
PPV005