ခမ်းသားငေါဝ်း
ဇန်နဝါရီ ၁၀၊၂၀၂၄
စစ်တပ်အာဏာသိမ်းပြီး ၂၀၂၄ ခုနှစ် ၉ ရက်တာအတောအတွင်း စစ်အုပ်စု နှင့် ၄င်းတို့လက်ပါးစေကြောင့် နိုင်ငံတဝန်းရှိ ပြည်သူ (၄၀) ဦး သေဆုံးခဲ့ရကြောင်း သိရသည်။
စစ်ကောင်စီအုပ်စုကြောင်း ၂၀၂၄ ခုနှစ် ဇန်နဝါရီလ ၁ ရက်နေ့မှ ၉ရက်နေ့အထိ နိုင်ငံတဝန်းရှိပြည်သူအယောက် ၄၀ သေဆုံးမှုတွင် စစ်ကောင်စီလေကြောင်း တိုက်ခိုက်မှုလည်းပါဝင်ကြောင်း နိုင်ငံရေးအကျည်းသားများ ကူညီစောင့်ရှောက်ရေးအသင်းက ထုတ်ပြန်ထားသည်။
သေဆုံးသူများတွင် အမျိုးသမီး (၁၇)ဦးနှင့် အမျိုးသား (၂၃)ဦး၊ (၄၀)ဦး သေဆုံးခဲ့ပြီး စစ်ကိုင်းတိုင်းမှ (၁၇) ဦးဖြင့် သေဆုံးမှုအများဆုံးနှင့် အဆိုပါ (၄၀)ဦးအနက် စစ်အုပ်စု၏ လေကြောင်းတိုက်ခိုက်မှုကြောင့် သေဆုံးသူ (၁၈)ဦးဖြင့် အများဆုံးဖြစ်ကြောင်း သိရသည်။
“ စစ်ကောင်စီက လေကြောင်းနဲ့ ဗုံးတွေကြဲနေတာတွေတွေ့ရတယ်။ တိုက်ပွဲတွေမဖြစ်ပွားဘဲ လူထုတွေ ရှိတဲ့နေရာတွေကို အဓိကထားပြီး ရည်ရွယ်ချက်ရှိရှိနဲ့ လေကြောင်းနဲ့ တိုက်ခိုက်နေတာက ဒါလူမျိုးသုန်း သတ်ဖြတ်မှုလုပ်နေတာ” ဟု နိုင်ငံရေးတက်ကြွလှုပ်ရှားသူတစ်ဦးက ပြောသည်။
နိုင်ငံတဝန်းရှိ စစ်တပ်အာဏာသိမ်းပြီးနောက် စစ်ကောင်စီအုပ်စု နှင့် ၄င်းတို့ လက်ပါးစေများကြောင်း နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီအရေးလှုပ်ရှားသူများနှင့် ပြည်သူ စုစုပေါင်း (၄၃၇၀)ဦး အထိရှိပြီးဖြစ်ကြောင်းနိုင်ငံရေးအကျည်းသားများ ကူညီစောင့်ရှောက်ရေးအသင်း ဖော်ပြထားပါသည်။