ခမ်းသားငေါဝ်း
ဇန်နဝါရီ ၂၈၊၂၀၂၄
စစ်ကောင်စီက ဆီဆိုင်မြို့ပေါ် မီးလောင်ဗုံးတွေကြဲချခြင်းနှင့် လက်နက်ကြီးပစ်ခတ်ခြင်းကြောင့် လက်ဘက်ရည်ဆိုင်မီးလောင်မှုဖြစ်ပွားခဲ့ကြောင်းသိရသည်။
ရှမ်းပြည်နယ် တောင်ပိုင်း ဆီဆိုင်မြိုတွင် ယနေ့ ဇန်နဝါရီ ၂၈ ရက်နေ့ နေ့လည် ၂ နာရီအချိန်၌ Sweet Dreamဆိုင်ကိုမီးစတင်လောင်ပြီး မီးငြိမ်းသောသူမရှိသည့်အတွက် ဈေးဆိုင်ခန်းများနှင့်လူနေအိပ်ပါမီးကူးနေကြောင်းသိရသည်။
မီးလောင်ရခြင်းသည် စစ်ကောင်စီနှင့် PNOပြည်သူ့စစ်ပူးပေါင်းတပ်က ဆိုက်ခေါင်မှ လက်နက်ကြီးတောက်လျောက်ပစ်ခတ်နေခြင်းနှင့် စစ်ကောင်စီက မီးလောင်ဗုံးပစ်ချမှုဖြစ်ကြောင်းသိရသည်။
PNLA တာဝန်ရှိသူတစ်ဦးက “စစ်ကောင်စီက ဆီဆိုင်မြို့ပေါ်မှာ ဒီကနေ့ မီးလောင်ဗုံးတွေကြဲချတယ်၊ လက်နက်ကြီးတွေပစ်ချတယ် ဒါကြောင့်မီးလောင်တာဖြစ်တယ်”ဟု ခမ်းသားငေါဝ်း ကိုပြောသည်။
မီးလောင်မှု ကြောင့် ထိခိုက်ဆုံးရှုံးမှုအသေးစိတ်ကိုမသိရှိရသေးပါ။
“မီးဘယ်ကနေစလောင်တာလည်းတော့မသိဘူး။ ခုကငြိမ်းပေးတဲ့သူမရှိဘူးဖြစ်နေတယ်။ အနီးရှိဆိုင်ခန်းနဲ့အိမ်တွေမီးကူးနေတာ။ လူထိခိုက်မှုရှိ မရှိလည်းမသိဘူး။ အကုန်လုံးကထွက်ပြေးကြတယ်လေ ဘယ်သူမှမရှိတော့ဘူး။”ဟု ဒေသခံအမျိုးသမီး တစ်ဦးကခမ်းသားငေါဝ်းကို ပြောသည်။
ဇန်နဝါရီ ၂၈ ရက်နေ့ နံနက်အချိန်ကစပြီး စစ်ကောင်စီနှင့်PNOပြည်သူ့စစ်ပူးပေါင်းတပ်ကဆိုက်ခေါင်ဒေသမှ လက်နက်ကြီးဖြင့် အဆက်မပြတ်ပစ်ခတ်နေကြောင်းဒေသခံပြောပြချက်အရသိရ သည်။
photo cj